Monthly Archives: February 2018

پاکستان

پتوکی والوں کو اورنج ٹرین کی سیر،10سپیڈومیٹر کا تحفہ ،خواب بنے گا یا حقیقت

پتوکی (ویب ڈیسک)مسلم لیگ (ن) کے قائم مقام صدر نواز شریف نے کہا ہے کہ اگر عوام نے آئندہ انتخابات میں مسلم لیگ (ن) کو ووٹ دیا تو کراچی کو بھی لاہور بنا دیں گے۔پتوکی میں جلسے سے خطاب کرتے ہوئے شہباز شریف کا کہنا تھا کہ آج نواز شریف نے مجھے مسلم لیگ (ن) کا قائم مقام صدر تو بنا یا ہے، نواز شریف کی پارٹی صدارت تو چھن گئی لیکن دلوں سے ان کی محبت نہیں جا سکتی کیونکہ نواز شریف پورے پاکستان کی آن، بان اور شان ہیں اور وہ ہمیشہ پارٹی قائد رہیں گے۔(ن) لیگ کے جلسے میں شرکت کے لیے کارکنان کی بڑی تعداد موجود ہے، مسلم لیگ (ن) کے نومنتخب صدر کا جلسہ گاہ پہنچنے پر شاندار استقبال کیا گیا اور ان کے حق میں نعرے بازی بھی کی گئی۔پتوکی والوں کو اورنج ٹرین کی سیر،10سپیڈومیٹر کا تحفہ ،خواب بنے گا یا حقیقت

 

پاکستان

نوازشریف تا حیات قائد منتخب، اب کون کریگا پکار نواز کیخلاف، عمران یا بلاول یا کوئی اور؟؟

لاہور(ویب ڈیسک)مسلم لیگ (ن) کی مرکزی مجلس عاملہ نے شہبازشریف کو پارٹی کا قائم مقام صدر اور نوازشریف کو تاحیات قائد بنانے کی منظوری دے دی۔سپریم کورٹ نے 21 فروری کو انتخابی اصلاحات 2017 کیس کا فیصلہ سناتے ہوئے نواز شریف کو پارٹی صدارت کے لیے نااہل قرار دیا۔عدالتی فیصلے میں کہا گیا کہ آئین کی دفعہ 62، 63 پر پورا نہ اترنے والا نااہل شخص کسی سیاسی جماعت کی صدارت نہیں کرسکتا۔مرکزی مجلس عاملہ کا اجلاس ئے پارٹی صدر کے انتخاب کے لیے مسلم لیگ (ن) کے چیئرمین راجہ ظفر الحق کی سربراہی میں پارٹی کی مرکزی مجلس عاملہ کا اجلاس 180 ایچ ماڈل ٹاو¿ن لاہور میں ہوا جس میں سابق وزیراعظم نواز شریف، وزیراعلیٰ پنجاب شہباز شریف، وزیراعظم شاہد خاقان عباسی، مریم نواز اور دیگر مرکزی رہنما ہوئے۔ نواز شریف پارٹی صدارت کے لیے نااہل قرار چوہدری نثار کی عدم شرکت سلم لیگ (ن) کے اہم رہنما اور سی ای سی کے رکن چوہدری نثار اجلاس میں شریک نہیں ہوئے۔ اجلاس میں پارٹی صدر کے نام پر مشاورت کی گئی اور اس دوران میاں نوازشریف نے پارٹی صدارت کے لیے شہبازشریف کا نام تجویز کیا۔مسلم لیگ (ن) کی مرکزی مجلس عاملہ نے شہبازشریف کو پارٹی کا قائم مقام صدر بنانے کی متفقہ طور پر منظوری دی جس کے بعد وہ بلا مقابلہ قائم مقام صدر منتخب ہوگئے۔
سابق وزیراعظم نوازشریف کو پارٹی کا تاحیات قائد بنانے کی سفارش وزیراعظم شاہد خاقان عباسی، راجہ ظفرالحق اور شہباز شریف نے کی جس کی مرکزی مجلس عاملہ نے منظوری دے دی۔مسلم لیگ (ن) کے سیکریٹری جنرل احسن اقبال نے ان فیصلوں کا اعلان کیا۔(ن) لیگ کی رہنما مریم نواز نے بھی سماجی رابطے کی ویب سائٹ ٹوئٹر پر نوازشریف کو تاحیات قائد بنائے جانے کی خبر دی۔

