لاہور (مانیٹرنگ ڈیسک) قوم سے جھوٹ بولنے والے سیاستدانوں کے حوالے سے خبریں اور چینل فائیو کے عوامی سروے میں ایک لاکھ 95 ہزار لوگوں کے پیغامات موصول ہوئے۔ جن میں سے ایک لاکھ 32 ہزار لوگوں نے کہا کہ جھوٹ بولنے والے عوامی نمائندوں کو تاحیات نااہل کیا جائے جوکہ مجموعی طور پر 82 فیصد لوگوں کی رائے ہے۔ 38ہزار لوگوں نے 10 سال نا اہلی اور 25 ہزار لوگوں نے 5 سال نااہلی کے حق میں رائے دی۔ شہریوں نے کہاکہ جھوٹ بولنے والے سیاستدانوں کو زیادہ سے زیادہ سزا دینی چاہیے اور ایسے لوگوں کو جو عوام سے ووٹ لینے کیلئے جھوٹ بولتے ہیں کڑی سے کڑی سزا ملنی چاہے، عوامی نمائندوں کی نیت صاف ہونی چاہیے اور کسی قسم کا جھوٹ نہیں بولنا چاہیے۔
