ریاض (ویب ڈیسک ) سعودی عرب میں اونٹوں کی دوڑ دیکھ کر بادشاہ سلمان بن عبدالعزیز بھی رقص کرنے لگے، انہوں نے العرضہ رقص میں حصہ لیا۔ ریاض کے جنوب میں واقع گاو¿ں السیاہد میں سالانہ شاہ عبدالعزیز اونٹ میلہ ہوا جس کے مہمان خصوصی شاہ سلمان بن عبدالعزیز تھے۔اختتامی تقریب کے موقع پر جب میلے کے شرکاءاور سعودی اہلکار العرضہ رقص کا مظاہرہ کر رہے تھے تو بیاسی سالہ شاہ سلمان بھی تلوار تھامے جھوم اٹھے۔
ممبئی(ویب ڈیسک )کرکٹر ویرات کوہلی اور اداکارہ انوشکا شرما شادی کے بعد پہلا ویلنٹائن ڈے ایک دوسرے کے ساتھ نہیں منائیں گے۔گزشتہ برس دسمبر میں اپنی محبت کو شادی جیسے خوبصورت بندھن میں بدلنے والے ویرات انوشکا کا شادی کے بعد 14 فروری کو پہلا ویلنٹائن ڈے آرہا ہے۔ یہ دن تمام محبت کرنے والوں کے لیے بہت خاص ہوتا ہے اور ایک دوسرے سے محبت کرنے والے لوگ یہ دن اپنے تمام کام چھوڑ کر ایک دوسرے کے ساتھ گزارنے کو ترجیح دیتے ہیں۔ویرات انوشکا بھی طویل عرصے سے ایک دوسرے کی محبت میں گرفتار ہیں۔ ان کی زندگی میں یہ محبت بھرا دن کئی بار آیا ہوگا لیکن شادی کے بعد یہ پہلا موقع ہے جب دونوں کی زندگی میں 14 فروری یعنی ویلنٹائں ڈے کا دن ا?ئے گا۔ اصولاً تو یہ دن دونوں کو ایک ساتھ گزارنا چاہئے لیکن حیرت انگیز طور پر انوشکا شرما ویلنٹائن ڈے اپنے محبت کرنے والے شوہر کے بجائے بالی ووڈ اداکار ورون دھون کے ساتھ منائیں گی۔بھارتی میڈیا کے مطابق انوشکا شرما ان دنوں ورون دھون کے ساتھ فلم”سوئی دھاگے“کی شوٹنگ میں مصروف ہیں اور 14 فروری یعنی محبت اورپیار کے دن بھی وہ ورون کے ساتھ شوٹنگ میں مصروف ہوں گی اور اپنی زندگی کے اس حسین اور محبت بھرے دن کو اپنے شوہر کے ساتھ نہیں گزارسکیں گی۔واضح رہے کہ طویل عرصے سے محبت کی زنجیروں میں قید کرکٹ اور بالی ووڈ کے دو خوبصورت ستارے ویرات کوہلی اور انوشکا شرما کی شادی کسی پریوں کی کہانی سے کم نہ تھی دونوں نے اٹلی میں ایک دوسرے کا ساتھ دینے اور ہمیشہ ساتھ رہنے کا وعدہ کیاتھا۔
اسلام آباد (دنیا نیوز ) اسلام آباد میں ڈیوس کپ ایشیا اوشیانا گروپ ون کے سنگل مقابلے میں اعصام الحق نے جنوبی افریقہ کے پلیئر کو ہرا کر ایونٹ کا فاتحانہ آغاز کر دیا ہے۔ڈیوس کپ ٹائی کے میچ میں پاکستان کے اعصام الحق اور جنوبی کوریا کے سون وو کے درمیان دلچسپ مقابلہ ہوا۔ قومی کھلاڑی نے پہلا سیٹ چھ تین سے جیتا، دوسرے سیٹ میں انہیں چھ ایک سے شکست کا سامنا کرنا پڑا۔ تیسرے اور فیصلہ کن سیٹ میں اعصام الحق نے زبردست پرفارمنس دی اور سات چھ سے کامیابی سمیٹ کر سِنگل مقابلہ جیت لیا۔
