اسلام آباد ( آن لائن ) پاکستان میں دوسری مرتبہ جمہوری حکومت کی منتقلی ، عمران خان کو بین الاقوامی برادری نے آئندہ الیکشن کے لیے فیورٹ قراردے دیا۔ اسلام آبادمیں تعینات بیرونی ممالک کے سفارت کار وں نے اپنے حکام کو بدلتی ہوئی صورتحال سے مطلع کررہے ہیں۔ جولائی 25کو ہونے والے الیکشن پر دنیا کی نظریں جم گئیں۔سال 2013ءمیں پہلی مرتبہ منتخب جمہوری حکومت سے مسلم لیگ (ن) کو اقتدار منتقل کیا گیا۔ مسلم لیگ (ن ) نے گزشتہ الیکشن میں واضع برتری حاصل کی ، مگر سابق وزیر اعظم محمد نوازشریف کونااہل قرار دیے جانے کے بعد شاہد خاقان عباسی نے حکومت سنبھالی۔ گزشتہ پانچ سال کے دوران مسلم لیگ (ن) کی حکومت مختلف مشکلات کا شکار رہی۔ نوازشریف نے سپریم کورٹ کے حکم پر حکومت سے برطرف ہونے کے بعد عدلیہ ااور اسٹیبلشمنٹ کو تنقیدکا نشانہ بنایا ۔ تاہم حکومت نے ضمنی انتخابات میں ملک بھر میں متعدد نشستیں حاصل کیں۔صد رپاکستان ممنون حسین کی جانب سے 25جولائی کو الیکشن کے مسودے پر دستخط کرنے کے بعد پاکستان تحریک انصاف آئندہ حکومت کرنے کیلئے پلاننگ کرنے میں مصروف ہوچکی ہے۔