شوبز

دبئی پولیس کا گرین سگنل ، سری دیوی کی باڈی فیملی کے حوالے

دبئی(ویب ڈیسک) بالی وڈ کی لیجنڈری اداکارہ سری دیوی کی میت بھارت لے جانے کے لئے دبئی پولیس کی جانب سے ان کے خاندان کو حوالگی کا اجازت نامہ جاری کردیا گیا۔دبئی میں بھارتی قونصلیٹ کی جانب سے بذریعہ ٹوئٹ بتایا گیا ہے کہ پولیس نے سری دیوی کی میت حوالگی کا اجازت نامہ قونصلیٹ اور آنجہانی اداکارہ کے شوہر بونی کپور کے حوالے کردیا۔سری دیوی کی میت بھارتی صنعتکار مکیش امبانی کے نجی چارٹرڈ طیارے کے ذریعے ممبئی لائی جائے گی جہاں ان کی آخری رسومات ادا کی جائیں گی جب کہ شوبز سے تعلق رکھنے والی شخصیات کی بڑی تعداد مرحومہ کے دیور انیل کپور کی رہائشگاہ پہنچنا شروع ہوگئی۔ دوسری جانب پولیس پبلک پراسیکیوشن نے تحقیقات کے دائرے کو آگے بڑھاتے ہوئے ‘مجرمانہ غفلت’ کے زاویے کو بھی تفتیش میں شامل کرلیا جب کہ آنجہانی اداکارہ کو اسپتال پہنچانے میں ‘جان بوجھ کر تاخیر’ کرنے کے مفروضے کو بھی تفیش کا حصہ بنایا گیا ہے۔یاد رہے کہ دبئی میں ایمرجنسی کے متاثرہ فرد کو اسپتال پہنچانے میں اوسطاً 7 منٹ لگتے ہیں تاہم سری دیوی کو اسپتال پہنچانے میں کافی وقت لگا اور اداکارہ کی موت ایمرجنسی وارڈ میں لے جائے جانے سے پہلے ہی ہوچکی تھی۔لیبارٹری رپورٹ میں انکشاف ہوا کہ سری دیوی نے شراب نوشی کر رکھی تھی اور جس وقت وہ پانی سے بھرے باتھ ٹب میں گریں اس وقت وہ نشے کی حالت میں تھیں۔تحقیقاتی ٹیم کی جانب سے آنجہانی اداکارہ کے شوہر بونی کپور سے بھی پوچھ گچھ کی گئی اور انہیں اجازت کے بغیر دبئی نہ چھوڑنے کی ہدایت کی ہے۔

پاکستان

شہباز شریف کے جلسہ میں خاتون سے افسوسناک اقدام ،مریم نواز کا ٹویٹ میں اہم مطالبہ

پتوکی (ویب ڈیسک)پتوکی میں مسلم لیگ (ن) کے جلسے میں خاتون کے بدتمیزی کا افسوسناک واقعہ پیش آیا ہے۔پتوکی میں مسلم لیگ (ن) کے قائم مقام صدر شہباز شریف کے جلسے کے اختتام پر ایک خاتون کے ساتھ کچھ افراد کی جانب سے بدتمیزی کی گئی اور دھکم پیل میں خاتون کو زخم بھی آئے۔جیو نیوز کے مطابق جلسے کے اختتام پر کچھ مرد خواتین کے پنڈال میں گھس گئے اور مسلم لیگ (ن) خواتین ونگ کی کارکن زیبا رانا کے ساتھ تصاویر بنوانے کے لیے کہا اور اسی دوران ان کے ساتھ بدتمیزی شروع کر دی، متاثرہ خاتون کو جان بچانے کی کوشش میں زخم بھی آئے۔جلسے میں شریک دیگر خواتین اور مسلم لیگ (ن) کے ورکرز نے بڑی مشکل سے خاتون کو پنڈال سے نکالا۔مسلم لیگ (ن) کی رہنما اور سابق وزیراعظم نواز شریف کی صاحبزادی مریم نواز نے سوشل میڈیا پر اپنے ٹوئٹ میں وزیراعلیٰ پنجاب شہباز شریف سے واقعے کا نوٹس لینے کا مطالبہ کیا ہے۔مریم نواز نے اپنے پیغام میں مزید کہا کہ ایسے واقعات مسلم لیگ (ن) کی اخلاقیات نہیں ہیں اور اس واقعے میں ملوث افراد کو سخت سزا ملنی چاہیے۔ترجمان پنجاب حکومت ملک احمد خان کا جیو نیوز سے بات کرتے ہوئے کہنا تھا کہ جلسے میں خواتین کے لیے بہتر انتظامات کیے گیے تھے لیکن خاتون کے ساتھ پیش آنے والا واقعہ انتہائی افسوسناک ہے۔ان کا کہنا تھا کہ خاتون کے ساتھ بدتمیزی کرنے والے افراد کے خلاف کارروائی کی جائے گی۔صوبائی وزیر قانون رانا ثنائ اللہ نے کہا کہ ایسے واقعات پی ٹی آئی جلسوں میں ہوتے تھے، واقعے کا مقدمہ درج کیا جائے گا اور ملزمان کو قرار واقعی سزا دی جائے گی۔انہوں نے کہا کہ ویڈیو میں نظر آنے والے تمام افراد کے خلاف مقدمہ درج ہو گا اور انہیں گرفتار بھی کیا جائے گا۔

