اسلام آباد(ویب ڈیسک)سابق وزیراعلیٰ پنجاب اور قائد حزب اختلاف شہباز شریف کے سینے میں گلٹیوں کی موجودگی کا انکشاف ہوا ہے۔ شہباز شریف کی میڈیکل رپورٹ کے مطابق ان کے سینے میں گلٹیوں کی موجودگی کا انکشاف ہوا ہے، اس کے علاوہ ایک گردے کے متاثر ہونے کے اثرات بھی پائے گئے ہیں جب کہ ڈاکٹرز نے بڑی آنت کی اندرونی دیوار کے معمول سے بڑھنے اور اس میں پھیلاو¿ پر تشویش کا اظہار کیا ہے۔ ذرائع کے مطابق میڈیکل بورڈ نے شہباز شریف کی میڈیکل رپورٹس کا جائزہ لیا اور سب جیل میں ملاقات کی جس کے دوران رپورٹس کے بارے میں بات چیت کی گئی۔میڈیکل بورڈ کا کہنا ہے کہ شہبازشریف کو کھلی، ہوادار، گرد سے پاک، سورج کی روشنی والی جگہ پر رکھا جائے، پر ہجوم اور زیادہ افراد کی موجودگی والی جگہ پر کینسر سروائیور کو رکھنا محفوظ نہیں، دیگر بیمار قیدیوں سے ایسے مرض میں مبتلا رہ چکنے والے شخص کا قریب رہنا طبی لحاظ سے خطرناک ہوتا ہے۔شہباز شریف کی میڈیکل رپورٹس میں کینسر، گردوں سمیت دیگر طبی ماہرین پر مشتمل بورڈ تشکیل دینے کی تجویز دیتے ہوئے کہا گیا ہے کہ طبی صورتحال کے پیش نظر مریض کا تفصیلی تجزیہ ناگزیر ہے۔دوسری جانب نیب کی ٹیم شہباز شریف کو اسلام آباد سے پی آئی اے کی پرواز ذریعے لیکر لاہور پہنچ گئی جہاں سے ان کو سخت سیکیورٹی میں نیب افس ٹھوکر نیاز بیگ منتقل کر دیا گیا ہے۔

کراچی (ویب ڈیسک )اینکر عامر لیاقت کی دوسری شادی کی خبریں چند ماہ قبل ہر طرف پھیل گئیں تھیں جس کے باعث ان کی پہلی اہلیہ مبینہ طورپر بیمار بھی ہوئیں اور ہسپتال میں بھی داخل رہیں اور جس سے انہوں نے شادی کی تھی وہ ان کے ساتھ ہی کام کرتی تھیں تاہم اب طوبیٰ عامر لیاقت کی دوسری بیوی بن چکی ہیں اور اس بات کا بھی اعلان کر دیا گیاہے جبکہ چند روز قبل انہوں نے استقبالیے کی تصاویر بھی سوشل میڈیا پر جاری کیں۔عامر لیاقت کی استقبالیہ کی تصاویر سامنے آنے کے بعد ان کی بیٹی دعا نے بھی سوشل میڈیا پر پیغام جاری کرتے ہوئے اپنے رنج کا اظہار کیا تھا جس میں انہوں نے اپنے والد کیلئے پیغام جاری کرتے ہوئے کہا تھا کہ آپ کی بیٹی شدید درد میں ہے۔تاہم اس کی کچھ دیر کے بعد عامر لیاقت کی پہلی بیوی نے بھی پیغام جاری کیا جس میں انہوں نے ایک سکرین شاٹ شیئر کیا جس پر ایک قول درج تھا جس کا مطلب ہے کہ اکثر اوقات لوگ تبدیل نہیں ہوتے بلکہ ان کے چہرے پر چڑھا نقاب اتر جاتاہے۔“تاہم اب عامر لیاقت کی دوسری اہلیہ طوبیٰ عامر بھی میدان میں آ گئیں ہیں اور انہوں نے ٹویٹر پر دوسری شادی سے متعلق عامر لیاقت کا ویڈیو پیغام جاری کر دیاہے جس پر سوشل میڈیا صارفین نے ہنگامہ برپا کر دیا ہے۔طوبیٰ نے اپنے پیغام کے ساتھ لکھا کہ ” افواہیں اور گوسپ عارضی ہیں لیکن ہماری شادی ہمیشہ رہنے والی ہے۔