جودھ پور (شوبز ڈیسک) کالے ہرن کے شکار کیس میں ضمانت پر رہائی پانے والے بالی وڈ سپر سٹار سلمان خان کو عدالت نے فلم کی شوٹنگ کےلئے بیرون ملک جانے کی اجازت دےدی، بھارتی میڈیا کے مطابق سلمان خان نے جودھ پور کی سیشن عدالت میں فلم کی شوٹنگ کے سلسلے میں بیرون ملک جانے کی اجازت کےلئے درخواست دائر کی تھی، عدالت نے سلمان خان کی درخواست منظور کرتے ہوئے انہیں 25 مئی سے 10 جون تک بیرون ملک جانے کی اجازت دےدی، اداکار اپنی نئی آنے والی فلم کی شوٹنگ کے سلسلے میں کینیڈا، نیپال اور امریکا جائیں گے۔
