واشنگٹن (نیٹ نیوز) امریکی جریدے فارن پالیسی میں شائع ہونے والی رپورٹ میں انکشاف کیا گیا ہے کہ امریکا پاکستان کا اہم غیر نیٹو اتحادی کا درجہ ختم کرنے پر غور کر رہا ہے۔رپورٹ میں انکشاف کیا گیا ہے کہ امریکا پاکستان پر سیاسی پابندیاں لگاسکتا ہے جبکہ عارضی طور پر روکی گئی فوجی امداد بھی مستقل بند کی جاسکتی ہے۔ٹرمپ انتظامیہ نے بعض پاکستانی سرکاری اہل کاروں پر ویزے کی پابندیاں لگانے پر بھی غور شروع کردیا۔فارن پالیسی نے سینیئر امریکی اہل کاروں کا حوالہ دیتے ہوئے لکھا کہ دو ماہ پہلے فوجی امداد روکے جانے کے باوجود پاکستان اپنی سرزمین پر افغان شدت پسندوں کے خلاف کارروائی میں ناکام رہا ہے۔اہلکاروں کے مطابق امریکا خطے میں اپنے مفادات اور اہل کاروں کے تحفظ کے لیے جو ضروری سمجھتا ہے وہ کرنے کے لیے تیار ہے۔
