لاہور (کورٹ رپورٹر) انسداد دہشت گردی کی خصوصی عدالت نے قصور میں معصوم بچی زینب سمیت دیگر بچیوں کو زیادتی کے بعد قتل کرنے والے ملزم عمران کو جوڈیشل ریمانڈ پر جیل بھجوا دیا اور آئندہ کیس کا ٹرائل جیل میں ہی ہو گا ، ملزم کی طرف سے مہر شکیل ملتانی نے وکالت نامہ جمع کرا دیا۔گزشتہ روز انسداد دہشتگردی کی خصوصی عدالت کے ایڈمن جج شیخ سجاد احمد نے کیس کی سماعت کی ۔ملزم عمران کو سخت سکیورٹی حصار میں عدالت پیش کیا گیا ۔ عدالتی سماعت کے موقع پر ملزم کی طرف سے ایڈووکیٹ مہر شکیل ملتانی نے وکالت نامہ بھی جمع کرا دیا اور اپنے موکل پر پر لگنے والے تمام الزامات کو بد نیتی پرمبنی قرار دیتے ہوئے کہاکہ ملزم کے خلاف کوئی ٹھوس ثبوت نہیں ملا اور ڈی این اے کی کوئی قانونی حیثیت نہیں۔ پراسکیوٹر کی طرف سے عدالت کو بتایا گیا کہ ملزم کے خلاف تفتیش مکمل کرلی گئی ہے اور ملزم عمران علی کی ڈی این اے سے تصدیق کی گئی، سیریل کلر نے جرم کا اعتراف کیا۔ ملزم کے خلاف مختلف نوعیت کے شواہد اکٹھے کیے گئے ہیں۔جن میں ملزم کی سی سی ٹی وی فوٹیج، فوٹو پرنٹ، پولی گراف ٹیسٹ، ڈی این اے رپورٹ، ملزم کے کپڑے اور میڈیکل ٹیسٹ شامل ہے۔ عدالت نے سرکاری وکیل سے استفسار کرتے ہوئے پوچھا کہ کیا ملزم نے اعترافی بیان ریکارڈ کرایا ہے؟ جس پر پراسکیوٹر نے نفی میں سر ہلادیا۔پراسکیوٹر کی جانب سے استدعا کی گئی کہ ملزم کی سکیورٹی کے مسائل ہیں، اس لیے ملزم کو عدالت میں پیش کرنا مناسب نہیں، ملزم کا جیل میں ٹرائل کیا جائے۔جس پر عدالت نے پراسکیوٹر کی استدعا منظور کرلی اور ملزم کے وکیل مہر شکیل ملتانی کو روزآنہ کی بنیاد پر سماعت کے لیے پابند کرتے ہوئے کہا کہ آپ اپنی تمام مصروفیات ترک کردیں اور اگر آپ کو اسٹیٹ کونسل کی ضرورت ہے تو بتائیں۔ جس پر ملزم کے وکیل نے انکار کرتے ہوئے روزانہ کی بنیاد پر پیش ہونے کی یقین دہانی کرائی۔ عدالت نے ریمارکس دیتے ہوئے کہا کہ یہ کیس انتہائی اہمیت کا حامل ہے،سب کی اس مقدمے کے فیصلے پر نظریں مرکوز ہیں۔ عدالت نے ملزم کو جوڈیشل ریمانڈ پر جیل بھجواتے ہوئے مقدمے کا چالان جلد پیش کرنے کا حکم دیا ۔

اسلام آباد (این این آئی، آن لائن) سپریم کورٹ آف پاکستان نے عوامی مسلم لیگ کے سربراہ شیخ رشید احمد کی وزیراعظم شاہد خاقان عباسی کیخلاف ایل این جی سے متعلق درخواست سماعت کیلئے مقرر کردی ہے۔ چیف جسٹس کی سربراہی میں تین رکنی بنچ 12 فروری کو کیس کی سماعت کریگا۔ تفصیلات کے مطابق عوامی مسلم لیگ کے سربراہ شیخ رشید احمد نے ایل این جی سے متعلق درخواست سپریم کورٹ میں دائر کی تھی جس میں وزیراعظم شاہد خاقان عباسی کو فریق بنایا گیا ہے۔ جمعہ کو سپریم کورٹ نے شیخ رشید کی درخواست سماعت کیلئے مقرر کردی ہے۔ چیف جسٹس میاں ثاقب نثار کی سربراہی میں تین رکنی بینچ 12 فروری کو کیس کی سماعت کرے گا۔ بنچ میں جسٹس اعجاز الاحسن اور جسٹس عمر عطا بندیال شامل ہیں۔ شیخ رشید احمد خان کی جانب سے سپریم کورٹ میںدائر کی درخواست میں ایل این جی معاہد کو کالعدم اور شاہد خاقان عباسی کو بدیانت قرار دے کر نااہل قرار دینے کی استدعا کی گئی تھی شیخ رشید نے اپنی درخواست میں موقف اختیار کیا تھا کہ ایل این جی کے معاہدہ میں قوانین کو مدنظر نہیں رکھا گیا، مسلم لیگ ن کی حکومت نے ایل این جی معاہدہ میں سپریم کورٹ کی ہدایات کو مدنظر نہیں رکھا، معاہدہ کے تحت ایک نجی کمپنی کو یومیہ 27ملین ادا کرنے ہونگے، سوئی سدرن کے ایم ڈی کو رینٹل معاہدہ کرنے کے لیے اس وقت کے وزیر پٹرولیم پر دباو¿ ڈالا، درخواست میں کہا گیا ہے کہ ایل این جی کی خریداری کے لیے شاہد خاقان عباسی نے ایم ڈی پی ایس او پر بھی دباو¿ ڈالا گیا اور انکار پر نیا ایم ڈی شاہد اسلام کا تقرر کیا گیا، درخواست میں موقف اختیار کیا گیا ہے کہ غیر قانونی معاہدہ کے ذریعہ پاکستان کو اربوں ڈالرز کا نقصان ہوا ہے، قطری کمپنی پاکستان کو ایل این جی 2015 سے سپلائی کر رہی ہے، پی ایس او ویب سائٹ پر جاری معاہدہ پر عمل درآمد 8 فروری 2016 سے ہوا، درخواست سوال اٹھتا ہے جون 2015 سے جنوری 2016 تک قیمتیں کیا تھیں، درخواست معاہدہ کے بغیر ایل این جی کی برآمد خلاف قانون ہے، خلاف قانون سپلائی وزیراعظم شاہد خاقان عباسی کی ایمانداری پر شکوک و شبہات پیدا ہوتے ہیں، درخواست میں کہا گیا ہے کہ عوامی منصوبوں کے ٹھیکے جاری کرتے وقت شفافیت ضروری ہے، عدالت اس معاملے کو بنیادی حقوق کا معاملہ قرار دیتے ہوئے سماعت کے لیے مقرر کرے، درخواست میں عدالت سے استدعا کی گئی تھی وزیراعظم شاہد خاقان عباسی کو بدیانت قرار دے کر آرٹیکل 62-63 کے تحت نااہل کیا جائے اور معاہدہ کے ذریعہ لوٹی ہوئی رقم اور بنائے گئے اثاثے ضبط کیے جائیں، درخواست میں استدعا کی گئی تھی کہ عدالت اہل اور ایماندار شخص کو چیئرمین اوگرا تعینات کرے اور چیئرمین نیب کو قانون کے مطابق کارروائی کرنے کا حکم دے۔ سپریم کورٹ کی جانب سے جاری کازلسٹ کے مطابق عدالت عظمیٰ نے شیخ رشید احمد کی درخواست کو سماعت کے لیے مقرر کردیا ہے اور چیف جسٹس کی سربراہی میں تین رکنی بنچ کیس کی سماعت بارہ فروری کو کرے گا۔

