Monthly Archives: February 2018

اہم خبریں, پاکستان

کابل دھماکوں پر افغان حکومت کے ردعمل بارے پاکستان کے بڑوں کی بیٹھک میں اہم فیصلے

اسلام آباد( ویب ڈیسک )وزیراعظم شاہد خاقان عباسی کی زیر صدارت اجلاس میں قومی سلامتی کمیٹی نے افغانستان میں دہشت گردی کے الزامات مسترد کرتے ہوئے کہا کہ افغان حکومت کا حالیہ واقعات پر ردعمل بیرونی عناصر کی پیدا کردہ غلط فہمیوں کا نتیجہ ہے۔ ایکسپریس نیوز کے مطابق وزیراعظم شاہد خاقان عباسی کی زیر صدارت قومی سلامتی کمیٹی کا اہم اجلاس ہوا جس میں وزیر خارجہ خواجہ آصف، وزیر داخلہ احسن اقبال اور مشیر قومی سلامتی ناصر جنجوعہ نے شرکت کی جب کہ اجلاس میں چیرمین جوائنٹ چیفس آف اسٹاف کمیٹی سمیت تینوں مسلح افواج کے سربراہان نے بھی شرکت کی، اجلاس میں خطے میں سیکیورٹی صورتحال کا جائزہ لیا گیا۔اجلاس میں کابل میں حالیہ دہشت گردی کے واقعات پر مذمت کرتے ہوئے کہا گیا کہ افغان بھائیوں کے دکھ کوسمجھتے ہیں کیوں کہ پاکستانی قوم خود بھی دہشت گردی کا شکاررہی ہے، پاکستانی عوام اپنے افغان بھائیوں کے دکھ میں شریک ہے اور ان کے ساتھ یکجہتی کا اظہار کرتے ہیں۔قومی سلامتی کمیٹی نے افغانستان میں دہشت گردی کے الزامات مسترد کرتے ہوئے کہا کہ افغان حکومت کا حالیہ واقعات پر رد عمل غلط فہمی کی بنیاد پر ہے اور افغان حکومت کا یہ ردعمل بیرونی عناصر کی پیدا کردہ غلط فہمیوں کا نتیجہ ہے تاہم پاکستان تمام تر مشکلات کے باوجود افغانستان کے ساتھ مثبت انداز سے آگے بڑھتا رہے گا اور پاکستانی وفد 3 فروری کوشیڈول کے مطابق کابل کا دورہ بھی کرے گا جو دونوں ملکوں کی مشترکہ حکمت عملی سے متعلق پاکستان کی تجاویز پر بات کرے گا۔قومی سلامتی کمیٹی نے افغانستان کے ساتھ بارڈر کنٹرول کے حوالے سے اطمینان کا اظہار کرتے ہوئے کہا کہ پاک افغان سرحد پر باڑ دونوں ملکوں کے مفاد میں ہے اور افغان حکومت کو بھی سرحد پر باڑ لگانے کی حمایت کرنی چاہیے۔ کمیٹی نے فنانشیل ایکشن ٹاسک فورس فریم ورک کے تحت وفاقی اور صوبائی حکومت کے اقدامات کا بھی جائزہ لیا اور وزارتوں کو دیے گے اہداف کو حصول پر اطمینان کا اظہار کیا۔

کھیل

لاہور یوں کے لئے خوشبخری ورلڈ کپ ٹرافی کل لاہورپہچے گی۔

لاہور(ویب ڈیسک )اصلی سونے کی بنی ہوئی فٹ بال ورلڈ کپ کی ٹرافی ہفتے کے روز لاہور پہنچے گی۔روس میں ہونے والے ورلڈ کپ سے پہلے ٹرافی کا عالمی دورہ 22 جنوری سے شروع ہوا تھا۔ ٹرافی تھائی لینڈ سے پاکستان پہنچ رہی ہے جبکہ چار فروری کو قازقستان جائے گی۔ٹرافی چھ براعظموں کے 51 ممالک کے 91 شہروں کا سفر کرے گی جو 30 اپریل کو جاپان میں ختم ہو گا جہاں سے اسے روس پہنچایا جائے گا۔سابق کھلاڑیوں اور کوچز کا کہنا ہے کہ اگرچہ پاکستان کی فیفا رکنیت معطل ہے لیکن فیفا ورلڈ کپ ٹرافی کے پاکستان آنے سے کھیل کو فروغ ملے گا۔فیفا ورلڈ کپ ٹرافی لاہور میں ایک پروقار تقریب میں رونمائی کے بعد عوام کے لیے رکھی جائے گی، جہاں وہ ٹرافی کے ساتھ تصاویر بنوا سکیں گے۔

 

انٹر نیشنل

سعودیہ میں لڑکے اور لڑکی نے سڑک پر ایسا کیا کام کردیا جس سے ملک میں بھونچال آگیا

جدہ(ویب ڈیسک) سعودی عرب میں کسی سرعام بداخلاقی کا تصور ہی محال ہے۔ ایسے میں وہاں ایک لڑکے اور لڑکی نے سڑک پر ایسی حرکت کر ڈالی کہ پورے ملک میں ہنگامہ برپا ہو گیا اور پولیس حرکت میں آ گئی۔ میل آن لائن کی رپورٹ کے مطابق سعودی عرب جہاں مردوخواتین کے اختلاط پر ہی پابندی ہے وہاں یہ لڑکا اور لڑکی سڑک کنارے فٹ پاتھ پر ڈانس کررہے تھے۔ کچھ راہگیروں نے ان کے ڈانس کی ویڈیو بنا کر انٹرنیٹ پر پوسٹ کر دی جو جنگل کی آگ کی طرح پھیل گئی اور پورے ملک میں بھونچال آ گیا۔رپورٹ کے مطابق ویڈیو میں دیکھا جا سکتا ہے کہ لڑکا سعودی عرب کے مخصوص سفید چغے میں ملبوس ہوتا ہے جبکہ لڑکی نے سیاہ عبائیہ پہن رکھا ہوتا ہے اور انتہائی مصروف سڑک کے فٹ پاتھ پر محو رقص ہوتے ہیں۔ جب یہ ویڈیو حکام کی نظروں سے گزری تو انہوں نے فوری طور پرپولیس کو واقعے کی تفتیش اور اس جوڑے کو گرفتار کرنے کا حکم دے دیا۔ معلوم ہوا ہے کہ یہ واقعہ سعودی عرب کے جنوب مغربی شہر ابحا (Abha)میں پیش آیا جو صوبہ عسیر(Asir) میں واقع ہے۔ صوبے کے گورنر شہزادہ فیصل بن خالد نے بھی اس ویڈیو کا نوٹس لے لیا ہے اور لڑکے لڑکی کی فوری گرفتارکے عدالت میں پیش کرنے کا حکم جاری کر دیا ہے۔