بیجنگ (اے پی پی) سٹار پاکستانی کھلاڑی اعصام الحق قریشی چینگڈو اوپن ٹینس ٹورنامنٹ مینز ڈبلز سیمی فائنل میں (آج) جمعہ کو ایکشن میں دکھائی دیں گے۔ چین میں جاری ایونٹ میں اعصام الحق اور ان کے میکسیکن جوڑی دار سنتیاگو گونزالیز نے مینز ڈبلز کوارٹر فائنل میں میتھیو ایبڈن اور مسشا زیوریف کو ہرا کر سیمی فائنل کیلئے کوالیفائی کیا تھا، اعصام الحق مینز ڈبلز سیمی فائنل میں (آج) جمعہ کو قسمت آزمائی کریں گے۔