اہم خبریں, پاکستان

جوتا باری ،خیبر پختونخواہ اسمبلی میں بش کی روایات دہرا دی گئی

پشاور(ویب ڈیسک)خیبرپختونخوا اسمبلی کے رکن ارباب جہانداد نے اپنی ہی جماعت کے رکن بلدیو کمار پر اسمبلی میں جوتے دے مارا۔ خیبرپختونخوا اسمبلی کے اسپیکر نے عدالتی حکم پر سورن سنگھ کے قتل کے الزام میں گرفتار پی ٹی آئی رکن اسمبلی بلدیو کمار کے پروڈکشن آرڈر جاری کیے تھے جس پر انہیں آج اسمبلی اجلاس میں شرکت کے لیے لایا گیا۔ پی ٹی آئی کے گرفتاراقلیتی رکن اسمبلی بلدیو کمار کے پروڈکشن آرڈر جاری بلدیو کمار نے اپنی اسمبلی رکنیت کا حلف لینا تھا جس کے لیے وہ اسمبلی میں موجود تھے، اس دوران اپوزیشن نے بلدیو کمار کی اسمبلی آمد پر اعتراض کیا۔ اسمبلی اجلاس میں دیکھتے ہی دیکھتے ہنگامہ آرائی شروع ہوگئی اور اس دوران پی ٹی آئی کے رکن اسمبلی ارباب جہانداد نے بلدیو کمار کی طرف پہلے ایک جوتا مارا پھر فوری ہی دوسرا جوتا بھی ان کی طرف اچھال دیا۔ واقعے پر دیگر ارکان اور اسمبلی کی سیکیورٹی پر مامور اسٹاف بلدیو کمار کے گرد جمع ہوگیا اور انہیں بچانے کی کوشش کی جس کے بعد سیکیورٹی اسٹاف بلدیو کمار کو باہر لے گیا۔ اسمبلی میں ہنگامہ آرائی کے باعث بلدیو کمار اپنی رکنیت کا حلف بھی نہیں اٹھاسکے۔

اہم خبریں, پاکستان

اورنج ٹرین کا سفری ٹریلرجاری , اورنج ٹرین چلنے کو تیار , لاہوریو ہوجا ﺅ تیار

لاہور(ویب ڈیسک) اورنج لائن میٹرو ٹرین منصوبہ تکمیل کے آخری مراحل میں داخل ہو چکا ہے۔ جس کے بعد ٹرین کو پہلی مرتبہ آزمائشی طور واڑہ گجراں میں ڈپو کے اندر ہی چلایا گیا۔ اِس وقت تک سولہ ٹرینیں لاہور پہنچ چکی ہیں جبکہ سات ٹرینیں چند روز تک کراچی پہنچ جائیں گی۔ ایل ڈی اے حکام کے مطابق واڑہ گجراں سے پاکستان منٹ تک کا چھ اعشاریہ تین کلومیٹر کا ٹریک مکمل طور پر تیار ہوچکا ہے جبکہ منصوبے کے باقی حصوں پر تیزی سے کام جاری ہے۔ یاد رہے کہ پاکستان کے شہر لاہور میں یہ منصوبہ چین کے تعاون سے تعمیر کیا جارہا ہے۔ اس منصوبے پر ایک ارب 60 کروڑ ڈالر لاگت آئے گی اور ٹرین کے روٹ کی لمبائی 27.1 کلومیٹر ہوگی۔ حکومتی اعداد و شمار کے مطابق اورنج لائن ٹرین 27 کلومیٹر کا فاصلہ 45 منٹ میں طے کرےگی، جبکہ اورنج ٹرین میں روزانہ ڈھائی لاکھ لوگ سفرکریں گے۔ وزیر اعلیٰ پنجاب کا کہنا ہے کہ اورنج لائن میٹرو ٹرین منصوبے کی تکمیل سے ٹرانسپورٹ کے شعبے میں انقلاب برپا ہو گا اور عوام کو باکفایت ، معیاری اور جدید سفری سہولیات میسر آئیگی۔واضح رہے کہ اورنج لائن میٹرو ٹرین علی ٹاو¿ن، رائیونڈ روڈ سے شروع ہو کر براستہ ٹھوکر نیاز بیگ روڈ ، کینال ویو ، ہنجر وال ، وحدت روڈ ، چوپرجی ، لیک روڈ ، جی پی او، لکشمی چوک ، میکلورڈ روڈ، ریلوے سٹیشن ، سلطان پورہ ، یوای ٹی، باغبان پورہ، شالامار باغ ، پاکستان منٹ ، محمود بوٹی، سلامت پورہ ، اسلام پارک اور ڈیرہ گجرا ں نزد قائد اعظم انٹرچینج رنگ روڈ تک جائیگی۔ یہ پورا ٹریک شہر کے گنجان آباد اور مصروف کاروباری علاقوں سے گزرتا ہے۔اورنج ٹرین میںاربوں کے گھپلے کب منظر عام پر آئیں گے بھی یا نہیں؟
.