“عامر لیاقت کا اپنے پیغام میں کہناتھا کہ ”میں نے دوسری شادی کیا کر لی کہ پتا نہیں قیامت ہی آ گئی ہے ، کوئی شہاب ثاقب گر پڑے ہیں یا پتا نہیں کوئی بہت ہی بڑا طوفان آنے والا ہے ، میں اتنا کہنا چاہوں گا کہ اخبارات ، یوٹیوب چینلزاور دیگر ادارے جو لکھ رہے ہیں وہ بہت ظلم کر رہے ہیں ، خاص طور پر میں ڈان سے یہ امید نہیں کرتا تھا کہ اس وہ لکھاری بٹھا دیں گے ،کیاآپ نے مجھ سے پوچھا کہ کہانی کیاہے اور کیا آپ جانتے ہیں کہ اصل بات کیا ہے ، آپ کس طرح کسی کے گھر یلو معاملا ت میں مداخلت کر سکتے ہیں؟۔ بچے آج بھی میری کفالت میں ہیں اور وہ گھر آج بھی میری کمائی کے باعث ہی چل رہاہے ، ہم گھر کی باتیں منظر عام پر نہیں لاتے ، میں گھر کی باتوں پر تبصرہ کرنا بھی نہیں چاہتا۔بس یہ دیکھیں کہ ٹویٹر چل رہاہے تو کیوں چل رہاہے ، پیسے ہوں گے تو چل رہاہے ، بچے پڑھ رہے ہیں ، سب کچھ پر امن اور اپنی جگہ پر موجود ہے ، جو کچھ بھی آپ لوگ کرنے کی کوشش کر رہے ہیں وہ ظلم ہے۔ان کا کہناتھا کہ ڈان اور جیوز کو چاہیے کہ وہ اپنے بلاگ لکھنا بند کریں اور ان کو یہ نہیں پتا کہ وہ کیا لکھ رہے ہیں ، میں ٹویٹر پر آ کر جوابات نہیں دیتا کیونکہ وہ مری زندگی نہیں ہے۔اس سے زیادہ میں جواب نہیں دینا چاہتا۔میری دوسری شادی ہوئی ہے ، میں نے دوسری شادی نہیں کی بلکہ دوسری شادی نے مجھ سے شادی کر لی ہے ، یہ شادی ہمیشہ قائم رہے گی ، کوئی گھر تباہ نہیں ہو گا ، شادی کرنے کا مطلب گھر کی تباہی نہیں ہو تی۔اس ویڈیو پر صارفین کا رد عمل بھی آنا شروع ہو گیاہے اور ایک حمد نامی صارف کا کہناتھا کہ میری خواہش ہے کہ عامر لیاقت تیسری شادی بھی کرے اور اللہ کرے کے وہ بھی جلد ہو جائے۔اس پر خاتون صارف کا کہناتھا کہ میری بھی یہی دعا ہے ، اور تیسری بھی یہی ٹویٹ کرے۔

لاہور (ویب ڈیسک ) اقتصادی رابطہ کمیٹی (ای سی سی) نے فیصلہ کیا ہے کہ موسم سرما میں گیس کی لوڈشیڈنگ نہیں کی جائے گی۔ای سی سی کے اجلاس میں یہ فیصلہ بھی کیا گیا، گیس کی کمی کو پورا کرنے کے لیے نظام میں 150 سے 200 ایم ایم سی ایف ڈی ری گیسیفائیڈ لیکویفائیڈ نیچرل گیس (آر ایل این جی) شامل کی جائے گی۔اجلاس کی صدارت وزیر خزانہ اسد عمر نے کی، جس میں اراکین کمیٹی نے یہ فیصلہ بھی کیا کہ توانائی ڈویڑن کو اسلامی فنانس کے ذریعے 38 ارب روپے وصول کرنے کی اجازت دی جائے گی۔خیال رہے کہ موسم سرما کے دوران ملک کے بیشتر علاقوں میں گیس کی لوڈشیڈنگ ایک معمول ہے اور کئی سالوں سے موسم سرما کے دوران گیس کی کمی شہریوں کے لیے ایک مسئلہ بن جاتی ہے۔گیس کی لوڈشیڈنگ سے جہاں صنعتی صارفین کو مشکلات کا سامنا کرنا پڑتا ہے وہیں گھریلو صارفین بھی پریشان نظر آتے ہیں۔گیس کی لوڈشیڈنگ کی وجہ سے گھریلو صارفین کو جہاں کھانا بنانے کے ساتھ ساتھ روز مرہ کے دیگر امور کو نمٹانے میں دشواری کا سامنا کرنا پڑتا ہے وہیں اس مسئلے کی وجہ سے ہوٹلوں کی انتظامیہ کو بھی شہریوں کی طلب کو پورا کرنے میں مشکلات پیش آتی ہیں۔

