گگومنڈی(میاں ذوالفقارسے)سسرالیوں نے خاوندکی وفات کے دوسرے دن بہوپروحشیانہ تشددکرتےہوئے دومعذوبچوں سمیت گھرسے نکال دیا۔پٹرل چھڑک کرآگ لگانے کی کوشش۔بیوہ عدت میں ہی دربدر۔نواحی گاﺅں201۔ای بی کی رہائشی آسیہ پروین کاخاوندریٹائرڈفوجی محمدعارف ٹرووالے دن فوت ہوگیاتھا۔ساس،دیور،ننداورسوتیلے بیٹوں نے بیوہ کوعدت کے دوران ہی گھرسے نکال کرمکان پرقبضہ کرلیا۔متاثرہ خاتون کی فون کال پرخبریں ٹیم مددکو پہنچ گئی۔ریٹائرڈفوجی کی بیوہ نے چیف جسٹس ،چیف آف آرمی سٹاف اورڈی پی اووہاڑی سے تحفظ فراہم کرتے ہوئے اسے اوراس کے بچوں کوان کاحق دلوانے کامطالبہ کیاہے۔متاثرہ خاتون کوانصاف فراہم کرتے ہوئے ملوث ملزمان کے خلاف سخت کاروائی کی جائے گی۔خبریں کی اطلاع پرایس ایچ اوتھانہ گگومنڈی جام منظوراحمدکی خبریں سے گفتگو۔تفصیلات کے مطابق گزشتہ روزنواحی گاﺅں201۔ای بی کی رہائشی آسیہ پروین بیوہ محمدعارف کی فون کال پر خبریں ٹیم جب چک نمبر187۔ای بی آسیہ پروین کے والدین کے گھرپہنچی تومتاثرہ نے خبریں کو بتایاکہ میراخاوندمحمدعارف جوآرمی سے ریٹائرڈہے عیدکے اگلے روزوفات پاگیاتھا۔میرے خاوندکی وفات کے دوسرے ہی روزہی میرے دیورمحمدطالب،ساس بشیراں بی بی،نندنصرت بی بی،میرے سوتیلے بیٹوں سلیم،وسیم وغیرہ دس رشتہ داروں نے مجھ پروحشیانہ تشددکرتے ہوئے مجھے دو معذوربچوں سمیت گھرسے نکل جانے کاحکم دیا۔میرے انکارپرمیرے دیورمحمدطالب نے مجھ پرپٹرول چھڑک دیااورآگ لگانے ہی لگاتھاکہ گاﺅں والوں نے اس کے ہاتھ سے ماچس کی چھین لی۔آسیہ پروین نے بتایاکہ میرے سسرالیوں نے مجھ سے میرے خاوند کی پنشن بک،رکشہ،گھرکاساراسامان چھین کرمجھے اورمیرے دومعذوربچوں کودھکے مارکرگھرسے نکال کرمکان پرقبضہ کرلیاہے۔آسیہ پروین نے بتایاکہ میراوالدانتہائی غریب ہے میں اپنااوراپنے بچوں کاپیٹ پالنے کیلئے عدت میں ہی دربدرکے دھکے کھارہی ہوں۔متاثرہ بیوہ آسیہ پروین نے روتے ہوئے چیف جسٹس ،چیف آف آرمی سٹاف،وزیراعلیٰ پنجاب اورڈی پی اووہاڑی سے اپیل کی ہے کہ مجھے اورمیرے بچوں کوتحفظ فراہم کرتے ہوئے ہماراحق ہمیں دلوایاجائے۔خبریں کی مداخلت پرایس ایچ اوتھانہ گگومنڈی جام منظوراحمد نے کہاکہ متاثرہ خاتون کوہرحال میں انصاف فراہم کرتے ہوئے ملوث ملزمان کے خلاف سخت کاروائی کی جائے گی۔
