لاہور (ویب ڈیسک ) وزیراعلیٰ پنجاب عثمان بزدار نے کہاہے کہ پولیس کو اب عوام کا خادم بننا ہو گا ، پولیس کے رویے میں تبدیلی ہر قیمت پر لائیں گے۔ وزیراعلیٰ پنجاب عثمان بزدار سے ڈی جی خان عمائدین کے وفد نے ملاقات کی جس میں انہوں نے عثمان بزدار کو عہدہ سنبھالنے پر مبارک باد دی۔ ملاقات میں گفتگو کرتے ہوئے عثمان بزدار کا کہناتھا کہ تبدیلی لوگوں کے بہترمستقبل کیلئے آئی ہے، حقیقی تبدیلی کیلئے شب وروزمحنت کرناہوگی، جنوبی پنجاب کے عوام کوان کے حقوق ملیں گے، جرائم کے خاتمے کیلئے ٹھوس اقدامات کیے جائیں گے، پولیس کواب عوام کاخادم بنناہوگا،پولیس کے رویے میں تبدیلی ہرقیمت پرلائیں گے۔
