اسلام آباد(ویب ڈیسک)انسداد دہشت گردی کی عدالت نے پی ٹی وی حملہ سمیت چار مقدمات میں عمران خان کی حاضری سے استثنیٰ کی درخواست مسترد کردی۔ انسداد دہشت گردی عدالت میں عمران خان کے خلاف چار مقدمات زیر سماعت ہیں جن میں پی ٹی وی اور پارلیمنٹ حملہ کیس سمیت سابق ایس ایس پی اسلام آباد عصمت اللہ جونیجو پر تشدد کا کیس بھی شامل ہے۔چیئرمین تحریک انصاف ان کیسز میں پولیس کو بیان ریکارڈ کراچکے ہیں اور عدالت نے چاروں مقدمات میں انہیں ضمانت دے رکھی ہے۔
