لاہور (خصوصی رپورٹ) بھارتی فورسز کی نہتے کشمیریوں پر فائرنگ اور ورکنگ باﺅنڈری پر بلااشتعال گولہ باری کے مسلسل واقعات کے بعد پاکستان اور بھارت کی سرحدی فورسز کے مابین عید کے موقع پر روایتی مٹھائی کا تبادلہ نہیں ہو سکا۔ پاکستان اور بھارت کی سرحدی فورسز پاکستان رینجرز اور بی ایس ایف کے مابین عید‘ بیساکھی اور دونوں ملکوں کے قومی تہواروں پر ایک دوسرے کو خیرسگالی کے طور پر مٹھائی کا تحفہ دیا جاتا ہے لیکن اس بار ورکنگ باﺅنڈری اور کنٹرول لائن پر کشیدہ صورتحال‘ بی ایس ایف کی طرف سے سیزفائر معاہدے کی مسلسل خلاف ورزیوں اور اس کے نتیجے میں بیگناہ پاکستانی شہریوں کی شہادت کے باعث پاکستان اور بھارت کے مشترکہ واہگہ اٹاری بارڈر پر روایتی مٹھائی کا تبادلہ نہیں کیا گیا۔
.
