اسلام آباد:(ویب ڈیسک)وفاقی حکومت نے اعلیٰ سطح کی بیوروکریسی میں محکموں اور عہدوں میں ردوبدل کرتے ہوئے پرانے چہروں کو ہی نئی ذمہ داریاں سونپ دیں۔اس ضمن میں اسٹیبلشمنٹ ڈویڑن کی جانب سے جاری کردہ نوٹِفکیشن کے مطابق پاکستان ایڈمنسٹریٹو سروس (پی اے ایس) میں تعینات 22 گریڈ کے افسر اعجاز منیر جو سیکریٹری ایوی ایشن ڈویڑن تعینات تھے، کو اسٹیبلشمنٹ سیکریٹری مقرر کردیا گیا۔ ان کے ماتحت افسر اورنگزیب حق کے بارے میں فی الحال کوئی فیصلہ نہیں کیا گیا۔اس کے علاوہ اِن لینڈ ریونیو سروس کے افسر طارق محمود پاشا کا تبادلہ کرتے ہوئے انہیں وزارت شماریات سے وزارت کشمیر اور شمالی علاقہ جات (کے اے این اے) میں تعینات کردیا گیا۔انہی تبدیلیوں کے تحت وزارت کشمیر اور شمالی علاقہ جات میں تعینات 22 گریڈ کے افسر محمد ایوب شیخ کا تبادلہ کرتے ہوئے سیکریٹری شماریات ڈویڑن کا عہدہ دے دیا گیا۔ادھر پی اے ایس کے ایک اور 22 گریڈ کے افسر ثاقب عزیز جو کیپِٹل ایڈمنسٹریشن اینڈ ڈیولپمنٹ ڈویڑن کے سیکریٹری تھے انہیں ایوی ایشن سیکریٹری کے عہدے پر تعینات کردیا گیا۔دوسری جانب پی اے ایس کے ہی ایک اور افسرمحمد جلال سکندر سلطان کا وزارتِ پیٹرولیم سے تبادلہ کرتے ہوئے اسٹیٹ اینڈ فرنٹیئر ریجن ڈویڑن میں بطور سیکریٹری مقرر کردیا گیا۔اس کے علاوہ پی اے ایس کے گریڈ 21 کے افسر جو خصوصی ذمہ داری پر تعینات تھے، انہیں وزارت پیٹرولیم میں قائم مقام ایڈیشنل سیکریٹری بنادیا گیا۔ انہیں فیصلوں کے تحت خیبر پختونخوا حکومت میں اپنی ذمہ داریاں سر انجام دینے والے گریڈ 19 کے افسر محمد طارق کا تبادلہ کرتے ہوئے وزیراعظم ہاو¿س میں جوائنٹ سیکریٹری کا عہدہ دے دیا گیا۔