لاہور(پ ر) وزیراعلیٰ پنجاب محمد شہبازشریف نے کہا ہے کہ صوبے کی ترقی اور عوام کی خوشحالی سے بڑھ کر کوئی ترجیح نہیں ہو سکتی۔ ترقی کے تیز رفتار سفر میں کوئی رکاوٹ حائل نہیں ہونے دی جائے گی۔تعلیم، صحت، انفراسٹرکچر سمیت دیگر شعبوں کی ترقی اپنی مثال آپ ہے اورہم نے ترقیاتی منصوبوں کی ریکارڈ مدت میں تکمیل کے ریکارڈ قائم کئے ہیں جبکہ انفارمیشن ٹیکنالوجی کے فروغ اور استعمال میں پنجاب سرفہرست ہے اور منصوبوں میں انفارمیشن ٹیکنالوجی کو فروغ دے کر عوام کو بہترین سہولتیں فراہم کی گئی ہیں۔وزیراعلیٰ نے کہا کہ ملک سے لوڈ شیڈنگ کا خاتمہ مسلم لیگ (ن) کی حکومت کا تارےخ ساز کارنامہ ہے ۔ ملک میں ایک عرصے سے چھائے ہوئے اندھیروں کو ختم کیاہے اور جتنی محنت کےساتھ توانائی منصوبوں کو مکمل کیا گیا ہے ،اس کی مثال پاکستان کی70سالہ تاریخ میں موجود نہیں۔انہوں نے کہاکہ بعض سیاسی عناصر کی رکاوٹوں کے باوجود بجلی کے منصوبوں کو ریکارڈ مدت میں مکمل کیا گیا ہے اور آج ملک میں لوڈ شیڈنگ قصہ پارینہ بن چکی ہے۔ ہم نے جھوٹ اور بے بنیاد الزامات کی سیاست کی بجائے عوام کی خدمت کو مقدم رکھا ہے اور ہمارے تمام اقدامات عوام کی ترقی و خوشحالی کے مظہر ہیں۔ دھرنا پارٹی نے صرف اور صرف جھوٹ اوربے بنیاد الزامات کی سیاست کی ہے اور عوام کے مسائل کے حل اوراپنے صوبے کی ترقی کی بجائے الزام تراشی کو وطیرہ بنائے رکھا۔ انہوں نے کہا کہ ماضی کے حکمرانوں نے توانائی بحران کے خاتمے کےلئے کوئی اقدام نہیں اٹھایااوران حکمرانوں کی لوٹ مار اورکرپشن کی وجہ سے ہی ملک اندھےروں مےں ڈوبتا چلا گےا۔ کرپٹ اور شکست خوردہ عناصر نے توانائی سمیت مفاد عامہ کے ہر منصوبے میں تاخیر کی کوشش کی اور آج یہ عناصراپنے کئے پر شرمندہ ہیں۔وزیر اعلیٰ نے کہا کہ عمران نیازی نے دھرنوں اور لاک ڈاﺅن کی منفی سیاست سے ملک و قوم کا قیمتی وقت ضائع کیا ہے۔ اپنے صوبے میں بدترین کارکردگی دکھانے والے یہ عناصر کس منہ سے عوام کا سامنا کرےںگے۔ترقی کی مخالفت کرنے والوں سے حساب عوام الیکشن میں لیں گے۔انہوں نے کہا کہ عوام خدمت کرنے والوں کو کبھی بھلاتے نہےں۔2018ءکے انتخابات مےں عوام خدمت کرنے والوں اورترقی کا سفر روکنے والوں کا فےصلہ اپنے ووٹ کی طاقت سے کریں گے۔پاکستان مسلم لےگ(ن) کی عوامی خدمت کی سےاست کے سامنے جھوٹ بولنے والوں کی کوئی حیثیت نہیں ۔جھوٹ ،انتشار اورمنافقت کی سےاست کرنے والوں کے دن گنے جاچکے ہےں۔ احتجاج اوردھرنوں کی قےمت اس غرےب قوم کو چکانا پڑی ہے ۔دھرنے ،احتجاج اورانتشار کی سےاست کے علمبرداروں کو 2018ءمےں اپنی منفی سےاست کا جواب مل جائے گا۔ انہوں نے کہا کہ عمران نیازی نے جھوٹ بولنے اور الزام تراشی کے عالمی ریکارڈ قائم کئے ہیں۔باشعور عوام اس لیڈر کی دروغ گوئی اور بہتان طرازی سے تنگ آ چکے ہیں حتیٰ کہ خیبرپختونخوا کے عوام بھی جھوٹ، یوٹرن اور بے بنیاد الزامات کی منفی سیاست سے بیزارہو چکے ہیں۔ انہوں نے کہا کہ آئندہ انتخابات میں دھرنا گروپ کو پشیمانی کے علاوہ کچھ نہیں ملے گا اور مسلم لیگ (ن) عوام کی حمایت سے آئندہ انتخابات میں اکثریت سے کامیاب ہو کر ترقی کے سفر کو مزید آگے بڑھائے گی۔وزیراعلیٰ پنجاب محمد شہبازشریف سے سپیکر قومی اسمبلی سردار ایاز صادق اور وزیر ریلویز خواجہ سعد رفیق نے ملاقات کی جس میں سینیٹ الیکشن، سیاسی امور اور ترقیاتی پروگراموں پر تبادلہ خیال کیا گیا۔ سپیکر قومی اسمبلی اور وزیر ریلویز نے منصوبوں میں 682 ارب روپے کی بے مثال بچت پر وزیراعلیٰ پنجاب کو مبارکباد دی۔ وزیراعلیٰ محمد شہبازشریف نے اس موقع پر گفتگو کرتے ہوئے کہا کہ عوام کی ترقی و خوشحالی کا سفر تےزی سے طے کررہے ہےں ۔ وسائل قوم کی امانت ہیں، ایک ایک پائی ان کی فلاح و بہبود پر خرچ کی جا رہی ہے۔ترقیاتی منصوبوں میں شفاف پالیسی اپنا کر اربوں روپے کی بچت کی گئی ہے۔ ترقیاتی منصوبے معیار اور شفافیت کے اعتبار سے اپنی مثال آپ ہیں۔ منصوبوں مےں 682ارب روپے کی بچت کرکے ملک کی تارےخ مےں نےا رےکار ڈ قائم کےا گیا ہے۔ صوبہ بھر میں انفراسٹرکچر اور کھیتوں سے منڈیوں تک سڑکوں کا جال بچھایا گیا ہے۔لاہور اورنج لائن میٹرو ٹرین کا منصوبہ ٹرانسپورٹ کے شعبے میں انقلابی حیثیت کا حامل ہے۔