اہم خبریں, پاکستان

ایگزیکٹ اسکینڈل: شعیب شیخ کو عدالتی ریمانڈ پر جیل بھیج دیا گیا

کراچی(ویب ڈیسک) سیشن عدالت نے بدنام زمانہ ایگزیکٹ اسکینڈل کے حوالہ کیس میں ملزم شعیب شیخ کو 3 مارچ تک عدالتی ریمانڈ پر جیل بھیج دیا۔گزشتہ روز سندھ ہائیکورٹ نے شعیب شیخ کی بریت کے خلاف ایف آئی اے کی اپیل منظور کی تھی جس کے بعد ملزم کے وکلا نے حفاظتی ضمانت کے لیے درخواست دائر کی تھی جسے عدالت نے مسترد کردیا۔ایف آئی اے حکام نے حفاظتی ضمانت مسترد ہونے کے بعد ایگزیکٹ کے سی ای او شعیب شیخ کو گرفتار کیا۔ایف آئی اے حکام نے ایگزیکٹ کے سی ای او اور کیس کے ملزم شعیب شیخ کو ایڈیشنل ڈسٹرکٹ اینڈ سیشن جج جنوبی سارہ جونیجو کی عدالت میں پیش کیا۔ ایف آئی اے حکام شعیب شیخ کو سخت سیکیورٹی میں عدالت لائے اور اس دوران میڈیا نمائندوں کو بھی دور رہنے کی ہدایت کی گئی۔ایف آئی اے کی جانب سے شعیب شیخ کو عدالت میں پیش کرنے کے بعد ملزم کے وکیل نے جعلی ڈگری کیس میں درخواست ضمانت دائر کی جسے عدالت نے یکم مارچ کو سماعت کے لیے مقرر کیا۔عدالت نے حوالہ کیس میں ملزم شعیب شیخ کو تین مارچ تک عدالتی ریمانڈ پر جیل بھیجنے کا حکم دیا۔

اہم خبریں, پاکستان

اہم ترین شخصیت کی غیر موجودگی کے باوجود ن لیگ کی قائمقام صدارت کا تاج شہباز شریف کے سرپہ سج گیا

لاہور (ویب ڈیسک)مسلم لیگ (ن) کی مرکزی مجلس عاملہ شہبازشریف کو قائم مقام پارٹی صدر بنانے کی منظوری دے دی۔سپریم کورٹ نے 21 فروری کو انتخابی اصلاحات 2017 کیس کا فیصلہ سناتے ہوئے نواز شریف کو پارٹی صدارت کے لیے نااہل قرار دیا۔عدالتی فیصلے میں کہا گیا کہ آئین کی دفعہ 62، 63 پر پورا نہ اترنے والا نااہل شخص کسی سیاسی جماعت کی صدارت نہیں کرسکتا۔مسلم لیگ (ن) کے چیئرمین راجہ ظفر الحق کی سربراہی میں پارٹی کی مرکزی مجلس عاملہ کا 180 ایچ ماڈل ٹاو¿ن لاہور میں ہورہا ہے جس میں سابق وزیراعظم نواز شریف، وزیراعلیٰ پنجاب شہباز شریف، وزیراعظم شاہد خاقان عباسی، مریم نواز اور دیگر مرکزی رہنما شریک ہیں۔ ذرائع کے مطابق اجلاس میں پارٹی صدر کے نام پر مشاورت کی گئی اور اس دوران میاں نوازشریف نے پارٹی صدارت کے لیے شہبازشریف کا نام تجویز دیا۔ذرائع کے مطابق مسلم لیگ (ن) کی مرکزی مجلس عاملہ شہبازشریف کو پارٹی کا قائم مقام صدر بنانے کی منظوری دیدی اور اس کا باقاعدہ اعلان (ن) لیگ کے سیکریٹری جنرل احسن اقبال نے کیا۔ذرائع کا کہناہے کہ مسلم لیگ (ن) کی جنرل کونسل کا اجلاس 45 روز کے اندر بلایا جائے گا جس میں شہبازشریف کو مستقل صدر بنانے کی منظوری لی جائے گی۔سابق وزیراعظم نوازشریف اپنے بھائی شہبازشریف کو پارٹی صدر بنائے جانے کے فیصلے سے آگاہ کرچکے تھے۔ذرائع کا کہنا ہے کہ مسلم لیگ (ن) کے اہم رہنما اور سی ای سی کے رکن چوہدری نثار اسلام آباد میں موجود ہیں اور وہ اجلاس میں شریک نہیں ہوئے۔

