برج ٹاﺅن(آئی این پی) ویسٹ انڈین ویمن نے جنوبی افریقہ ویمن کو پہلے ٹی ٹونٹی انٹرنیشنل میچ میں 17 رنز سے ہرا کر پانچ میچوں کی سیریز میں 1-0 کی برتری حاصل کر لی، جنوبی افریقن ٹیم 124 رنز کے ہدف کے تعاقب میں مقررہ اوورز میں 7 وکٹوں پر 107 رنز بنا سکی، سٹیفنی ٹیلر نے 3 وکٹیں لیکر ٹیم کی جیت میں اہم کردار ادا کیا۔نتاشا میک لین کو عمدہ بلے بازی کا مظاہرہ کرنے پر میچ کی بہترین کھلاڑی کا ایوارڈ دیا گیا۔برج ٹاﺅن میں کھیلے گئے پہلے ٹی ٹونٹی میچ میں ویسٹ انڈین ویمن نے پہلے کھیلتے ہوئے مقررہ اوورز میں 6 وکٹوں پر 124 رنز بنائے، نتاشا میک لین 38 رنز بنا کر نمایاں رہیں، سیرا سمتھ اور زنٹل مالی نے 2، 2 کھلاڑیوں کو آﺅٹ کیا، جواب میں جنوبی افریقن ویمن ٹیم مطلوبہ ہدف کے تعاقب میں مقررہ اوورز میں 7 وکٹوں پر 107 رنز تک محدود رہی، مریزن کیپ 30 رنز بنا کر نمایاں رہیں، سٹیفنی ٹیلر نے 3 وکٹیں لیں۔
