ممبئی(شوبزڈیسک) بھارتی بنگالی فلم اور ٹی وی کی مقامی اداکارہ پائل چکرابرتی کی لاش گزشتہ روز ہوٹل کے کمرے سے برآمد ہوئی ہے۔ بھارتی میڈیا کے مطابق بنگالی فلم اور ٹی وی کی مقامی اداکارہ پائل چکرابرتی گزشتہ روز مغربی بنگال میں سلی گری کے قریب ایک ہوٹل کے کمرے میں مردہ حالت میں پائی گئیں۔ اداکارہ پائل کا تعلق جنوبی کولکتہ سے تھا، وہ دو روز قبل سلی گری چرچ روڈ کے قریب ایک ہوٹل میں ٹھہری تھیں، اداکارہ کی لاش کمرے کے اندر سے برآمد ہوئی۔ پولیس نے ابتدائی تحقیقات کے بعد اداکارہ کی موت کو خودکشی قراردیا ہے ۔
