اسلام آباد(ویب ڈیسک )ایڈن ہاﺅسنگ سوسائٹی میں اربوں روپے کے مبینہ فراڈ سے متعلق مقدمے میں سابق چیف جسٹس افتخار محمد چوہدری کے داماد مرتضیٰ کو دبئی میں گرفتار کرلیا گیا۔وفاقی وزیر اطلاعات فواد چوہدری نے اسلام آباد میں پریس کانفرنس کے دوران بتایا کہ ایڈن ہاﺅسنگ سوسائٹی کے مقدمے میں بڑا بریک تھرو ہوا ہے اور سابق چیف جسٹس کے داماد مرتضیٰ کو وفاقی تحقیقاتی ادارے (ایف آئی اے) نے دبئی سے گرفتار کرلیا ہے، جن کے وارنٹ قومی احتساب بیورو (نیب) نے جاری کیے تھے۔کیس کا پس منظر بتاتے ہوئے فواد چوہدری کا کہنا تھا کہ ایڈن ہاﺅسنگ سوسائٹی میں فراڈ کے نتیجے میں 200 سے 300 لوگ متاثر ہوئے تھے، جن کی ساری زندگی کی جمع پونجی ڈوب گئی تھی۔وزیر اطلاعات فواد چوہدری نے بتایا کہ سابق چیف جسٹس افتخار چوہدری نے حیران کن فیصلہ کیا اور ایڈن ہاﺅسنگ سوسائٹی سے متعلق کیس سپریم کورٹ میں اپنے پاس لگوا کر اپنے سمدھی کو ریلیف فراہم کیا۔انہوں نے مزید بتایا کہ اس کیس میں افتخار چوہدری کے بیٹے ارسلان افتخار، ان کی صاحبزادی اور سمدھی بھی نامزد ہیں۔فواد چوہدری کا مزید کہنا تھا کہ وزیراعظم عمران خان نے 24 گھنٹے میں اس سلسلے میں حتمی اور فیصلہ کن رپورٹ طلب کرلی ہے۔واضح رہے کہ حکومت میں آنے سے قبل رواں برس جون میں پاکستان تحریک انصاف (پی ٹی آئی) نے چیئرمین نیب جسٹس (ر) جاوید اقبال کو خط لکھ کر ایڈن ہاو¿سنگ سوسائٹی میں اربوں روپے کے مبینہ فراڈ پر سابق چیف جسٹس آف پاکستان افتخار محمد چوہدری، ان کی صاحبزادی، داماد اور سمدھی کے خلاف کارروائی کا مطالبہ کیا تھا۔

اسلام آبادنیپرا نے بجلی ایک روپے 16 پیسے فی یونٹ مہنگی کرنے کی منظوری دے دی۔واضح رہے کہ فیول ایڈجسٹمنٹ کی مد میں فی یونٹ ڈیڑھ روپے مہنگی کرنے کی درخواست کی تھی تاہم نیپرا نے ایک روپے 16 پیسے فی یونٹ مہنگی کرنے کی منظوری دیدی ،بجلی کی قیمت میں اضافہ اگست کی فیول پرائس ایڈجسٹمنٹ کی مد میں کیا گیا ہے،نیپرا کے مطابق اگست میں بجلی کی پیداوار ی لاگت 5 روپے 91 پیسے فی یونٹ رہی جبکہ صارفین سے اگست میں 4 روپے 75پیسے وصول کئے گئے صارفین پر آئندہ ماہ 16 ارب روپے کا بوجھ پڑے گا۔