لاہور، اسلام آباد، کراچی، ملتان (نمائندگان خبریں) انگریزی اخبار ”دی پوسٹ“ کے بانی ایڈیٹر عدنان شاہد مرحوم کی 11ویں برسی گزشتہ روز منائی گئی۔ اس موقع پر لاہور، اسلام آباد، کراچی، ملتان سمیت ملک بھر کے چھوٹے بڑے شہروں میں مرحوم کی روح کو ایصال ثواب، قرآن خوانی کا اہتمام کیا گیا اور مرحوم کے درجات کی بلندی کے لئے فاتحہ خوانی کی اور خصوصی دعائیں کی گئیں۔ مرحوم کی 11ویں برسی پر ان کی صحافتی میدان میں اعلیٰ خدمات کو بھی سراہا گیا اور سماجی خدمات کا بھی اعتراف کیا گیا۔ اس سلسلے میں مرکزی دعائیہ تقریب کا اہتمام خبریں لاہور کے دفاتر میں کیا گیا جہاں مرحوم کے لئے قرآن خوانی اور خصوصی دعائیں چیف ایڈیٹر خبریں ضیاشاہد، ایڈیٹر خبریں گروپ و سی ای او چینل ۵ امتنان شاہد، ڈاکٹر نوشین عمران، نوفل اویس شاہد، عبدالواسع شاہد اور معاذ عمران علوی کے علاوہ خبریں کے سینئر سٹاف اور مختلف شعبوں سے تعلق رکھنے والی شخصیات نے بھی شرکت کی۔ اس موقع پر جامعہ نعیمیہ کے طلبا بھی شریک ہوئے اور مولانا حافظ محمد عثمان صدیقی نے دعا کرائی۔ دریں اثنا ملک بھر میں خبریں کے دفاتر میں چیف ایڈیٹر خبریں گروپ ضیاشاہد کے صاحبزادے، ایڈیٹر خبریں و سی ای او چینل فائیو امتنان شاہد کے بڑے بھائی عدنان شاہد کی11 ویں برسی عقیدت واحترام کے ساتھ منائی گئی، روزنامہ خبریں کے ملک بھر کے دفاتر میں قرآن خوانی، نعت خوانی، تعزیتی ریفرنس اور دعائیہ تقاریب کا اہتمام کیا گیا، مرحوم عدنان شاہد کیلئے بلندی درجات کی خصوصی دعائیں۔ سیالکوٹ، چیف ایڈیٹر خبریں گروپ ضیاشاہد کے صاحبزادے اور ایڈیٹر خبریں و چیف ایگزیکٹو چینل ۵ امتنان شاہد کے بڑے بھائی مایہ ناز صحافی و دانشور عدنان شاہد کی گیارویں برسی کے سلسلہ مےں سیالکوٹ پریس کلب میں قرآن خوانی اور دعائےہ تقرےب کا انعقاد کےا گےا۔ تقرےب مےں قرآن خوانی و نعت خوانی کا اہتمام کیا گیا۔ مرحوم کے بلندی درجات اور مغفرت کے لئے معروف عالم دین صاحبزادہ غلام محی الدین صابری جیلانی نے دعا کروائی۔ دعائے مغفرت کی تقرےب مےںبیورو چیف روزنامہ خبریں و چےئرمین پریس کلب سیالکوٹ انور حسین باجوہ،کلیم رو¿ف چشتی ، انعام الرحمن جنجوعہ،حاجی محمد یوسف ساقی ، ختم نبوت یوتھ فورس کے سےنئررہنما شاہد مبین قادری، مقامی اخبار کے چیف ایڈیٹر رانا محمد یحییٰ ، سید حسن رضوی، گلزاراحمد، محمد احمد،جاوید بٹ،ناصر وڑائچ سمےت سماجی و سےاسی کارکنان نے کثےر تعداد مےں شرکت کی۔دعائےہ تقرےب سے چےئرمےن سےالکوٹ پرےس کلب و بےورو چےف روزنامہ خبرےںانور حسےن باجوہ نے کہا کہ خبرےں گروپ آف نےوز پےپرز کے اخبارات کو عوامی پذےرائی حاصل ہونے مےں مرحوم عدنان شاہد کا مثالی کردار ہے ۔آج بھی مرحوم ہمارے دلوں میں زندہ ہیں۔خبرےں گروپ آف نےوز پےپرز کے اخبارات اور نےوز چےنلز جابر حکمران کے سامنے کلمہ حق کہنے کا فرےضہ ادا کر رہے ہےں ۔ خبرےں گروپ آف نےوز پےپرز کے اےڈےٹر جناب امتنان شاہد اپنے بڑے بھائی عدنان شاہد مرحوم کا صحافتی مشن محنت ، لگن ، اےمانداری اور جانفشانی کے ساتھ نبھا رہے ہےں ۔ پاکستان بھر کے کروڑوں بے نوالوگوں کی دعائےں جناب ضےاءشاہد اور جناب امتنان شاہد کے ساتھ ہےں۔ خبریں گروپ آف نیوز پیپرز کے چیف ایگزیکٹو جناب ضیاءشاہد کے صاحبزادے ، روز نامہ خبریں کے ایڈیٹر امتنان شاہد کے بھائی اور سابق ایڈیٹر و ای سی او عدنان شاہد مرحوم کی روح کے ایصال ثواب کےلئے فیصل آباد بیورو آفس ریلوے روڈ چوک جی ٹی ایس میں 11ویں برسی کے حوالہ سے تعزیتی اجلاس کا انعقاد ہوا۔ جس میں عدنان شاہد کی خدمات کو خراج تحسین پیش کیا گیا۔ دعائیہ تقریب میں روز نامہ خبریں کے مینجر حاجی سراج الحق، چیف رپورٹر یونس چوہدری ،رپورٹر عاطف چوہدری، نسیم بٹ، آئی ٹی انچارج سمیت سٹاف کے دیگر ارکان سمیت صحافیوں، تاجروں اور دیگر شخصیات نے بڑی تعداد میں شرکت کی۔ جبکہ خبریں کے بیورو آفس سمیت مدارس اور مسجدمیں دعائیہ تقریب کا انعقاد ہوا ۔ مسجد فردوس پی ڈبلیو ڈی کالونی ریلوے روڈ میں بھی عدنان شاہد مرحوم کےلئے بلندی درجات اور جنت الفردوس میں اعلیٰ مقام عطاءکےلئے دعا کی گئی ۔ ساہےوال روزنامہ خبرےں کے چےف اےڈےٹر ضےاءشاہد صاحب کے بڑے بےٹے عدنان شاہد صاحب کی سالانہ بر سی کے سلسلہ مےں روزنامہ خبرےں ساہےوال کے آفس مےں فاتحہ خوانی کا اہتمام کےا گےا جس مےں صحافےوں سمےت مختلف مکاتب فکر کے لوگوںنے شر کت کی اور اس مو قع پر ان کے بلد درجات کی دعا کی گئی اور بعد مےں اےصال ثواب کے لئے فاتحہ خوانی کی گئی جبکہ مختلف مساجد مےں جمعہ کے خطبے کے بعد محترم عدنان شاہد صاحب کے لئے بھی فاتحہ خوانی اور بلند درجے کے لئے دعا کی گئی ۔ گجرات، چےف اےڈےٹر خبرےں گروپ ضےاءشاہد کے بڑے صاحبزادے سابق اےڈےٹرعدنان شاہد مرحوم کی 11 برسی کے سلسلہ مےں اےصال ثواب کےلئے دعائےہ تقرےب بےورو آفس گجرات مےں منعقد ہوئی۔جس مےں بےوروچےف جلا ل الدین کرامت، نعےم عظمت،، وسےم ،ملک دلشاد احمد، ملک عتےق، ملک عرفان، شہزاد بٹ،اد،عبدالوحےد عطاری، عامر مسعود کھوکھر، الحاج خادم حسےن ، نقاش خادم، وقاص خادم، شہزاد احمد،حماس خادم، مظہر حےدر، مرزا جاوےد، زبےر الرحمان بٹ، ضےاءمنور بےگ، چوہدری ےاسر ادرےس اےڈووکےٹ، عثمان نا صر بٹ ایڈووکیٹ م محمد فیصل احمد،قےصر علی سمیت دےگر نے شرکت کی۔اس موقع پرعدنان شاہد مرحوم کی روح کے اےصال ثواب کےلئے قرآن خوانی کی گئی اور ان کی مغفرت ودرجات کی بلندی کےلئے دعا کروائی گئی۔ پاکستان کے ممتاز صحافی و کالم نگار مرحوم عدنان شاہدکی 11ویں برسی کے موقع پر مرحوم ایثال ثواب و درجات کی بلندی کیلئے پریس کلب سرگودہا میں قرآن خوانی اور دعا کروائی گئی جس میں صدر پریس کلب مہر آصف حنیف ، بیوروچیف ملک کامران ،نمائندہ خبریں مہر نوید اختر،ملک محمد جبار، ملک اشراق ،محمد سلیم، علی عمران، صلاح الدین ، محمد بلال و دیگر صحافیوں نے شرکت کی ۔مرحوم عدنان شاہد کے درجات کی بلندی اور لواحقین کو صبر جمیل کے لےے دعا کرائی گئی۔ بہاولنگر، مرحوم عدنان شاہد کی 11ویں برسی کے موقع پر بہاولنگر شہر کے جامع رضائے مصطفی میں قرآن خوانی کروائی گئی اور جمعہ کی نماز کے بعد مرحوم عدنان شاہد کے ایصال ثواب کے لیئے خصوصی دعا کروائی گئی جس میں شہر بھر کے انجمن تاجران اور صحافی برادری اور اہم شخصیات نے شرکت کی جب کہ مرحوم عدنان شاہد کی 11 ویں برسی عقیدت و احترام سے منائی گئی اور مرحوم عدنان شاہد کی درجات کی بلندی کے لیئے دعا کی۔ ڈسٹرکٹ میڈیا کلب میںروزنامہ خبریں کے چیف ایڈیٹر ضیاءشاہد کے فرزند ارجمند عدنان شاہد کی 11ویں برسی ٹوبہ ٹیک سنگھ میں بھی عقیدت و احترام کے ساتھ منائی گئی،اس موقع پر ڈسٹرکٹ میڈیا کلب میں مرحوم کی روح کے ایصال ثواب کے لیے قرآن خوانی و فاتحہ خوانی کی گئی،منعقدہ تقریب میں ”روزنامہ خبریں“کے ڈسٹرکٹ رپورٹر سینئر صحافی سہیل عباس ٹیپو نے خطاب کرتے ہوئے کہا کہ ’موت‘ ایک اٹل حقیقت کا نام ہے،ہرذی روح نے دارفانی سے دار بقا ءکی جانب سفر کرجانا ہے،مگر جہاں فانی سے رحلت کرنے والے اپنی زندگی کی حسین یادیں ہمیشہ کے لیے چھوڑ جاتے ہیں،انہوں نے مزید کہا کہ عدنان شاہد مرحوم ایک ہمہ جہت شخصیت کا نام تھا،جنہوں نے شاندار صحافت کو فروغ دینے میں فعال کردار ادا کیا ،مرحوم نہایت بااخلاق،ملنسار،ایثاروہمدردی کے خوگر انسان دوست،سچے محب وطن اور بے شمار خداداد صلاحیتوں سے مالا مال شخصیت کے مالک انسان تھے،ان کی شاندار صحافتی خدمات کو بھی ہمیشہ یاد رکھا جائے گا،سینئر صحافی سہیل عباس ٹیپو نے مزید کہا کہ ڈسٹرکٹ میڈیا کلب کا ہر کارکن اللہ تعالیٰ کے حضور عدنان شاہد مرحوم کی مغفر ت اور بلندی ¿ درجات کے لیے دعا گو ہے،منعقدہ تقریب میں بزرگ صحافی قاری محمد بابر جمیل نقشبندی نے بھی خیا لات کا اظہار کیا اور فلسفہ¿ موت و حیات پر روشنی ڈالی بعد ازاں مرحوم کی روح کے ایصال ثواب کے لیے مذہبی سکالر ڈاکٹر رفیق انورچشتی نے فاتحہ خوانی اور دعا کروائی کہ رب العزت مرحوم کو جنت الفردوس میں اعلیٰ اور بلند مقام عطا فرمائے جبکہ منعقدہ تعزیتی تقریب میں عمران ندیم سدھو،ڈاکٹر سلیم غازی،ملک امین،دانش رضاشمسی،احسان حیدر،میاں افتخار احمد،وسیم رضا چوہان،وحیدانور کوکب ،سہیل غنی،میاں معظم علی،عامر منیر گھمن،امتیاز عادل سمیت دیگر صحافیوں کی کثیر تعداد نے بھی شرکت کی۔ چیچہ وطنی ، چیچہ وطنی پریس کلب میں روزنامہ خبریں کے سابق ایڈیٹر عدنان شاہد کی 11 ویں برسی کے موقع پر دعائیہ تقریب منعقد ہوئی جس میں صدر محمد سعید اختر رانا،سرپرست حاجی غلام مرتضیٰ، جنرل سیکرٹری سلطان مصطفائی ،سینئر نائب صدر حافظ محمد فہیم جاوید ،محمد صدیق سرفراز چشتی، محمد ارشد چشتی، میاں رضوان شریف، ملک اسد عباس،چوہدری شاہد اقبال گجر،محمد سہیل حبیب مغل،نوید رضوان،شیخ اعجاز،محمد آصف، علی اکبر ، علی شہزاد سمیت صحافیوں کی کثیر تعداد موجود تھی۔