ممبئی (ویب ڈیسک ) ممبئی پولیس نے بولی وڈ کی ماضی کی مقبول اداکارہ زینت امان کو تنگ اور ہراساں کرنے والے کاروباری شخص کو گرفتار کرلیا۔ خیال رہے کہ 66 سالہ اداکارہ زینت امان نے گزشتہ ماہ 30 جنوری کو ممبئی کے جوہی تھانے میں اپنے ایک دیرینہ دوست کے خلاف چھیڑ چھاڑ اور تنگ کرنے کا مقدمہ درج کروایا تھا۔پولیس کے مطابق اداکارہ نے اپنے دیرینہ دوست اورمعروف صنعتکار کے خلاف انڈین پینل کوڈ (ا?ئی پی سی) کے تحت مقدمہ درج کروایا تھا۔ اداکارہ کی شکایت پرکاروباری شخص کے خلاف انڈین پینل کوڈ کی دفعہ 304 ڈی اور 509 کے تحت مقدمہ درج کرکے معاملے کی تفتیش شروع کردی گئی تھی۔ تاہم اب پولیس نے زینت امان کو منع کرنے کے باوجود تنگ کرنے والے کاروباری شخص کو گرفتار کرلیا۔بولی وڈ ہنگامہ کے مطابق پولیس نے سرفراز محمد عرف امان کھنہ نامی کاروباروی شخص کو اداکارہ کو تنگ اور ہراساں کرنے کے الزام میں گرفتار کرلیا۔ پولیس نے گرفتار کیے گئے شخص سے متعلق مزید تفصیلات ظاہر نہیں کیں، جب کہ بیان میں کہا گیا ہے کہ معاملے کی مزید تحقیقات جاری ہے۔ واضح رہے کہ زینت امان نے جس کاروباری شخص کے خلاف ہراساں کرنے کا مقدمہ درج کروایا، اس کے ساتھ اداکارہ کے گزشتہ چند سال سے تعلقات تھے۔بھارتی میڈیا کے مطابق گزشتہ چند ہفتوں سے دونوں کے تعلقات میں کشیدگی ا?ئی، جس پر کاروباری شخص اداکارہ کو مسلسل منانے کی کوششیں کرتے رہے۔ کاروباری شخص کی جانب سے اداکارہ کو دن میں کئی کئی بار فون کالز کیے جانے اور ان کا پیچھا کیے جانے کے بعد زینت امان نے تنگ ا?کر ان کے خلاف مقدمہ درج کروایا۔زینت امان اس وقت ممبئی میں اپنے 2 بیٹوں کے ساتھ رہائش پذیر ہیں، ان کے شوہر مظہر خان 1988 میں چل بسے تھے۔ پانچ سال قبل 2013 میں زینت امان کی جانب سے دوسری شادی کیے جانے کی خبریں سامنے ا?ئی تھیں،تاہم بعد ازاں اداکارہ ان خبروں کی تردید کردی تھی۔ زینت امان کا شمار بھارت کی 1970 کی مقبول ترین اداکاراو¿ں میں ہوتا ہے، وہ 1970 میں مس انڈیا بھی رہ چکی ہیں۔
طرابلس(ویب ڈیسک) لیبیا کے ساحل کے قریب کشتی ڈوبنے سے 8 پاکستانیوں سمیت 10 افراد جاں بحق ہوگئے ہیں۔غیرملکی خبررساں ادارے کے مطابق لیبیا کے ساحل کے قریب کشتی ڈوب گئی ہے اور اب تک 10 افراد کی ہلاکت کی تصدیق ہوچکی ہے۔اقوامِ متحدہ کی ایجنسی برائے مہاجرین کی ترجمان اولیوا ہیڈون نے میڈیا سے بات کرتے ہوئے بتایا ہے کہ کشتی میں سوار افراد غیرقانونی طور پر یورپ جانے کی کوشش کررہے تھے لیکن بدقسمتی سے لیبیا کے شہر زوارہ کے قریب کشتی گنجائش سے زیادہ افراد سوار ہونے کے باعث حادثے کا شکار ہوگئی، حادثے میں ڈوبنے والے 10 افراد کی لاشیں ساحل پر آگئی ہیں جن میں 8 پاکستانی اور 2 لیبیا کے باشندے بھی شامل ہیں۔ترجمان کا کہنا ہے کہ باوثوق ذرائع سے تصدیق ہوئی ہے کشتی پر 90 سے زائد افراد سوار تھے جن میں زیادہ تعداد پاکستانیوں کی ہے اور حادثے میں تمام افراد کی ہلاکتوں کا خدشہ ہے۔
