ممبئی (ویب ڈیسک ) نامور بھارتی ادیب و شاعر جاوید اختر نے گلوکار سونونگم کے نقش قدم پر چلتے ہوئے مساجد میں لاو¿ڈ اسپیکرز کے استعمال پر پابندی کا مطالبہ کردیا۔گزشتہ برس گلوکار سونو نگم نے ٹویٹر پر اذان کو شور قرار دیتے ہوئے کہا تھا کہ ہم مسلمان نہیں ہیں لیکن پھر بھی ہمیں روزصبح اذان کی اواز سے بیدار ہونا پڑتا ہے، آخر بھارت میں یہ جبری مذہب پرستی کب ختم ہوگی۔ سونو نگم کے ان ٹوئٹس کی وجہ سے بھارت میں مساجد پر لاو¿ڈ اسپیکرز ہونے یا ہونے کے حوالے سے بہت بڑا تنازعہ کھڑا ہوگیا تھا یہاں تک کہ سونونگم کو دنیا بھر کے مسلمانوں کے جذبات مجروح کرنے کے لیے معافی مانگنی پڑی تھی اور اب نامور بھارتی ادیب و شاعر جاوید اختر نے سونونگم کے نقش قدم پر چلتے ہوئے مساجد میں لاو¿ڈ اسپیکرز کی مخالفت کردی۔جاوید اختر نےاپنے ٹویٹ میں کہا ہے کہ ”میں سونو نگم سمیت ان تمام لوگوں کی اس بات سے مکمل اتفاق کرتا ہوں کہ رہائشی علاقوں میں موجود مساجد اور عبادت کرنے والی تمام جگہوں پر لاو¿ڈ اسپیکرز استعمال نہیں ہونے چاہئیں۔“

لندن(ویب ڈیسک) برطانیہ کے دارالحکومت لندن کی ہائی کورٹ میں ایک پاکستانی جوڑا طلاق کے لیے پہنچا ہے جہاں شوہر نے 20سال قبل ہونے والی اپنی شادی کے متعلق اب جا کر عدالت میں ایسی بات کہہ دی ہے کہ سن کر جج بھی ششدر رہ گیا۔ میل آن لائن کی رپورٹ کے مطابق 46سالہ محمد شہباز خان نے عدالت میں کہا ہے کہ ”درحقیقت ہماری شادی کبھی ہوئی ہی نہیں تھی، ہم نے اسلامی شرعی طریقے سے ایک ہوٹل میں شادی کی تھی جو برطانیہ کے قانون کے مطابق شادی تصور نہیں ہوتی۔“دوسری طرف شہباز خان کی 46سالہ اہلیہ نسرین اختر کا کہنا ہے کہ ”اسلامی شرعی شادی برطانوی قانون کے مطابق بھی جائز ہے اور شادی ہی تصور ہوتی ہے۔“رپورٹ کے مطابق شہباز اور نسرین نے 1998ئ میں ایک ہوٹل میں شادی کی تھی۔ اب نسرین اپنے شوہر سے طلاق لینا چاہتی ہے لیکن شوہر کہتا ہے کہ جب شادی ہی نہیں ہوئی تو طلاق کیسی؟ اس پر نسرین نے لندن ہائی کورٹ کا دروازہ کھٹکھٹایا ہے اور اب جج فیصلہ کرے گا کہ آیا شرعی طور پر ہونے والی شادی برطانوی قوانین کی رو سے جائز تھی یا نہیں۔ اس حوالے سے عدالت برطانیہ میں شرعی قوانین کوسماعت میں زیربحث لائے گی۔شہباز خان اور نسرین کے تعلقات کئی سالوں سے کشیدہ چلے آ رہے ہیں اور اب نسرین کے طلاق کا مطالبہ کرنے پر شہباز خان کے شادی سے مکرنے کی ممکنہ وجہ یہ ہو سکتی ہے کہ طلاق کی صورت میں اس کی جائیداد سے نسرین کو بھی حصہ ملے گا۔

میڈرڈ(ویب ڈیسک) سپین میں ایک 11سالہ لڑکی نے بچے کو جنم دے دیا ہے اور اس بچے کا باپ کون ہے؟ یہ جان کر آپ بھی کہیں گے کہ قیامت قریب آ گئی ہے۔ میل آن لائن کی رپورٹ کے مطابق اس بچی کے ہاں پیدا ہونے والے بیٹے کا باپ اس بچی ہی کا 14سالہ بھائی ہے۔ پولیس کا کہنا ہے کہ بچی نے سپین کے شہر مورشیا کے ورجن ڈی لا اریگزاکا ہسپتال میں بیٹے کو جنم دیا۔ اسے پیٹ میں درد کی شکایت پر ہسپتال لایا گیا تھا جہاں ڈاکٹروں نے کہا کہ یہ درد پیٹ کا نہیں بلکہ دردِ زہ ہے اور اس کے ہاں بچے کی پیدائش ہونے والی ہے۔بچی کے والدین کا کہنا ہے کہ انہیں قطعاً علم نہیں ہوا کہ ان کی بیٹی حاملہ ہو چکی ہے۔ انہیں اس کا علم بچے کی پیدائش سے ایک دن پہلے ہوا جب بچی نے درد کی شکایت کی اور وہ اسے ہسپتال لے کر گئے۔ والدین نے ہی اس بچے کا ذمہ دار اپنے بیٹے کو قرار دیا ہے۔ انہوں نے کہا ہے کہ ممکنہ طور پر ان کے بیٹے نے ہی بچی کو زیادتی کا نشانہ بنایا ہو گا۔ پولیس کے مطابق بچے کا ڈی این اے ٹیسٹ کروایا جا رہا ہے جس سے اس کے والد کا حتمی تعین ہو گا، تاہم اگر بچی کا بھائی مجرم واقع ہوا تو اسے سزا نہیں مل سکے گی کیونکہ سپین کے قانون میں اتنے کم عمر ملزم کو سزا نہیں ہو سکتی۔