اہم خبریں, پاکستان

خدا کی قسم میرا کوئی سیاسی ایجنڈا نہیں ، چیف جسٹس کا دبنگ اعلان

اسلام آباد(ویب ڈیسک) چیف جسٹس پاکستان جسٹس ثاقب نثار نے اپنے ریمارکس میں کہا ہے کہ خدا کی قسم میرا کوئی سیاسی ایجنڈا نہیں اور سیاسی مقدمات کو ہاتھ لگانے کا بھی دل نہیں کرتا۔سپریم کورٹ میں ادویات کی قیمتوں میں اضافے سے متعلق از خود نوٹس کی سماعت کے دوران چیف جسٹس نے کہا کہ ادویات کی قیمتوں کا تعین سپریم کورٹ نے نہیں کرنا، قیمتوں میں توازن ہونا چاہیے، کوئی شخص نقصان کے لیے کاروبار نہیں کرتا، آپس میں بیٹھ کر قیمتوں کا تعین کریں، عدالتوں کو بیچ میں نا لائیں۔چیف جسٹس کا کہنا تھا کہ ڈریپ کو کہہ دیتے ہیں کہ درخواستوں کو سن کر فیصلہ کرے، 6 ہزار کی ہیپاٹائٹس کی دوا 25 ہزار روپے میں بیچی جارہی ہے، سب سے بڑا قصور ڈریپ کا ہے، ہم راتوں کو بھی بیٹھ کر ادویہ ساز کمپنیوں کی درخواستوں کا جائزہ لیں گے، ادویات ساز کمپنیوں کو معقول معاوضہ ملنا چاہیے۔جسٹس ثاقب نثار نے اس موقع پر انتہائی اہم ریمارکس میں کہا کہ خدا کی قسم میرا کوئی سیاسی ایجنڈا نہیں ہے، سیاسی مقدمات کو ہاتھ لگانے کا بھی دل نہیں کرتا، صرف چاہتا ہوں لوگوں کو بنیادی حقوق دیئے جائیں۔معزز چیف جسٹس کا کہنا تھا کہ اب کچھ کر دکھانے کا وقت آن پہنچا ہے، ہمیں اگر کسی نے ٹیسٹ کرنا ہے تو ابھی کرلیں۔بعد ازاں عدالت نے کیس کی مزید سماعت کل تک کے لیے ملتوی کردی۔

اہم خبریں, پاکستان

مشال قتل کیس کا تہلکہ خیز فیصلہ ۔۔۔؟ قید کی سزا پانیوالے 25 ملزموں کی ضمانت منظور کیوں ہوئی ، دیکھئے خبر

ایبٹ آباد(ویب ڈیسک)پشاور ہائیکورٹ کے ایبٹ آباد بنچ نے مشال خان قتل کیس میں 4 سال قید کی سزائیں پانے والے 25 ملزموں کی ضمانت منظور کر لی اور انہیں رہا کرنے کا حکم دے دیا۔تفصیلات کے مطابق مشال خان قتل کیس میں 4 سال قید کی سزاپانے والے ملزموں نے پشاور ہائیکورٹ کے ایبٹ آباد بنچ میں ضمانت کیلئے درخواست دائر کر رکھی تھی۔عدالت نے ملزموں کے وکلا کے دلائل سننے کے بعد 25 ملزموں کی ضمانت منظور کر لی اور انہیں ضمانتی مچلکوں پر رہا کرنے کا حکم دے دیا۔واضح رہے کہ انسداد دہشتگردی عدالت نے مشال خان قتل کیس میں ایک ملزم کو سزائے موت،5 ملزموں کو 25 ،25 سال قید اور25 ملزموں کو 4 ،4 قید کی سزاسنائی تھی۔