بھارت (ویب ڈیسک)بھارتی فورسز نے 3 پولیس اہلکاروں کی ہلاکت کے بعد کشمیر کے ضلع پلواما میں بڑے پیمانے پر محاصرہ کرکے سرچ آپریشن شروع کردیا۔اے پی پی کی رپورٹ کے مطابق کشمیر میڈیا سروس نے ایک رپورٹ میں بتایا کہ بھارتی فورسز نے لسی پورہ ، آرمولا، عالی پورہ، بٹنور ، گاربگ، نوپورہ پائین، حاج دار پورہ اور اچھن کے علاقوں کو گھیرے میں لے کر گھر گھر تلاشی شروع کردی۔آپریشن کا آغاز 3 بھارتی پولیس اہلکاروں کی ہلاکت کے بعد کیا گیا۔بھارتی حکام کے مطابق مسلح حملہ آوروں نے 3 پولیس اہلکاروں کو اس وقت یرغمال بنایا جب جنوبی کمشیر کے دو دیہاتوں میں درجن سے زائد پولیس اہلکاروں کے گھروں پر چھاپہ مارا گیا۔انہوں نے مزید بتایا کہ اغوا کیے گئے پولیس اہلکاروں کی گولیوں سے چھلنی لاشیں جمعہ کو ملی تھیں۔پولیس اہلکاروں کے قتل ایک ایسے وقت میں کیے گئے جب خطے میں کشمیریوں کی آزادی کے سب سے بڑے گروہ نے بھارتی حکام سے آزادی رہنماو¿ں سے دور رہنے اورآپریشن نہ کرنے کا کہا تھا۔بھارتی ہولیس کا کہنا تھا کہ جن پولیس اہلکاروں کو یرغمال بنایا گیا ان میں ایک چوتھا اہلکار بھی شامل تھا جس نے چند روز قبل ہی پولیس سروس سے استعفیٰ دیا تھا۔انہوں نے یہ بھی بتایا کہ مذکورہ اہلکار کو بغیر کسی نقصان کے رہا کردیا گیا تھا۔خیال رہے کہ دو روز قبل بھارتی فورسز کی جانب سے جاری سرچ آپریشن میں ضلع باندی پوری کے علاقے میں 2 کشمیری نوجوان جاں بحق ہوگئے تھے۔علاوہ ازیں بھارتی فورسز نے ضلع شوپیاں کے علاقے سے دو نوجوانوں کو گرفتار بھی کیا تھا۔
