لاہور(نیوزایجنسیاں)پاکستان سپر لیگ کی فرنچائز پشاور زلمی کے کپتان ڈیرن سیمی نے کہا ہے کہ ‘پاکستانی مجھ سے اور میں پاکستانیوں سے محبت کرتا ہوں’۔پاکستان سپر لیگ کی فرنچائز پشاور زلمی کے کپتان ڈیرن سیمی نے تیسرے ایڈیشن سے قبل پاکستانیوں کے لیے محبت بھرا پیغام دیا ہے۔ویڈیو بیان میں ڈیرن سیمی نے کہا کہ پاکستانی ان سے اور وہ پاکستانیوں سے محبت کرتے ہیں۔انہوں نے کہا کہ وہ پاکستان میں کرکٹ کی بحالی چاہتے ہیں،
گزشتہ ایڈیشن کے فائنل میں بھی لاہور کے قذافی اسٹیڈیم میں زبردست جوش و خروش تھا۔ان کا کہنا تھا کہ گزشتہ ایڈیشن میں قذافی اسٹیڈیم میں ٹرافی اٹھائی، اب 25 مارچ کو کراچی میں بھی ٹرافی اٹھائیں گے اور گذشتہ برس سے زیادہ جشن منائیں گے۔یاد رہے کہ پاکستان سپر لیگ کے تیسرے ایڈیشن کا آغاز 22 فروری سے دبئی میں ہوگا اور 2پلے آفز لاہور جب کہ فائنل کراچی میں کھیلا جائے گا۔

ایمسٹرڈیم (اے پی پی) شہرہ آفاق سوئس سٹار اور ریکارڈ 20 مرتبہ کے گرینڈ سلام چیمپئن راجر فیڈرر نے کہا ہے کہ دنیا کا نمبر ایک عمررسیدہ ٹینس کھلاڑی بننا دیرینہ خواب تھا، میں اسے بڑی کامیابی سمجھتا ہوں، مستقبل میں بھی کوشش ہو گی کہ عمدہ کارکردگی کے تسلسل کو برقرار رکھتے ہوئے مزید اعزازات اپنے نام کروں، فیڈرر نے روٹرڈیم اوپن ٹینس ٹورنامنٹ کوارٹر فائنل میں روبن ہاس کو شکست دی، سیمی فائنل میں پہنچنے کے ساتھ ہی انہوں نے ٹینس کی عالمی درجہ بندی میں ٹاپ پوزیشن حاصل کر کے دنیا کا نمبر ایک عمررسیدہ کھلاڑی بننے کا اعزاز حاصل کیا۔ اپنے ایک بیان میں انہوں نے کہا کہ 36 برس کی عمر میں دنیا کا نمبر ایک کھلاڑی بننا میرے لئے باعث اعزاز ہے، یہ اتنا آسان نہیں جتنا لگتا ہے، بلاشبہ یہ میری بڑی کامیابی ہے اور اس سے میرا مورال مزید بلند ہوا ہے اب تمام تر توجہ ٹائٹل جیتنے پر موکوز ہے۔

کراچی (یوا ین پی) قومی کرکٹ ٹیم کے فاسٹ بالر سہیل خان کا کہنا ہے کہ جدید کرکٹ میں پیسرزفیلڈ پر جارحانہ انداز کے بجائے بیٹسمین کی جانب سے حملے کا مقابلہ کرنے کی حکمت عملی اپناتے ہیں۔ سہیل خان کا کہنا تھا کہ موجودہ دور میں فاسٹ بالر میں جارحانہ مزاجی سے زیادہ یہ دیکھا جاتا ہے کہ وہ کتنا تجربہ کار اور اسمارٹ ہے۔ سہیل خان کے مطابق اب بالر کو مخالف بیٹسمین کا ذہن پڑھنا ہوتا ہے کہ وہ کیا کرنے والا ہے کیونکہ آج کل اچھی لینتھ پر بالنگ کے باوجود بیٹسمین بڑے شاٹس کھیلنے سے نہیں ڈرتے لہٰذا کوشش یہی ہوتی ہے کہ انہیں اگلی گیند کا اندازہ ہی نہ ہو سکے۔ ایک سوال پر سہیل خان نے بتایا کہ ماضی میں کہا جاتا تھا کہ اگر یارکر کرانے کا دماغ بنا لیا تو وہی کرو لیکن اب ایسا نہیں ہے کیونکہ حریف کو دیکھتے ہوئے پلان آخری لمحے میں بدلنا بھی پڑتا ہے۔

سہیل خان کا مزید کہنا تھا کہ اس وقت ان کی تمام تر توجہ پاکستان سپر لیگ پر مرکوز ہے جہاں ان کی کوشش ہو گی کہ مختصر فارمیٹ میں مخالف ٹیموں کے بیٹسمینوں پر اپنی بالنگ اور حکمت عملی سے دھاک بٹھا سکیں۔یو این پی کے مطابق انہوں نے کہا کہ ٹی ٹوئنٹی کرکٹ میں بالر کیلئے بیٹسمین کو قابو کرنا آسان نہیں ہوتا کیونکہ کنڈیشنز بھی ایسی تیارکی جاتی ہیں کہ بیٹسمینوں کو بڑے اسٹروکس کھیلنے میں آسانی ہو تاکہ شائقین کرکٹ زیادہ سے زیادہ چوکوں اور چھکوں سے لطف اندوز ہو سکیں لہٰذا ایسے میں بالرز کیلئے کڑا امتحان ہوتا ہے کہ وہ خود کو حریف بیٹسمین کے حملوں سے کیسے محفوظ رکھ سکیں۔

