راولپنڈی (ویب ڈیسک) آرمی چیف جنرل قمر جاوید باجوہ نے کہا ہے کہ ملک میں امن و استحکام غازیوں اورشہدا کا مرہون منت ہے۔راولپنڈی جنرل ہیڈ کوارٹرز میں تقسیم اعزازات کی تقریب ہوئی جس کے مہمان خصوصی آرمی چیف جنرل قمر جاوید باجوہ تھے، تقریب میں عسکری حکام، غازیوں اور شہدا کے لواحقین نے شرکت کی۔آرمی چیف جنرل قمر جاوید باجوہ نے شہدا کو خراج عقیدت پیش کیا۔آئی ایس پی آر کے مطابق تقریب میں 32 افسران کو ستارہ امتیاز ملٹری سے نوازا گیا، چار افسران اور جوانوں کو یو این میڈل دیا گیا، دو افسران کو تمغہ جرات، 33 افسران اور جوانوں کو تمغہ بسالت دیا گیا۔آئی ایس پی آر کے مطابق شہدا کے اعزازات ان کے لواحقین نے وصول کیے۔
