اسلام آباد(ویب ڈیسک) مسلم لیگ ن کے سینیٹرڈاکٹرآصف کرمانی نے کہا ہے کہ مسلم لیگ ن کے پشاور جلسے میں لاکھوں افراد نے شرکت کی،جس سے تحریک انصاف کاسونامی دریائے کابل میں غرق ہوگیا ہے۔ میڈیا رپورٹس کے مطابق مسلم لیگ نون کے سینیٹرڈاکٹرآصف کرمانی نے سابق وزیراعظم محمد نوازشریف کے پشاورجلسے پراظہاراطمینان کرتے ہوئے کہا کہ نوازشریف کا جلسہ عمران خان کیخلاف ریفرنڈم ثابت ہوا،شکریہ پشاور۔ انہوں نے کہا کہ عوام نے جلسے میں شرکت کر کےعمران خان پرمکمل عدم اعتماد کا اظہار کیا۔پی ٹی آئی کا سونامی آج دریائے کابل میں غرق ہو گیا۔ انہوں نے کہاکہ نوازشریف کے پشاور جلسے میں لاکھوں افراد نے شرکت کی ہے۔
