لاہور (نمائندہ خصوصی) آصف علی زرداری پورا ’ٹبر‘ لے کر لاہور پہنچ گئے وہ گزشتہ ہفتہ دس روزہ قیام کے بعد تین دن کے لئے اسلام آباد گئے تھے گزشتہ رات آصف علی زرداری اپنی دوسری نشست میں مسلم لیگ (ن)، مسلم لیگ (ق) اور تحریک انصاف کے ممبران قومی و صوبائی اسمبلی اور رہنماﺅں سے ملاقاتیں کریں گے اور مبینہ طور پر پارٹی میں شمولیت پر ان کو خوش آمدید کہیں گے۔ آصف علی زرداری نے 2018ءکے الیکشن میں الیکشن مہم چلانے کے لئے بلاول ہاﺅس لاہور بحریہ ٹاﺅن کو مرکز قرار دیا ہے جہاں سے انہوں نے تیر کے دریعے شیروں کا شکار کرنے کی ٹھانی ہے وہ سارا کچھ پنجاب میں حکومت بنانے کے دعوے کے پیش نظر کر رہے ہیں۔ انہوں نے مشاورت کے لئے بلاول بھٹو زرداری، بختاور بھٹو زرداری اور آصفہ بھٹو زرداری کو بھی لاہور طلب کر لیا ہے تا کہ پیپلزپارٹی میں نئے شامل ہونے والے لیڈران کو گرین سگنل دیا جا سکے اور 2018ءکے الیکشن کے ذریعے انہیں ان کے آبائی علاقوں سے پارٹی ٹکٹ تقسیم کرنے کے لئے فوری فیصلہ کیا جائے ذرائع نے یہ بھی بتایا ہے کہ آصف علی زرداری نے گزشتہ ہفتہ اپنے قیام کے دوران قمر الزمان کائرہ، عزیز الرحمن چن، چودھری محمد اسلم گل اور ثمینہ خالد گھرکی کے ذریعے مختلف سیاسی پارٹیو ںکے رہنماﺅں اور قومی و صوبائی کے ممبران سے رابطہ کرنے کا جو ٹاسک دیا تھا اس میں رنگ بھرنے کے لئے بلاول ہاﺅس کے دروازے کھول دیئے گئے ہیں ملاققاتوں کا سلسلہ گزشتہ روز بھی جاری رہا بلاول بھٹو زرداری آج ملتان جائیں گے جبکہ باقی پوری فیملی اپنی شٹل ڈپلومیسی 2 کو پورا کرنے کے لئے لاہور میں مزید قیام کرے گی۔
