نوبیل انعام حاصل کرنے والی پاکستانی طالبہ ملالہ یوسفزئی اور سابق کرکٹ کپتان عمران خان نے 2018 میں دنیا میں سب سے زیادہ سراہے جانے والے افراد کی فہرست میں جگہ بنالی۔
برطانوی نیوز ویب سائٹ یوگو کی سالانہ جائزہ رپورٹ کے مطابق ملالہ یوسفزئی اس فہرست میں ساتویں نمبر پر جگہ بنانے میں کامیاب رہیں جب کہ عمران خان 20 ویں نمبر پر براجمان ہیں۔
یہ فہرست مجموعی طور پر 20 خواتین اور 20 مرد حضرات پر مشتمل ہے، جس کے نتائج کے لیے 35 ممالک کے 37 ہزار افراد سے آن لائن انٹرویو کیا گیا۔