لاہور (آن لائن) پاکستان سپرلیگ (پی ایس ایل) کی دفاعی چمپیئن پشاورزلمی نے قومی کرکٹ ٹیم کے سابق مایہ باز اسپنر ثقلین مشتاق کو ٹورنامنٹ کے تیسرے ایڈیشن کے لیے اپنے کوچنگ اسٹاف میں شامل کرتے ہوئے اسپن باو¿لنگ کنسلٹنٹ مقرر کردیا۔پشاور زلمی نے ڈیرن سیمی کی قیادت میں گزشتہ سال پی ایس ایل کا چمپین بننے کا اعزاز حاصل کیا تھا جس کے ہیڈ کوچ محمد اکرم ہیں۔پشاور زلمی کا کہنا تھا کہ ہیڈ کوچ محمد اکرم کو اب عظیم آف اسپنر ثقلین مشتاق کا تعاون بھی حاصل ہوگا جو ٹیم کے اسپن باو¿لنگ کنسلٹنٹ ہوں گے۔اسپن باو¿لنگ کے شعبے میں دوسرا گیند متعارف کروانے والے سابق عظیم باو¿لرآج دبئی میں ٹیم میں شامل ہوں گے۔یاد رہے کہ ثقلین مشتاق کو اسپن باو¿لنگ کی کوچنگ کا وسیع تجربہ حاصل ہے اور اس سے قبل انھوں نے انگلینڈ کی قومی ٹیم کے اسپن باو¿لنگ کوچ کے طور پر کام کیا تھا تاہم پاکستان کرکٹ بورڈ (پی سی بی) کے ساتھ کبھی کام نہیں کیا تھا۔

پی ایس ایل کے تیسرے سیزن کا آغاز 22 فروری کو دبئی میں ہوگا جہاں پشاور زلمی کی ٹیم اپنے اعزاز کا دفاع کرتے ہوئے افتتاحی میچ ملتان سلطانز کے خلاف کھیلے گی۔

لاہور (آن لائن) پی سی بی نے قومی کرکٹ سیزن کوپرکشش بنانے کی ٹھان لی۔ڈومیسٹک کرکٹ میں تبدیلیاں اوراصلاحات لانے کےلئے پلان پرغورکیاجائیگا،پی سی بی اعلیٰ حکام پی ایس ایل کی افتتاحی تقریب اورپہلے معرکے کے بعد جمعے کودبئی میں سرجوڑیں گے۔ اعلی سطح اجلاس میں پاکستان کرکٹ سے وابستہ اہم شخصیات سے رائے لے کر قومی سیزن کو مزید پرکشش بنایا جائے گا۔ماضی کے عظیم کرکٹر کی رائے سے سیزن میں بہتری کے لئے اہم فیصلے کئے جائیں گے۔ چیئرمین بورڈنجم سیٹھی کا کہنا ہے کہ اب ڈومیسٹک سیزن میں عمدہ اندازمیں انقلابی اقدامات کئے جائیں گے تاکہ اس میں جدت آسکے،انٹرنیشنل کرکٹ بھی پاکستان میں مستقل بنیادوں پرجلد بحال ہوگی۔جب پاکستانی گراو¿نڈ آباد ہوں گے تو پھربیرون ملک لگنے والا پیسہ کرکٹ کے فروغ پر خرچ ہوگا، پاکستان کی معیشت کو بھی ملک میں انٹرنیشنل کرکٹ ہونے سے فائدہ ہوگا۔چیئرمین بورڈ نے کہا ہے کہ پاکستان میں سیریز کرانے کے لئے ٹیسٹ کھیلنے والے ملکوں سے بات چیت ہوئی ہے، پاکستان کرکٹ بورڈ کے انفراسٹرکچر ڈپارٹمنٹ کو ہدایت دی ہے کہ ملک کے پانچ انٹرنیشنل سینٹرز کے بارے میں ایک رپورٹ تیار کی جائے کہ ان سینٹرز میں کیا کیا کام ہونے ہیں تاکہ جب ملک میں انٹرنیشنل کرکٹ واپس آئے تو یہ گراو¿نڈز مکمل طور پر تیار ہوں۔ میٹنگ میں چیف آپریٹنگ آفیسر سبحان احمد،چیف سلیکٹر انضمام الحق،کپتان سرفراز احمد،ہیڈ کوچ مکی آرتھر،سابق ٹیسٹ کرکٹرز شعیب اختر،مصباح الحق،ڈائر یکٹر ہارون رشید،چیئرمین کے ایڈوائزر شکیل شیخ، گورننگ بورڈ کے رکن منصور مسعود خان، قومی اکیڈمی کے ڈائریکٹر مدثر نذر اور دیگر اہم شخصیات شریک ہوں گی۔اجلاس میں پاکستان میں ڈومیسٹک کرکٹ کی بہتری اور اس میں ریفارمز لانے کے لئے اہم فیصلے کئے جائیں گے۔