لندن(ویب ڈیسک) برطانیہ کا سب سے کم وزن بچہ تمام تر مشکلات کو سہتا ہوا اب صحت مند زندگی کی جانب گامزن ہے۔ڈیلی میل کی رپورٹ کے مطابق برطانیہ کا کم وزن بچہ ٹیلر رواں سال 15 مارچ کو قبل ازوقت (پری مچیور) پیدا ہوا، پیدائش کے وقت بچہ 26 ہفتے اور 5 دن کا تھا جب کہ اس کا وزن 350 گرام یعنی آدھا کلو سے بھی کم تھا۔ماں کے پیٹ میں بچے کی نشوونما رکنے کے باعث ممکنہ خطرات کے پیش نظر آپریشن کرکے بچے کو قبل از وقت دنیا میں لایا گیا ، اس وقت بچے کا وزن ایک کولڈرنک کین اور حجم ہتھیلی کے برابر تھا۔بچے کی نازک صورتحال کو دیکھتے ہوئے ڈاکٹرز نے والدین کو آگاہ کیا کہ جسم کے اعضا نہ بننے کی وجہ سے بچے کے زندہ بچ جانے کے امکانات انتہائی کم ہیں تاہم فوری طور پر بچے کو انتہائی نگہداشت وارڈ میں ماہر ڈاکٹرز کی زیر نگرانی رکھا گیا جہاں وقت گزرنے کے ساتھ ساتھ بچہ تمام تر مشکل مراحل کامیابی سے طے کرتا گیا اور ڈاکٹرز اس کی نشوونما پر حیران ہوتے گئے۔چار ماہ تک مشین میں رہ کر بچہ زندگی کی بازی جیت گیا اور اسے 7 جولائی کو صحت مند ہونے پر اسپتال سے ڈسچارج کردیا گیا۔ٹیلر کے والدین نے بتایا کہ جو بھی اس بچے کو دیکھتا وہ حیران رہ جاتا تھا کہ اتنے کم وزن کا بچہ بھی زندہ رہ سکتا ہے؟ یہاں تک کہ جب پہلی بار ڈاکٹرز نے بچے کو اٹھایا تو وہ خود حیرت زدہ تھے کہ ہتھیلی کے برابر بچہ سانسیں لے رہا ہے۔والدین کے بقول ڈاکٹرز کہتے تھے جب ہم بچے کو اٹھاتے تو اس کا وزن ایک کولڈ ڈرنک کین سے بھی کم ہوتا تھا اور ہمیں بچے سے زیادہ کین وزنی لگتا تھا، بچے نے تمام تر خدشات کو غلط ثابت کردکھایا اور تمام تر منفی امیدوں کے برعکس انتہائی کم وزن بچہ آج صحت مند زندگی کی جانب رواں دواں ہے

جارجیا(ویب ڈیسک) ایک 19 سالہ نوجوان نے کسی آلے کے بغیر پانی کے اندر سانس روک کر 6 بے ترتیب ریوبِک کیوب کو درست کرکے نیا عالمی ریکارڈ قائم کردیا ہے۔جارجیا کے شہر تبلِسی کے ایک نوجوان واکو مارک ویش ویلی نے 1 منٹ 44 سیکنڈ پانی کے اندر سانس روک کر گزارے۔ اس دوران انہوں نے ریوبک کیوب کے 6 معمے حل کرکے گنیز بک آف ورلڈ ریکارڈ میں اپنا نام درج کروادیا ہے۔واکو نے اس کا مظاہرہ تبلسی کے گائنو واٹرپارک میں کیا اور انہیں پانی کے ایک شفاف ٹینک میں اتارا گیا جس کی تہہ میں بیٹھ کر انہوں نے ریوبک کیوبز حل کردیئے۔ اس موقع پر بہت سے تماشائیوں کے ساتھ ساتھ گنیز بک آف ورلڈ ریکارڈ کے نمائندے بھی موجود تھے۔