لاہور(مانیٹرنگ ڈیسک)سینئر صحافی امجد اقبال نے کہا ہے کہ اورنج ٹرین پر چھ سے سات ماہ تک فیصلہ محفوظ رہا فیصلہ آنے کے بعد باقی حصے پر کام شروع کیا گیا۔چینل فائیو کے پروگرام کالم نگار میں گفتگو کرتے ہوئے انہوں نے کہا کہ شہباز شریف نے کوشش کی تھی اس منصوبے کو اپنے دور میں مکمل کر لیا جائے۔انڈر aگراﺅنڈ حصے کے باعث زیادہ تاخیر ہوئی۔سیاست اپنی جگہ لیکن اورنج لائن ایک قومی مفاد کا منصوبہ ہے۔انہوں نے کہا کہ اعتراز احسن ایک قد آور شخصیت ہیں۔میں سمجھتا ہوں ن لیگ دباﺅ کا شکار ہے جو اتفاق رائے نہیں ہونے دے رہی۔ایران اور امریکہ کے تعلقات کی بہتری میں اگر پاکستان کوئی کردار ادا کر سکتا ہے تو ضرور کرے۔کالم نگار توصیف احمد خان نے کہا ہے کہ بھاشا اور دیامر ڈیم جب بننا تھا تو پہلے پرویزمشرف نے جا کا اسکا افتتاح کیا اس کے بعد شوکت عزیز نے پھر یوسف رضا گیلانی نے اس کا افتتاح کیا پھر نواز شریف نے اس کا افتتاح کیا اب دیکھتے ہیں کون اس کا افتتاح کرتا ہے۔سب چاہتے ہیں اورنج لائن منصوبہ تکمیل تک پہنچے اس پر سینکڑوں ارب روپے خرچ ہو چکے ہیں۔ انہوں نے کہا کہ خورشید شاہ کی سمجھ نہیں آئی انہوں نے فواد چوہدری کی بات کا کیسے یقین کرلیا۔عمران خان مدینہ کی ریاست کی بات ایسے ہی نہیں کرتے مدینہ اور پاکستان کی ریاست اسلام کے نام پر بنے۔کالم نگارمیاں حبیب نے کہا کہ حکمرانوں کی سستی و کاہلی کی وجہ سے اربوں روپوں کے ہرجانے ہم ادا کر چکے ہیں۔اورنج لائن منصوبہ اس لئے تاخیر کا شکارہوا کیونکہ کمپنیوں کو پیسے اد ا نہیں کئے گئے۔عدلیہ بھی کہہ رہی ہے اس منصوبے کو جلد تعمیر کیا جائے۔حکومت بدل جائے تو منصوبے جاری رہنا چاہئیں۔انہوں نے کہا کہ فواد چوہدری ایک باصلاحیت شخص ہیں۔اپوزیشن کی ساری جماعتوں کو الٹابھی لٹکا لیں ان کا صدر نہیں آ سکتا۔ہم نے کافی عرصے ایران کو نظر انداز کیا جس کے باعث وہ بڑی حد تک بھارت کی جھولی میں چلا گیا۔ کالم نگار آغا باقر نے کہا ہے کہ اورنج لائن منصوبے کی تاخیر کی وجوہات بہت سی ہیں۔چلتے ہوئے کام میں رخنہ نہیں ڈالنا چاہئے۔منصوبوں پر عدالتوں سے سٹے لے لیا جاتا ہے۔میں سمجھتا ہوں عدلیہ نے نوٹس لے کر اچھا کام کیاہے۔انہوں نے کہا کہ اگر اپوزیشن اکٹھی ہوتی تو اعتزاز احسن صدر بن بھی سکتے تھے۔ان کے آنے سے چیک اینڈ بیلنس رہتا وہ اعلی پائے کے وکیل بھی ہیں۔ انہوں نے کہا کہ جوجمہوریت ہم چاہتے ہیں وہ پنپ نہیں رہی۔