بابائے صحافت رانا عبداللطیف نے مرحوم کی روح کے ایصال ثواب کیلئے دعا کروائی۔ اس موقع پر قرآن خوانی بھی کی گئی۔سینئر صحافیوں نے خطاب کرتے ہوئے کہا کہ عدنان شاہد مرحوم کی روزنامہ خبریں اور صحافت کیلئے خدمات کو کبھی فراموش نہیں کیا جا سکتا ، اللہ تعالیٰ سے دعا ہے کہ انہیں جنت الفردوس میں اعلیٰ مقام عطا فرمائے ۔ ہارون آباد، چیف ایڈیٹر خبریں گروپ ضیاءشاہد کے صاحبزادے عدنان شاہد مرحوم کی گیارہویں برسی کے سلسلہ میں مرکزی جامع مسجد سمیت مختلف مساجد میں مرحوم کی مغفرت و بلندی درجات اور اہل خانہ کے لےے صبرو استقامت کی خصوصی دعائیں کی گئیں مزید برآں عوامی پریس کلب اور ہارون آباد الیکٹرانک میڈیا ایسوسی ایشن ہارون آباد کے صحافیوں نے عدنان شاہد مرحوم کے ایصال ثواب کے لیے دعا کی عہدیداران و ممبران نے عدنان شاہد مرحوم کی صحافت کی دنیا میں مختصر عرصہ کے دوران کاوشوں اور خدمات کا تذکرہ کیا اورعدنان شاہد کی صحافت میں اُٹھان اور جذبہ اپنے لیجنڈری والد محترم ضیاءشاہد کے نقش پا سے مماثلت رکھتا تھا اور وہ دبنگ صحافی کے طور پر نمایاں ہورہے تھے مگر موت اور تقدیر کے سامنے بے بس ہیں اور موت نے نوجوانی میں انہیں دنیا سے آخرت میں سفر کا پروانہ جاری کر دیا عدنان شاہد کا مختصر مگر مثالی کام ان کی یادگار کنٹری بیوشن کے روپ میں ہمیشہ یاد رکھا جائے گا ۔ تفصیل کے مطابق 9فروری 2007ئ کے المناک حادثہ میں جان بحق ہونے والے چیف ایڈیٹر خبریں ضیاءشاہد کے بیٹے عدنان شاہد کی 11ویں برسی عقیدت و احترام سے منائی گئی ۔ مرحوم کے بلندی درجات کےلئے خطیب جامع مسجد محمد یہ قاری محمد حسین فریدی نے بعد نماز جمعتہ المبارک خصوصی دُعا کر وائی ۔مرحوم کی روح کو قرآن پاک کی تلاوت بھی ایصال ثواب کی گئی ۔ جس میں صحافی برادری ،عوامی وسماجی شخصیات سمیت علاقہ عوام کی کثیر تعداد موجود تھی ۔ گیمبر کینٹ ، ملک کے دیگر شہروں کی طرح گیمبر اوکاڑہ چھاﺅنی میں بھی صحافتی دنیا کی معروف شخصیت عدنان شاہد(مرحوم) کی برسی کے موقع پر دعائیہ تقریب کا اہتمام کیا گیا ۔تفصیلات کے مطابق چیف ایڈیٹر خبریں گروپ ضیاءشاہد کے صاحبزادہ عدنان شاہد (مرحوم )کی برسی کے موقع پر گیمبر اوکاڑہ چھاﺅنی میں بھی دعائیہ تقریب کا اہتمام کیا گیا ،جس میں گیمبر پریس کلب گیمبر اوکاڑہ چھاﺅنی کے صدر اے ایچ انور ،جمعیت علماءپاکستان ساہیوال ڈویژن کے سینئر نائب صدر مولانا سائیں نذیر حسین فریدی و دیگر پریس کلب کے عہدیداران و ممبران سمیت سیاسی وسماجی شخصیات نے شرکت کی۔مولانا سائیں نذیر حسین فریدی نے مرحوم کی روح کے ایصال ثواب کے لیے خصوصی دعا کروائی ۔اس موقع پر شرکاءنے کہا کہ چیف ایڈیٹر خبریں گروپ ضیاءشاہد صحافی دنیا کا ایک روشن ستارہ ہیں ،ان کے صاحبزادہ عدنان شاہد نے تھوڑے عرصہ میں ہی صحافتی میدان میں ایک الگ مقام قائم کیا تھا ۔مگر اُنکی اچانک وفات نے خبریں فیملی میں ایک خلاءپیدا کردیا ۔جانے والے کبھی لوٹ کر نہیںآتے مگر اُنکی اچھی باتیں اور یادیں ہمیشہ زندہ رہتی ہیں۔ہماری دعا ہے کہ اللہ پاک ضیاءشاہد اور اُنکی فیملی کو صبر و جمیل عطا فرمائے اور خبریں گروپ کو دن دوگنی رات چوگنی ترقی دے ۔ کسووال، پریس کلب رجسٹرڈ کسووال میں ایڈیٹر روزنامہ دی پوسٹ عدنان شاہد کی گیارویں برسی کے موقع پر قرآن خوانی کے بعد مرحوم کی روح کے ایصال ثواب کے لئے دعائے مغفرت کی گئی۔تفصیل کے مطابق گزشتہ روز کسووال پریس کلب میں چیف ایڈیٹر روزنامہ خبریں ضیا شاہد کے بیٹے اور ایڈیٹر روزنامہ دی پوسٹ عدنان شاہد کی گیارویں برسی کے موقع پر قرآن خوانی کی گئی۔اس موقع پرصدرپریس کلب اختر سردار چودھری،چیئرمین و نمائندہ خبریں الحاج ایم اے جاویدسمیت مدرسہ جامع انوار محمدیہ کے طلباءکی کثیر تعداد بھی موجود تھی ،قاری حافظ محمد رمضان نے ایڈیٹر روزنامہ دی پوسٹ عدنان شاہد مرحوم کی ر وح کے ایصال ثواب کے لئے خصوصی دعا کی۔ جہلم، عدنان شاہد نے چھوٹی عمر مےں ہی صحافت پر انمٹ نقوش چھوڑے ہیں چےف اےڈ ےٹر ضیا ءشاہد کےلئے ےہ صدمہ قےامت سے کم نہیں تھا اےک عظیم باپ کے بےٹے نے خود کو بہت کم وقت مےں عظیم ثابت کےا اور خاموشی سے دنےا چھوڑ گےا ےہ بات بےورو چےف محمد امجد بٹ نے اٹلی سے بےورو آفس جہلم مےں عدنان شاہد مرحو م کی برسی کے حوالے سے منعقدہ محفل درود پاک وفاتحہ خوانی سے ٹےلی فونک گفتگو کرتے ہوئے کہی،محمد امجد بٹ نے کہا کہ ہم نے جب سے خبرےں کو جوائن کےا ضیا ءشاہد کی شفقت کے ساتھ ساتھ عدنان شاہد کی متحرک قےادت نصےب ہوئی جس کے دوران خبرےں اپنے لوگو جہاں ظلم وہاں خبرےں کے اےجنڈے کے تحت کرپٹ عناصر کو بھر پور طرےقے سے بے نقاب کےا عدنان شاہد بطور صحافی تو بے مثال تھے ہی لےکن بطور سماجی کارکن ان کی خدمات بلاشبہ ےاد رکھنے کے قابل ہیں اور ہمےشہ ےاد رکھی جائیں گی ۔ انجینئر حافظ سرفراز احمد نے کہا کہ نامور صحافےوں کے خاندانوں مےں بہت کم اےسے سپوت سامنے آئے جےسے سپوت عدنان شاہد تھے ہم ان کی بخشش اور مغفرت کےلئے دعا گو ہیں ۔بےورو آفس جہلم مےں مےنجر آفس اصغر مرزا کی زےر نگرانی محفل قرآن خوانی و فاتحہ خوانی کا انعقاد کےا گےا جس مےں درجنوں افراد نے شرکت کی اور مرحوم عدنان شاہد کے اےصال ثواب کےلئے محفل درود شرےف کے بعد صغیر احمد نقشبندی نے دعائے مغفرت کی، محفل مےں سےنئر کےمرہ مےن محمد افضل راجہ، شےخ عاطف ، حافظ سرفراز احمد ، تنوےر گجر، امان اللہ بٹ ، خواجہ خالد مسعود ، اور دےگر نے شرکت کی ۔ پاکپتن ،خبرےں مےڈےا گروپ کے چےف اےگزےکٹو ضےاءشاہد کے بےٹے اےڈےٹر خبرےں سی،ای،او چےنل فائےو امتنان شاہد کے بڑے بانی اےڈےٹر دی پوسٹ عدنان شاہد مرحوم کی 11وےں برسی کے موقع پر دربار حضرت سخی غلام قادر المعروف چن پےر پر سجادہ نشےن سےد حسن رضا گےلانی اور نمائندہ خبرےں ملک محمد علی کی طرف سے قرآن خوانی کا اہتمام کےا گےا قرآن خوانی کے بعد عدنان شاہد مرحوم کے اےصال ثواب کے لےے دُعا مانگی گئی کہ اللہ تعالیٰ مرحوم کو جنت الفردوس مےں جگہ عطاءفرمائے۔آمےن پاکپتن، صوبائی وزےر مال پنجاب مےاں عطا محمد مانےکا ، صوبائی وزےر لٹرےسی پنجاب ڈاکٹر فرخ جاوےد ، صوبائی پارلےمانی سےکرٹری لےبر اےنڈ ہےومن رےسورس اےم پی اے مےاں نوےد علی نے بانی اےڈےٹر دی پوسٹ عدنان شاہد کی 11وےں برسی کے موقع پر انہےں خراج تحسےن پےش کےا ہے اور کہا ہے کہ عدنان شاہد مرحوم نے کم عمری مےں صحافتی دُنےا مےں اپنی صلاحےتوں کا لوہا منواےا اور بہت نام پےدا کےا انہوں نے نہ صرف روزنامہ خبرےں کو بلندےوں کی طرف پہنچاےا بلکہ انگرےزی اخبار دی پوسٹ کا آغاز کر کے ادارہ کو نئی جدت دی ، انہوں نے کہا کہ عدنان شاہد کی موت اُن کے خاندان اور خبرےں کے کارکنوں کا نقصان نہےں بلکہ ملکی سطح پر صحافتی شعبہ کا نقصان ہے اور موجودہ صورت حال مےں جو صحافت ہو رہی ہے اس مےں عدنان شاہد مرحوم جےسے لوگوں کی ملک کو بہت ضرورت ہے، کےونکہ امتنان شاہد مرحوم نے اپنے والد ضےاءشاہد سے سچ کا جو سبق سےکھا تھا اُسے عدنان شاہد نے پروان چڑھاےا اور صحافت کو درست سمت مےں جدےد تقاضوں کےمطابق روشناس کراےا، عدنان شاہد کی کمی ہمےشہ محسوس کی جائے گی، اللہ تعالیٰ سے دُعا ہے کہ اللہ تعالیٰ اُنہےں جنت کے گوشوں مےں جگہ عطا فرمائے۔

لاہور (مانیٹرنگ ڈیسک) چینل ۵ کے تجزیوں اور تبصروں پر مشتمل پروگرام ضیا شاہد کے ساتھ میں گفتگو کرتے ہوئے معروف صحافی و تجزیہ کار ضیا شاہد نے کہا ہے کہ ایم کیو ایم کی رابطہ کمیٹی کے پاس اصل اختیارات ہیں، بالکل اس طرح جیسے پارلیمنٹ کے منتخب ارکان کے پاس اصل طاقت ہوتی ہے وہ جسے چن لیتے ہیں وہ چیف ایگزیکٹو بن جاتا ہے۔ ایم کیو ایم کے وکلاءحضرات کا کہنا یہ ہے کہ آئین اور قانون اس کی اجازت نہیں دیتا کہ کنوینر فیصلہ کرے۔ کنوینر صرف اجلاس بلاتا ہے اور کارروائی بڑھاتا ہے لہٰذا کنوینر کو تمام اختیارات نہیں دیے جا سکتے۔ لہٰذا رابطہ کمیٹی نے اپنے ارکان کے کاغذات علیحدہ جمع کروائے اور کہا کہ فاروق ستار کے فیصلے کو عدالت میں چیلنج کریں گے۔ رابطہ کمیٹی کا یہ اعلان کہ انہوں نے فاروق ستار سے اختیارات واپس لے لئے ہیں اب ساری لڑائی سامنے آ گئی ہے۔ اس کا فیصلہ بہت جلد ہو جائے گا کیونکہ میٹنگ سے تمام نتائج سامنے آ جائیں گے۔ الیکشن کمیشن کے پاس یہ اختیارات نہیں ہیں کہ فیصلہ کرے کہ کنوینر اپنے نمائندے مقرر کرے یا رابطہ کمیٹی۔ سندھ اسمبلی کے ارکان، الیکٹرول کالج ہے۔ وہ جس کو چاہیں گے اسے ووٹ دے دیں گے مجھے لگتا ہے کہ اس جھگڑے کا فیصلہ بھی عدالت میں ہو گا۔ ہارنے والا تو ضرور عدالت سے رجوع کرے گا۔ سینٹ کے الیکشن کا طریقہ کار یہی ہے کہ پارٹیاں اپنی عددی تعداد کی بنیاد پر ارکان کو سلیکٹ کرتی ہیں۔ سندھ اسمبلی میں جو بھی ایم کیو ایم کارکن ہارے گا وہ عدالت میں جائے گا کہ جس فورم نے مجھے ٹکٹ دیا اس کو یہ حق حاصل ہی نہیں تھا۔ سابق وزیراعظم، ہزارہ میں جلسے کے دوران علاقے کے لئے فنڈ کا اعلان کر ڈالا عدالت نے انہیں بلا لیا کہ جناب اس فنڈ کے اختیارات صرف کابینہ کے مجوزہ ارکان ہی کر سکتے ہیں۔ اس کے لئے آئین کے الفاظ یہ ہوتے ہیں ”وزیراعظم اور اس کی کابینہ“ کابینہ کی موجودگی میں وزیراعظم جو فیصلہ کرتا ہے اسے درست تسلیم کیا جاتا ہے جلسوں میں اعلان کردہ فنڈز کو کابینہ سے ہی منظور کروانا پڑتاہے۔ ایم کیو ایم کی رابطہ کمیٹی نے کنوینر کو اختیارات دیئے ہیں اگر کمیٹی نیچے سے نکل جائے تو کنوینر کے پاس کیا اختیار بچتا ہے۔ پاک سرزمین پارٹی اس بات کی علامتت ہے کہ ایم کیو ایم ٹکٹڑوں میں تقسیم ہو چکی ایک ایم کیو ایم لندن ہے جس کا سربراہ الطاف حسین ہے جس کے متعلق لاہور ہائیکورٹ نے فیصلہ دے رکھا ہے کہ اس کی تقریر اس کا نام، اس کا بیان جاری نہیں کیا جا سکتا، ویسے لوگوں نے اس فیصلے پر سکھ کا سانس کیا۔ کیونکہ 5,4گھنٹے کی تقریر سے لوگ بہت پریشان ہوئے تھے، اور جو چینل اس کی تقریر نہیں دکھا سکتا اس پر کچاری میں بلوا ہو جانا تھا اور اس چینل میں توڑ پھوڑ اور بُرا حال برپا کردیتے تھے میڈیا مالکان کو کچھ اطمینان ہوا۔ لیکن جب الطیف حسین نے اسرائیل کو ”را“ کو بلایا تو یہ بغاوت کےزمرے میں آ گئی۔ آرٹیکل 6 کے تحت اس کی سزا موت ہے۔ الطاف حسین کی موجودگی میں بھی فاروق ستار کنوینر ہوا کرتے تھے۔ اب ایک ایم کیو ایم لندن میں دوسری ایم کیو ایم فاروق ستار اور ایک ایم کیو ایم باغی یعنی پاک سرزمین پارٹی جس کے سربراہ مصطفی کمال اب چوتھی ایم کیو ایم سامنے آ گئی ہے۔ فاروق ستار اور مصطفی کمال کی مشترکہ کانفرنس سے ایسا لگتا تھا کہ اب ایم کیو ایم کے دھڑے آپس میں مل جائیں گے لیکن اگلے ہی دن اس کانفرنس کا دھڑن تختہ ہو گیا۔ ایم کیو ایم کا ایک بڑا حصہ ناراض ہو کر گھر میں بیٹھ گیا۔ اب اگر موجودہ جھگڑا جو فاروق ستار اور رابطہ کمیٹی کا سامنے آیا ہے اگر یہ حل نہ ہوا تو ایم کیو ایک چوتھی بھی بن جائے گی۔ اسحاق ڈار کو کورٹ نے نااہل قرار دیا۔ اور ان کے خلاف نیب میں ریفرنس کھلے ہوئے ہیں۔ جے آئی ٹی کی رپورٹیں بھی ان کے متعلق آ چکی ہیں۔ مقدمہ کورٹ میں ہے مسلم لیگ (ن) نے انہیں نامزد کر دیا ہے۔ سینٹ کی سیٹ کے لئے یقینا انہیں ووٹ بھی مل جائیں گے اگر وہ سنیٹر بن جاتے ہیں تو ان کے خلاف کیسز ہوں گے جو شخص پارلیمنٹ کے لئے نااہل ہو وہ سینٹ کے لئے اہل نہیں ہو سکتا۔ اس قسم کی دو تین اور بھی کیسز موجود ہیں دیکھنے میں عدالت کیا فیصلہ کرتی ہے۔ شیخ رشید پرجوش انسان ہیں۔ حدیبیہ کیس بھی انہوں نے شروع کیا اور کہا کہ اب شہباز شریف کا پتا صاف۔ لیکن عدالت نے شہباز شریف کے حق میں فیصلہ دے دیا۔ ایل این جی کے معاہدے کے وقت بھی شیخ رشید کی جانب سے یہ الزامات سامنے آئے تھے کہ ہم نے قطر سے مہنگی ترین ایل این جی خریدی ہے جبکہ سستی گیس مل سکتی تھی۔ ایل این جی کیس اس لئے اہم ہے کہ شاہد خاقان عباسی جو کہ وزیراعظم پاکستان ہیں۔ ان کے خلاف یہ پہلا کیس ہے جو عدالت میں آ رہا ہے۔ اب اس کیس میں اگر انہیں سزا ہو جاتی ہے یا نااہلی ہو جاتی ہے تو وزارت عظمیٰ تو گئی۔ شیخ رشید پرامید لیکن ابھی تک انہیں معاہدے کی کاپی نہیں مل رہی۔ مسلم لیگ (ن) کے بہت سارے لیڈروں کے خلاف کیس سامنے آئے ہیں۔ خواجہ سعد رفیق، شاہد خاقان عباسی، خواجہ آصف کے خلاف کیسز سامنے آ چکے ہیں۔ جس طرح مسلم لیگ (ن) کے لیڈر شپ جلسوں میں اعلانات کر رہے ہیں کہ ووٹ ان کے حق میں فیصلہ کرے گا۔ اس کا مطلب ہے انہیں عدالت میں جانے کیلئے کچھ نہیں مل سکا۔ زینب قتل کیس میں صفائی کے وکیل نے جو اعتراضات اٹھائے ہیں وہ بہت سنجیدہ ہیں نمبر ایک یہ کہ یہ وہ آدمی ہی نہیں جس نے قتل کیا۔ دوسرا ڈی این اے ٹیسٹ کرانے والے کو امریکہ سے نکال دیا گیا تھا۔ اس کی اہلیت ہی درست نہیں۔ لہٰذا اس سارے معاملے میں اصل ملزم ابھی تک چھپا ہوا ہے۔ سپریم کورٹ نے ڈاکٹر شاہد مسعود کو بلایا تتھا۔ اور پوچھا تھا کہ عمران علی کے اکاﺅنٹ کے بارے تفاصیل دیں۔ کیونکہ اسٹیٹ بینک نے اس کا اکاﺅنٹس کی تردید کر دی ہے۔ شاہد مسعود نے معافی مانگنے کی بجائے اس پراسٹینڈ لینے کا عندیہ دیا۔ ڈاکٹر شاہد نے کہا کہ پنجاب حکومت کی بنائی ہوئی جے آئی ٹی کے سامنے پیش نہیں ہوں گا میری موجودگی میں چیف جسٹس نے شاہد مسعود سےے سوالات کے لئے۔ ڈاکٹر صاحب نے کہا کہ انہیں پنجاب حکومتت کی تحقیقات پر اعتماد نہیں ہے وہ زور دیتے رہے کہ تحقیقات کی جائیں کیونکہ یہ اصل ملزمان تک پہنچنے بچائی جا رہی ہے۔ بااثر لوگ ملزموں کے پیچھے ہیں۔ سپریم کورٹ نے جے آئی ٹی بنادی ہے۔ اس کی طرف سے نوٹس موجود ہو چکے ہیں اس کا سربراہ ایف آئی اے کے ڈی جی کو بنایا گیا ہے اور ایڈیشنل ڈی جی کو اور ایک ایم آئی او ایک آئی ایس آئی کا رکن شامل ہے۔ ڈاکٹر شاہد مسعود بتا رہے تھے ایک دو دنوں میں اس کی سماعت شروع ہونے والی ہے حکومت پنجاب نے اچھا فیصلہ کیا کہ اس کیس کی سماعت جیل میں ہو گی۔ روزانہ خدشہ تھا ک لوگ اس پر حملہ کر کے اسے ہلا کر نہ کر دیں۔ جب ہم جیل میں تھے۔ بھٹو دور میں تو اس وقت بھی سپیشل سماعت جیل میں ہی ہوا کرتی تھی۔ ہم اس میں پیش ہوا کرتے تھے۔ ماہر قانون، ایس ایم ظفر نے کہا ہے کہ پارٹی کنوینر مقرر کرنے کا مقصد یہ ہے کہ پارٹی متحد رہے۔ لیکن اب ایم کیو ایم میں انتشار آ چکا ہے۔ اب تین دھڑے واضح نظر آ رہے ہیں ایک ایم کیو ایم لندن ہے دوسری ایم کیو ایم فاروق ستار اور تیسری ایم کیو ایم رابطہ کمیٹی۔ اب یہ طے کرنا ہوتا کہ لیڈر شپ کون سنبھالے گا۔ کنوینر رابطہ کمیٹی کے مشورے کے بغیر فیصلے نہیں کر سکتا۔ اب ملک میں روایت چل پڑی ہے کہ ہم اپنے سیاسی معاملات عدالتوں میں لے کر جا رہے ہیں۔ میرا مشورہ ہو گا کہ عدالت اس میں ہاتھ نہ ڈالے اور پارٹیوں کو خود مسائل حل کرنے دے۔ پہلے ہی عدالت مشکل میں پھنسی ہوئی ہے کہ اور اسے اپنے فیصلوں کے بارے وضاحتیں دینی پڑ رہی ہیں جو آج ک نہیں ہوا تھا فاروق ستار نے جو نمائندے منتخب کئے ہیں وہ اپنے کاغذات جمع کروائیں گے اور رابطہ کمیٹی کے نمائندے اپنے کاغذات داخل کرے گی۔ جس کے منظور ہو جائیں گے وہ الیکشن میں حصہ لے سکے گا۔ اسمبلی فیصلہ کرے گی کہ وہ کس کو ترجیح دیتے ہیں۔

اسلام آباد(مانیٹرنگ ڈیسک)نیب نے نوازشریف کو آج راولپنڈی آفس طلب کرلیا، نوازشریف سے ضمنی ریفرنس فلیگ شپ پر بیان لیا جائیگا، نجی ٹی وی کے مطابق نیب راولپنڈی نے نوازشریف کیخلاف ضمنی ریفرنس دائر کرنیکا فیصلہ کرلیا، ضمنی ریفرنس العزیزیہ اور فلیگ شپ کیس میں اگلے ہفتے دائر کئے جائینگے، نوازشریف کیخلاف لندن فلیٹس کیس میں ضمنی ریفرنس پہلے ہی دائر ہے ، نیب نے برطانیہ سے حاصل شواہد کی بنیاد ضمنی ریفرنس دائر کرنے کا فیصلہ کیا، ضمنی ریفرنس میں نوازشریف کیخلاف نئے گواہوں کے بیانات قلمبند ہونگے، نوازشریف کی طلبی کا نوٹس لاہور رہائشگاہ بھجوایاگیا، ذرائع کے مطابق نوازشریف نے نیب راولپنڈی کے سامنے پیش نہ ہونے کا فیصلہ کیا ہے۔ذرائع کے مطابق نواز شریف نے نیب راولپنڈی میں پیش نہ ہونے کا فیصلہ کرتے ہوئے مو¿قف اختیار کیا ہے کہ معاملہ عدالت میں ہے، وہیں پر صفائی پیش کرونگا۔

لاہور (خصوصی رپورٹ) سینٹ انتخابات میں مسلم لیگ ن کو پنجاب سے 12 میں سے 11 امیدواروں کی جت کا امکان ہے۔ مسلم لیگ (ن) تمام نشستوں پر کامیابی کیلئے پرامید ہے اور اس کامیابی کو یقینی بنانے کیلئے حکمت عملی تیار کرلی گئی ہے۔ پنجاب سے سینٹ کے 12نئے اراکین کے چناﺅ کیلئے تین مارچ کو پنجاب اسمبلی میں میدان لگے گا۔ پاکستان مسلم لیگ ن، پاکستان تحریک انصاف، مسلم لیگ ق اور پاکستان پیپلزپارٹی نے 34 امیدواروں کو انتخابی میدان میں اتارا ہے۔ طاہر احمد سندھو کے انتقال، نظام الدین سیالوی اور رضا گھمن کے استعفوں سے پنجاب اسمبلی میں تین نشستیں خالی ہیں۔ اس وقت پنجاب اسمبلی میں مسلم لیگ ن کو ایوان میں بھاری اکثریت حاصل ہے جبکہ پاکستان تحریک انصاف، پیپلزپارٹی اور مسلم لیگ (ق) مشترکہ امیدوار سامنے لا کر سینٹ کی ایک جنرل نشست بآسانی حاصل کرسکتے ہیں۔ اس حوالے سے تینو اپوزیشن جماعتوں کے سینٹ کا مشترکہ امیدوار سامنے لانے کیلئے مذاکرات جاری ہیں تاہم ابھی تک کوئی پیش رفت نہیں ہوئی۔ پی ٹی آئی نے چودھری محمد سرور، پاکستان مسلم لیگ ق نے کامل علی آغا اور پیپلزپارٹی نے نوابزادہ شہزاد کو جنرل نشست پر امیدوار کھڑا کیا ہے۔ جبکہ پاکستان تحریک انصاف نے خواتین نشست پر عندلیب عباسی اور پیپلزپارٹی نے حنا ربانی کھر نے کاغذات نامزدگی داخل کرائے ہیں۔ پنجاب اسبلی کے ایوان میں جنرل نشست پر 46 خواتین اور ٹیکنوکریٹ نشست کیلئے 184 ووٹ درکار ہیں۔ صوبائی وزیر اپنے سینٹ کے امیدواروں کے ووٹرز کی نگرانی کریں گے سینٹ کے انتخاب کی نگرانی کیلئے وزیراعلیٰ پنجاب کے صاحبزادے میاں حمزہ شہباز اور وزیرقانون و پارلیمانی امور رانا ثناءاللہ کو مامور کیا گیا ہے۔ 7 صوبائی وزراءجنرل نشستوں کے امیدوار،2 صوبائی وزراءخواتین، 2 صوبائی وزراءخواتین، دو صوبائی وزراءٹیکنوکریٹ اور ایک صوبائی وزیر اقلیتی امیدوار کی انتخابی مہم کے نگران ہونگے۔ جن وزراءکی سربراہی میں سینٹ کے امیدواروں کی انتخابی مہم کیلئے ٹیمیں تشکیل دی جا رہی ہیں ان میں رانا ثناءاللہ، راجہ اشفاق سرور، خلیل طاہر ، تنویر اسلم ملک، رانا مشہود، بلال یاسین، ندیم کامران، بیگم ذکیہ شاہنواز، خواجہ سلمان رفیق، زعیم قادری، شبیر علی خان، شیخ علاﺅ الدین اور خواجہ عمران شامل ہیں۔