کاہنہ (نمائندہ خبریں) کاہنہ گھریلو ناچاقی پر خاوند نے تشدد کے بعد کرنٹ لگا کر بیوی کو قتل کر دیا پولیس نے شوہر کو گرفتار کر کے نعش پوسٹمارٹم کیلئے مردہ خانے منتقل ردی۔ تفصیلات کے مطابق کاہنہ کے علاقہ دھلوکی گاﺅں کے رہائشی اشرف نے اپنی بیوی نسرین کو گھریلوناچاقی پر ہونیوالے جھگڑے کے دوران تشدد کے بعد کرنٹ لگا کر موت کے گھاٹ اتار دیا بتایا گیا ہے کہ دونوں میاں بیوی کے مابین جھگڑا رہنا معمول بنا ہوا تھا چند روز قبل بھی نسرین اپنے خاوند سے جھگڑ کر گھر سے گئی جسے بعد ازاں گاﺅںکی پنچائیت اسے منا کر واپس لے آئی اور گزشتہ روز دوبارہ انکے درمیان جھگڑا ہواتو اس دوران اشرف نے تعیش میں آکر پہلے نسرین پر تشدد کیا اور بعد میں گردن پر کرنٹ لگا کر قتل کردیا، اطلاع ملنے پر پولیس موقع پر پہنچی گئی اور نعش تحویل میں لے کر پوسٹمارٹم کیلئے مردہ خانے میں منتقل کردی اور اشرف کو حراست میں لے کر تھانے میں منتقل کردیا گیا، پولیس کا کہنا ہے کہ پوسٹمارٹم رپورٹ آنے کے بعد موت کی اصل وجوہات سامنے آئیں گی۔
