کراچی (خصوصی رپورٹ) پیپلز پارٹی پارلیمنٹرین کے سربراہ آصف علی زرداری کی ہمشیرہ اور سندھ کی با اثر سیاسی خاتون فریال تالپور کو آئندہ عام انتخابات میں کامیابی کے بعد وزیر اعلیٰ سندھ بنائے جانے کا امکان ہے۔ فریال تالپور جولائی 2018ءکے عام انتخابات میں صوبائی اسمبلی الیکشن لڑنے اور وزیراعلیٰ سندھ بننے کی خواہش رکھتی ہیں۔ اس حوالے سے پیپلز پارٹی کے ذمہ دار ذرئع نے بتایا کہ آصف زرداری 2014ءمیں بھی فریال تالپور کو وزرات اعلیٰ کے منصب پر بٹھانا چاہتے تھے لیکن مقتدر حلقوں سے کلیئرنس نہ ملی تھی۔ اب اسٹیبلشمنٹ کے ساتھ تعلقات بہتر ہونے پر ان کی خواہش پوری ہونے کا امکان روشن نظر آتا ہے۔ کہا جا رہا ہے کہ آئندہ انتخابات میں فریال تالپور نو ابشاہ اور لاڑکانہ کے دو صوبائی حلقوں سے انتخابات میں حصہ لیں گی۔
