اسلام آباد (مانیٹرنگ ڈیسک) عید الفطر سے پہلے نگران حکومت نے پٹرولیم مصنوعات کی قیمتوں میں اضافہ کردیا، میڈیا رپورٹس کے مطابق پٹرولیم مصنوعات کی نئی قیمتوں کا اطلاق گذشتہ رات 12بجے سے ہوگا، پٹرول کی قیمت میں 4روپے فی لٹر اضافہ ہوگیا ہے ، جس کے بعد پٹرول کی نئی قیمت 91روپے 96پیسے مقرر ہوگئی ہے، ڈیزل کی قیمت میں 6روپے 55پیسے فی لٹر اضافہ ہوا ہے جس کے بعد اس کی فی لٹر قیمت 105روپے 31پیسے مقرر ہوگئی ہے ، مٹی کے تیل کی قیمت میں 4روپے 46پیسے فی لٹر اضافہ ہوا ہے اور اسکی نئی قیمت 84روپے 34پیسے ہوگئی ، لائٹ سپیڈ ڈیزل کی قیمت 6روپے 14پیسے فی لٹر بڑھ گئی جس کے بعد اسکی نئی قیمت 74روپے 99پیسے ہوگئی ہے، پٹرولیم مصنوعات کی قیمتیں 12جون سے 30جون تک بڑھائی گئی ہیں۔