لاہور (حسنین اخلاق) مسلم لیگ ن کے امیدوراران نے موثر انتخابی مہم چلانے میں ساتھ نہ دینے پر قیادت سے احتجاج کیا ہے۔ ذرائع کے مطابق ن لیگ کے ملک بھر میں ہونے والے ضمنی انتخابات میں بطور امیدوار کھڑے رہنماﺅں نے جماعت کی اعلیٰ قیادت کی ضمنی انتخاب میں عدم دلچسپی کو الیکشن مہم کے لیے خطرناک قرار دیتے ہوئے آگاہ کیا کہ اگر جماعت کے قائدین نے انتخابی سیاست نہیں کرنی تو انہیں پارٹی ٹکٹ کیوں دئیے گئے ہیں۔یہ ضروری ہے کہ اعلیٰ قیادت خود ان علاقوں اور حلقوں کا دورہ کریں جہاں ضمنی انتخاب ہونگے اور آپ کے متحرک نہ ہونے کی وجہ سے مسلم لیگ ن کو بری طرح سے شکست کاسامنا کرنا پڑ سکتا ہے۔ ذرائع نے یہ بھی دعویٰ کیا کہ ان امیدواروں نے یہ شکوہ بھی کیا کہ صرف لاہور کے حلقوں پر توجہ دی جارہی ہے اور دوسرے اضلاع اور صوبوں میں الیکشن مہم نہ ہونے کے برابر چلائی جارہی ہےاور نہ ہی اس حوالے سے پارٹی کی جانب سے کوئی منظم کوشش کی گئی ہے جیسا کہ ماضی میں ہوتا رہا ہے۔ یاد رہے کہ ن لیگ کے قائد میاں نواز شریف اپنی اہلیہ کی وفات کے باعث سیاسی سرگرمیوں میں حصہ نہیں لے رہے ہیں جبکہ قومی اسمبلی میں قائد حزب اختلاف اور پارٹی کے صدر میاں شہباز شریف بھی عام انتخابات کے بعد زیادہ تراسلام آباد ہی میںرہتے ہیں اور بطور رکن اسمبلی بھی وہ الیکشن مہم کا براہ راست حصہ نہیں بن سکتے۔ لیکن حیرت انگیز امر یہ ہے کہ باقی سینئر رہنمابھی ضمنی انتخاب کے حوالے سے دلچسپی نہیں لے رہے ہیں، صرف لاہور میں خواجہ سعد رفیق اور شاہد خاقان عباسی کے علاوہ کوئی امیدوار متحرک نہیں نظر آرہا ہے۔

لاہور)پاکستان عوامی تحریک کے سربراہ ڈاکٹر طاہر القادری نے سانحہ ماڈل ٹاؤن استغاثہ کیس کے لاہور ہائیکورٹ کے فیصلے کے خلاف سپریم کورٹ جانے کا اعلان کر دیا۔لاہور ہائیکورٹ کے فیصلے کے خلاف سپریم کورٹ جانے کا اعلان کرتے ہوئے ڈاکٹر طاہر القادری کا کہنا تھا کہ کیس میں ملازم طلب کئے گئے لیکن مالکان کو نہیں ،عوامی تحریک لاہور ہائیکورٹ کے فیصلے کے خلاف سپریم کورٹ آف پاکستان سے رجوع کرے گی اور سانحہ ماڈل ٹاﺅن کے مظلوموں کو انصاف دلانے تک سکون سے نہیں بیٹھیں گے ۔واضح رہے کہ لاہور ہائیکورٹ نے سانحہ ماڈل ٹاﺅن کیس میں سابق وزیراعظم نوازشریف، سابق وزیراعلیٰ شہبازشریف اور سابق وزراءکی طلبی سے متعلق عوامی تحریک کی درخواست خارج کردی اور سابق آئی جی مشتاق سکھیرا کو پیش کرنے کا حکم دے دیاہے ۔

اسلام آباد()پی ٹی وی کرپشن کیس میں ملزم ڈاکٹرشاہدمسعودخصوصی عدالت میں پیش ہو گئے ۔خصوصی عدالت کی جج ارم نیاز ی نے استفسار کیا کہ گزشتہ سماعت پرپیش کیوں نہیں ہوئے؟اینکر پرسن ڈاکٹر شاہد مسعود نے کہا کہ میں شہرمیں نہیں تھااس لیے پیش نہ ہوسکا۔جج نے برہمی کا اظہار کرتے ہوئے کہا کہ پچھلی سماعت کوچھوڑیں آج بھی آپ وقت پرنہیں آئے،جب کیس کال ہوا آپ کہاں تھے؟،شاہد مسعود نے کہا کہ میں باہرہی کھڑاتھا،اس پر جج نے کہ اکہ آنکھیں اورکان کھول کررکھیں۔

نیو یارک(ویب ڈیسک) قطرنے پاکستان کے ایک لاکھ ہنرمند افراد کو ملازمتیں دینے کی پیشکش کردی۔ اقوام متحدہ کے جنرل اسمبلی اجلاس میں شرکت کے لیے نیویارک میں موجود وزیرخارجہ شاہ محمود قریشی کی قطری ہم منصب محمد بن عبدالرحمن سے ملاقات ہوئی جس میں دونوں ممالک کے درمیان دوطرفہ تعلقات اور تعاون کو فروغ دینے اتفاق کیا گیا۔وزیر خارجہ شاہ محمود قریشی اور قطری ہم منصب کے درمیان ملاقات میں خارجہ امور پر گفتگو ہوئی اور اس دوران قطری وزیر خارجہ نے ایک لاکھ ہنرمند پاکستانیوں کو ملازمتیں دینے کی پیشکش بھی کی۔