اسلام آباد(و یب ڈیسک)پی سی او کے تحت حلف اٹھانے والے ججز کو بدترین قرار دینے کی قرارداد منظور کی جائے، محمود خان اچکزئی کا مطالبہ۔ تفصیلات کے مطابق محمود خان اچکزئی نے مطالبہ کیا ہے کہ پی سی او کے تحت حلف اٹھانے والے ججز کو بدترین قرار دینے کی قرارداد منظور کی جائے۔ محمود خان اچکزئی کا یہ بیان اس وقت سامنے آیا ہے جب سپریم کورٹ توہین عدالت کیس میںن لیگ کے رہنما سابق سینیٹر نہال ہاشمی کو ایک ماہ قید اور 50ہزار جرمانے کی سزا سنا چکی ہے جبکہ ن لیگ کے دو وفاقی وزرا وفاقی وزیربرائے نجکاری دانیال عزیز اور وزیر مملکت برائے داخلہ طلال چوہدری کو توہین عدالت کا نوٹس جاری کر چکی ہے۔ محمود خان اچکزئی کا کہنا تھا کہ پی سی او ججز کو بدترین قرار دینے کی قراردادکے ساتھ آئین توڑنے والوں کے خلاف بھی قرارداد لائی جائے۔
گوجرانوالہ(ویب ڈیسک)پاکستان مسلم لیگ(ن) کی رہنما ءمریم نواز شریف نے کہا ہے کہ عدلیہ توہین عدالت میں نہال ہاشمی کو تو سزا دے سکتی ہے، کیا کسی عدالت میں ہمت ہے کہ چیف جسٹس کو بالوں سے پکڑ کر گھسیٹنے والے مشرف اور عدلیہ کو شرمناک کہنے والے عمران خان کو ایک ماہ کی سزا اور پانچ سال تک نا اہل قرار دے؟ جب انصاف کا ترازو لاڈلے کی جانب جھکے گا تو لوگ آپ سے سوال پوچھیں گے،کچھ لوگ نواز شریف کے ساتھیوں کو توڑ نہیں سکے تو سوالات کا جواب دینے کی بجائے انہیں توہین عدالت کے نوٹسز بھیجنا شروع کردئیے گئے ہیں،جو ں جوں سینٹ الیکشن قریب آرہے ہیں ہمارے مخالفین کی چیخیں مزید بلند ہو رہی ہیں ، یہ کیسی نا اہلی ہے کہ جہاں جہاں نواز شریف جاتا ہے پورا شہر امنڈ آتا ہے، منصوبہ ساز سوچ رہے تھے کہ ٹیکنو کریٹ حکومت آئے گی لیکن عوام نے منصوبہ سازوں کے سارے منصوبے فیل کر دیئے،گوجرانوالہ میں سوشل میڈیا کنونشن سے خطاب کرتے ہوئے مسلم لیگ(ن) کے صدر نواز شریف کی صاحبزادی مریم نواز کا کہنا تھا کہ جب نہال ہاشمی نے عدلیہ کے خلاف بیان دیا تو مجھے بھی دکھ ہوا اور شدید تکلیف پہنچی ،میر اخیال تھا کہ میرا مقدمہ عدلیہ میں زیر سماعت ہے اور انہوں نے توہین عدالت کر کے میرا کیس خراب کیا ہے مگر جب نا انصافی ہو تو لوگ اپنی آواز بلند کرتے ہیں۔ اب نہال ہاشمی کو تو پکڑ لیتے ہیں ، وہ مشرف جس نے چیف جسٹس کو بالوں سے پکڑ کر کھینچا ؟ کیا کسی عدالت میں ہمت ہے کہ وہ اسے بھی عدالت میں بلاکر اسے سزا دے ؟ کیا کسی عدالت میں ہمت ہے کہ جو عمران عدلیہ کو شرمناک کہتا رہا ہے اسے ایک ماہ تک جیل میں بند کر سکے؟ مریم نواز کا مزید کہنا تھا کہ جب انصاف کا ترازو لاڈلے کی طرف جھکے گا تو لوگ آپ سے سوال نہیں پوچھیں گے؟ جب سوال پوچھتے ہیں تو توہین عدالت کے نوٹسز بھیجے جاتے ہیں،آپ کو سوال کا جواب تو دینا ہوگا ،جب انصاف کا ترازو ایک طرف جھکا ہوگا تو اللہ تعالیٰ کا اپنا نظام بھی ہے جو اس نا انصافی کے ترازو کو سیدھا کرتا ہے۔انہوں نے کہا کہ یہ کیسی نا اہلی ہے کہ جہاں جہاں نواز شریف جاتا ہے پورا شہر امنڈ آتا ہے اور عوامی عدالت میں نواز شریف کی گواہی دینے والوں کے لیے میدان چھوٹے پڑ جاتے ہیں۔انہوں نے کہا کہمخالفین سوچ کر بیٹھتے تھے کہ شریف فیملی بکھر جائے گی، مسلم لیگ (ن) ٹوٹ پھوٹ کا شکار ہو جائے گی اور سینیٹ انتخابات نہیں ہوں گے،منصوبہ سازوں نے کچھ اور سوچ رکھا تھا لیکن عوام نے ان کے سارے منصوبے ناکام بنا دیے ہیں۔
کنونشن سے خطاب کرتے ہوئے مریم نواز کا کہنا تھا کہ جب ہم نے نظام عدل کی بحالی کی بات کی تو توہین عدالت کے نوٹسز کا سلسلہ شروع کر دیا گیا ہے، وہ نہیں جانتے کہ نواز شریف ایک اکیلا شخص نہیں ہے بلکہ عوام کا ہر فرد نواز شریف ہے،کس کس کو نوٹس بھیجو گے؟یہاں جیلیں بھر جائیں گی مگر نواز شریف سے محبت کم نہیں ہو گی اور نواز شریف کے وفادار ساتھی بھی ختم نہیں ہوں گے۔ انہوں نے عوام کو مخاطب کرتے ہوئے کہا کہ اگر عوام کے منتخب نمائندوں سے سوال ہوگا تو سب سے سوال ہوگا، وعدہ کرو نا انصافی کو قبول نہیں کرو گے، وعدہ کرو اس نظام کو بدلو گے ، وعدہ کرو کے منتخب وزیر اعظم کی توہین کا بدلہ الیکشن میں لو گے۔
مریم نواز شریف کا مزید کہنا تھا کہ اگر عدالت کی توہین کی سزا ہے تو آئین کو توڑنے اور قانون شکنی کرنے پر سزا کیوں نہیں دی جاتی؟ توہین عدالت کی سزا ہے، کروڑوں ووٹ لینے والے کی توہین کی کوئی سزا نہیں ، آپ عوام کے ووٹوں سے منتخب ہونے والے نمائندوں کوسیسلین مافیا کہو، گارڈ فادر کہو مگر اس کی کوئی سزا نہیں دی جاتی؟کیا یہ آئین کی توہین نہیں؟ کہاں ہیں وہ ججز جنہوں نے نواز شریف کو عمر قید کی سزا دی ؟ کہاں ہے وہ مشرف جس نے نواز شریف کو سزا دی؟ مشرف کہتا تھا کہ نواز شریف کبھی واپس نہیں آئے گا ، وہ نواز شریف کو تاریخ کا حصہ بنانا چاہتا ہے،اب تلاش کریں مشرف کہاں ہے؟