ان کے سامنے عملی مظاہرے کے بعد گنیز بک آف ورلڈ ریکارڈ نے واکو کو پانی کے اندر سب سے زیادہ ریوبک کیوب حل کرنے کا سرٹیفکیٹ عطا کیا ہے۔واکو نے ریکارڈ قائم کرنے کے بعد کہا کہ انہوں نے اس ریکارڈ کو توڑنے کےلیے دن رات محنت اور مشق کی ہے۔ پانی کے اندر معمولی سے غلطی بھی جان لیوا ثابت ہوسکتی تھی۔ انہوں نے امید ظاہر کی کہ یہ ریکارڈ ایک طویل عرصے تک ان کے نام رہے تھے۔اس سے قبل یکم اگست 2014 کو نیوجرسی کے اینتھونی بروکس نے ایک ہی سانس میں پانچ ریوبک کیوب حل کرکے ایک ریکارڈ قائم کیا تھا جسے اب واکو نے توڑدیا ہے۔

لیورپول(ویب ڈیسک)فٹ بال کی دنیا میں سیاہ فام برطانوی نوجوان ساڈیومین ایک ایسا چمکدار ستارہ بن کر ا±بھرا ہے کہ جس کی چمک دمک کو کوئی چاہے بھی تو نظر انداز نہیں کر سکتا۔ ساڈیو صرف اپنے کھیل ہی نہیں بلکہ خوشی کے اظہار کے منفرد انداز کی وجہ سے بھی الگ پہچان رکھتا ہے۔ یہ واحد برطانوی فٹ بالر ہے جو گول کرنے کے بعد میدان میں سجدہ ریز ہو جاتا ہے۔ اور اب نوجوان کھلاڑی کی ایک ایسی ویڈیو سامنے آ گئی ہے جسے دیکھنے والے اُن کے پرستار بے اختیا ±رسبحان اللہ کہہ اُٹھے ہیں۔ویب سائٹ ”دی مرر“ کے مطابق سوشل میڈیا پر سامنے آنے والی اس ویڈیو نے دیکھنے والوں کو حیران کر دیا ہے کیونکہ اس میں لیور پول ٹیم کے سپر سٹار ساڈیو مین ایک مسجد کے غسل خانے کی صفائی کرتے نظر آتے ہیں۔ مزید حیرت کی بات یہ ہے کہ یہ ویڈیو لیورپول اور لائسسٹر کے شاندر مقابلے کے تقریباً ایک گھنٹے بعد سامنے آئی۔ اس مقابلے میں ساڈیو مین نے اپنی شاندار کارکردگی سے اپنی ٹیم کو فتح دلوائی تھی۔ یعنی وہ میچ جیتنے کے فوراً بعد مقامی مسجد کی جانب روانہ ہو گئے تھے۔ویڈیو میں دیکھا جا سکتا ہے کہ ساڈیو مین بالٹی میں پانی بھر رہے ہیں جبکہ ان کے ساتھ موجود ایک لڑکا فرش کی صفائی کر رہاہے۔ کچھ سوشل میڈیا صارفین نے تصدیق کی ہے کہ یہ ویڈیو مقامی الرحمت مسجد میں بنائی گئی جہاں ساڈیو مین باقاعدگی سے نماز کی ادائیگی کیلئے بھی جاتے ہیں۔ یہ مسجد لیور پول شہر میں ملگریو سٹریٹ پر واقع ہے۔واضح رہے کہ نوجوان ساڈیو مین کا تعلق ابتدائی طور پر پسماندہ افریقی ملک سینیگال سے ہے۔ وہ اپنے آبائی ملک کے غریب عوام کیلئے فلاحی کام بھی کرتے رہتے ہیں اور حال ہی میں انہوں نے اپنے آبائی گاو¿ں بامبلی میں سکول کی تعمیر کیلئے دو لاکھ پاﺅنڈ کا عطیہ بھی دیا ہے۔ وہ افریقہ میں ایڈز کے مریضوں کے علاج کیلئے بھی دل کھول کر عطیات دیتے ہیں۔