لاہور(مانیٹرنگ ڈیسک) سپورٹس جرنلسٹ منور حسین نے کہا ہے کہ سرفراز ضرورت سے زیادہ پراعتماد ہوگئے ہیں ، چینل ۵ کے پروگرام ”گگلی“ سے گفتگو کرتے ہوئے انہوں نے کہا کہ انگلینڈ کو نفسیاتی طور پر پریشرائز کرنے کا اچھا موقع تھا لیکن غلط ٹاسک سلیکشن کے سبب پاکستانی ٹیم خود انڈر پریشر ہوگئی ہے ، ٹیم کو آگے جانے کیلئے اچھی شاٹ سلیکشن کی ضرورت ہے ، اسد اور حارث اچھا کھیل رہے ہیں ، پاکستان اور ایشیا ئی ٹیمز کیلئے ہمیشہ لارڈز کی پچز فائدہ مند ثابت ہوئی ہیں، کھلاڑیوں کی عمر کو مد نظر رکھتے ہوئے ان کو کھلانا چاہئے ، مصباح الحق کی مثال سامنے ہے ، 17میں سے 11میچ ہار کر ساتویں نمبر پر آگئے ہیں ، سیاست اور کھیل ایک ہی طرح سے چل رہے ہیں ۔سابق فرسٹ کلاس کرکٹر طاہر شاہ نے کہا ہے کہ امام الحق کھیل کے دوران اپنی باڈی کا اچھی پوزیشن میں رکھتے ہیں، اظہر علی کا ٹور ناکام گیا ہے ، ان کی ہاف سنچری بھی خاص نہیں تھی ، لیکن اسکے سبب میچ جیتنے کی وجہ سے بہت سی خامیاں چھپ گئیں ، اظہر علی کو بہت محنت کرنے کی ضرورت ہے ، اچھے کھلاڑیوں کو آگے آنے کا موقع دینا چاہئے ، ٹیم کی تبدیلی کیلئے تمام سینئر کھلاڑیوں سے مشورہ ضروری ہے ، اس طرح سے احساس کمتری کم اور حوصلہ افزائی زیادہ ہوتی ہے ۔