لیگی رہنما کا مزید کہنا تھا کہ تمام تر سازشوں کے باوجود نواز شریف 10ہزار میگا واٹ بجلی بنا گیا جبکہ مخالفین صرف ایم او یو ہی سائن کرتے رہے۔انہیں پانچ سال بعد یاد آیا کہ الیکشن ہونے والے ہیں مجھے عوام میں جانا ہے، اب کیا منہ لے کر عوام میں جاﺅ گے؟جہاں مخالفین سازشوں پر سازشیں کر رہے ہیں وہیں نواز شریف اگلے پانچ سالوں کا ایجنڈا تیار کر رہا ہے، وہ یہ سوچ رہا ہے کہ اب میں نے اپنے عوام کی اگلے پانچ سال کیسے خدمت کرنی ہے؟۔
اسلام آباد (ویب ڈیسک) پاک فضائیہ نے جے ایف 17تھنڈر سے فضاسے فضامیں مارکرنےوالے میزائل کاکامیاب تجربہ کر لیا،جے ایف 17 تھنڈرنے کم رفتارسے پروازکرنے والے ہدف کوکامیابی سے نشانہ بنایا۔ترجمان پاکستان ائیر فورس کے مطابق ائیر چیف مارشل سہیل امان نے جے ایف 17تھنڈر کا یہ مظاہرہ ویکھا اور اس غیر معمولی کامیابی پر اللہ کا شکر ادا کیا۔ائیر چیف کا اس موقع پر کہنا تھا کہ آج کادن پاک فضائیہ کی تاریخ میں ایک سنہری باب کااضافہ ہے ،فضائیہ کے6 لڑاکا سکوارڈن جے ایف17 لڑاکاطیاروں سے لیس ہیں۔ ائیر چیف مارشل سہیل امان نے کہا کہ جدیدویپن ٹیسٹ رینج کوپاک فضائیہ کاحصہ بنا دیا گیا ہے۔ترجمان پاک فضائیہ کے مطابق ائیر چیف نے پاک فضائیہ اور چین کے عملے کی کوششوں کوسراہا۔پاک فضائیہ کی جانب سے جاری اعلامیے کے مطابق ملکی ساختہ جے ایف 17 تھنڈر نے سومیانی فائرنگ رینج پر فضائ سے فضائ میں مار کرنے والے میزائل کو فائر کر کے کم رفتار سے پرواز کرنے والے مطلوبہ ہدف کو کامیابی سے نشانہ بنایا۔جے ایف 17 تھنڈر نے بی وی آر اور انفراریڈ میزائل فائر کر کے کم رفتار سے پرواز کرنے والے ہدف کو ٹھیک نشانہ لگا کر تباہ کرنے کا مظاہرہ کیا۔
نئی دہلی (ویب ڈیسک ) بھارت کے معروف اخبار دی ہندو کے جریدے فرنٹ لائن نے اس بات کا اعتراف کیا ہے کہ بھارت نے نہ صرف پاکستان کے خلاف خفیہ جنگ شروع کی ہوئی ہے بلکہ یہ بھی کہا گیا ہے کہ پاک فوج کی جانب سے کلبھوشن یادیو کی گرفتاری اور سزا پر نئی دہلی کو اپنی پالیسی پر نظر ثانی کرنے کی ضرورت ہے۔بھارتی جریدی فرنٹ لائن کی جانب سے اس بات کا اعتراف اس رپورٹ کو مزید تقویت دیتا ہے جو کچھ ماہ قبل ایک ویب سائٹدی کوئنٹ نے جاری کی تھی، جس میں کلبھوشن یادیو کےریسرچ اینڈ انیلسس ونگ (را) کے بطور جاسوس سروس کے بارے میں بات کی گئی تھی۔دی کوئنٹ کی جانب سے پہلے جاری کردہ رپورٹ پر اسٹاف کو سخت دبا کا سامنا کرنا پڑا تھا اور فرنٹ لائن جریدے کی مضمون میں اس رپورٹ کی کچھ چیزوں کا دوبارہ جائزہ لیا گیا۔فرنٹ لائن میں پروین سوامی نے اپنے آرٹیکل میں لکھا کہ 2013 کے بعد سے بھارت کی جانب سے پاکستان کے خلاف خفیہ کارروائی کا پروگرام بنایا گیا، جسے ابتدائی طور پر قومی سلامتی کے مشیر اجیت دیول دیکھ رہے تھے جبکہ اب اسے را کے انیل دھشمنا دیکھ رہے ہیں اور ان کے مطابق اس پروگرام کے ذریعے انہیں بے مثال کامیابی حاصل ہوئی لیکن سزائے موت کے قیدی کلبھوشن یادیو کی کہانی یہ واضح کرتی ہے کہ یہ خفیہ جنگ کسی خطرے سے کم نہیں۔جریدے کے مطابق بھارتی حکومت کی جانب سے عالمی عدالت انصاف میں یہ دعوی کیا گیا تھا کہ کلبھوش یادیو بطور نیوی افسر ریٹائر ہوچکا لیکن ریاست کے سامنے اس بات سے انکار کردیا کہ اصل میں وہ کب ریٹائر ہوا۔پروین سوامی نے اپنے آرٹیکل میں لکھا کہ ان کی جانب سے بھارتی نیول ہیڈ کوارٹر کو خط بھی لکھا گیا تھا کہ آیا کھلبوشن یادیو نیوی کے حاضر سروس افسر ہیں؟ لیکن اس بارے میں کوئی جواب نہیں دیا گیابلکہ اس معاملے سے متلعق وزارت خارجہ سے رجوع کرنے کا کہا گیا۔انہوں نے کہا کہ اس حوالے سے وزارت خارجہ کا کہنا تھا کہ اس بارے میں سب کچھ عوام کے سامنے ہے اور مزید اس میں کچھ اضافے کی ضرورت نہیں۔بھارتی جریدے کے آرٹیکل میں بتایا گیا کہ نامعلوم ذرائع کا کہنا تھا کہ کلبھوشن یادیو نے خفیہ سروسز کے لیے رضا کارانہ خدمت کی جبکہ ایک موقع پر ایک سینئر انٹیلی جنس اہلکار نے کلبھوشن یادیو سے ملاقات کیاور اسے غیر معمولی جرات پر منتخب کیا۔تاہم بھارتی نیوی کے ایک سینئر اہلکار نے آرٹیکل کے مصنف کو بتایا کہ کمانڈر یادیو اس بات پر زور دیتا تھا کہ اسے نیوی کے پے رول پر بحال رہنے کی اجازت دی جائے اور اس کی ترقی اور تنخواہ محفوظ رہے لیکن نیوی کے پاس غیر ملکی کام کرنے والوں کے لیے ایسا نظام نہیں تھا۔خیال رہے کہ پروین سوامی باقاعدگی سے بھارتی اخبار انڈین ایکسپریس کے لیے لکھتی ہیں لیکن ان کا آرٹیکلفرنٹ لائن میں شائع ہوا نہ کہ انڈین ایکسپریس میں، جس سے بات واضح ہوتی ہے کہ انہوں نے ان کا آرٹیکل چھاپنے سے انکار کردیا تھا۔آرٹیکل میں کہا گیا کہ کلبھوشن یادیو نے 1987 میں بھارتی نیوی جوائن کی اور ان کا سروس نمبر 41558Z تھا اور انہیں 13 سال کی خدمات کے بعد سال 2000 میں کمانڈر کے رینک پر ترقی دی گئی لیکن بھارت کے گیزیٹ کے محفوظ شدہ ڈیجیٹل عوامی دستاویزات میں وزارت دفاع کی کچھ فائلوں میں سے سال 2000 کے چند ماہ کا ریکارڈ ہٹا دیا گیا، جس کے باعث کلبوشن یادیو کی ریٹائرمنٹ کے حوالے سے کوئی تفصیلات موجود نہیں۔
Error 403: The request cannot be completed because you have exceeded your quota..
Domain code: youtube.quota
Reason code: quotaExceeded