کراچی (ویب ڈیسک )اقتدار میں آنے کے ساتھ ہی ملنے والے بڑے اقتصادی عدم توازن کے باعث پاکستان تحریک انصاف (پی ٹی آئی) کی حکومت کے پہلے 100 روز میں عوام کو مہنگائی کے بڑے بوجھ کا سامنا کرنا پڑا۔ ملک میں پہلے ہی مہنگائی کے باعث اہم ضروریات زندگی عام فرد کی قوت خرید سے دور تھیں، وہیں روپے کی قدر میں کمی اور گیس کی قیمتوں میں اضافے نے رہی سہی کسر بھی پوری کردی۔انٹربینک مارکیٹ اور اوپن مارکیٹ میں روپیہ اپنی قدر کھوتا رہا اور یہ 8 فیصد اور 10.4 فیصد تک گر گیا۔کنزیومر پرائس انڈیکس (سی پی آئی) کی افراط زر اکتوبر میں 6.8 فیصد تک پہنچ گئی تھی جو گزشتہ برس کے اسی عرصے کے دوران 3.8 فیصد سے بڑھی تھی جبکہ ستمبر کے 5.1 فیصد سے بھی زائد تھی۔اس حوالے سے اسٹیٹ بینک کے افراط زر مانیٹر سے موصول اعداد و شمار ظاہر کرتے ہیں کہ سب سے زیادہ اثر غیر غذائی اشیا پر پڑا اور اس بات کا زیادہ امکان ہے کہ گیس کی قیمتوں میں اضافے کے باعث یہ ہوا کیونکہ سی پی آئی میں ایندھن کی قیمتیں بڑی اہمیت رکھتی ہیں۔حکومت کی جانب سے ماہ سمتبر اور اکتوبر میں ڈیزل کی قیمت 106 روپے 57 پیسے فی لیٹر برقرار رکھی گئی تھی تو وہی یکم نومبر سے اسے بڑھا کر 112 روپے 94 پیسے کردیا گیا جو یکم اگست کے نرخ کے مطابق تھی۔نئی حکومت کے 100 روز میں سی این جی کی قیمتوں میں بڑا اضافہ بھی شامل تھا اور ملکی تاریخ میں پہلی مرتبہ اس کی قیمت 100 روپے فی کلو سے تجاوز کر گئی۔گیس کی قیمت میں 40 فیصد اضافے سے فی ایم ایم بی ٹی یو 980 رپوے تک پہنچ گیا جبکہ 81 روپے 70 پیسے فی کلو سے بڑھ کر سی این جی 103 سے 104 روپے کلو تک پہنچ گئی۔جس کے بعد بھاری گیس کے بل موصول ہونے سے بچنے کے لیے چپاتی، نان، شیر مال، تافتان اور کلچہ بنانے والوں نے قیمتوں میں اضافہ کردیا جبکہ کچھ ہوٹل مالکان نے یا تو روٹی کا وزن کم کردیا یا مختلف کھانوں کی قیمتوں میں اضافہ کردیا۔مختلف علاقوں میں نان اور چپاتی کی قیمت میں 2 روپے جبکہ شیر مال اور تافتان میں 5 سے 35 روپے تک بڑھائے گئے، اسی طرح کلچے کی قیمت میں بھی 2 روپے اضافہ کیا گیا۔اسی طرح اوپن مارکیٹ میں گندم کی قیمتوں میں اضافے کے باعث چکی والوں نے 10 کلو آٹے کی قیمت میں 20 روپے تک بڑھا دی۔دوسری جانب ایسوسی ایشن آف بلڈرز اینڈ ڈیولپرز (آباد) کے چیئرمین محمد حسن بخشی کا کہنا تھا کہ 50 کلو سیمنٹ کی بوری کی قیمت میں 30 روپے تک اضافہ ہوا جبکہ مقامی طور پر بننے والے ٹائلز کی قیمت میں 5 سے 6 فیصد اور درآمدی ٹائلز میں 13 سے 15 فیصد اضافہ ہوا۔ادھر کراچی ہول سیلر گراسرز ایسوسی ایشن کے چیئرمین انیس مجید کے مطابق روپے کی قدر میں کمی اور ڈیزل کی قیمتیں بڑھنے سے ٹرانسپورٹیشن چارجز میں اضافے کے باعث مختلف دالوں کی قیمتوں میں 5 سے 10 روپے فی کلو اضافہ ہوگیا۔اس کے علاوہ ڈیری مصنوعات خاص طور پر پاو¿ڈر والی اشیا کی قیمتوں میں اضافہ دیکھا گیا اور اگست اور اکتوبر میں مختلف کمپنیوں نے قیمتیں بڑھائیں۔مہنگائی کے اس طوفان میں مرغی کی قیمتوں کو بھی پر لگ گئے اور زندہ مرغی کی قیمت 120 اور 130 روپے سے بڑھ کر 240 روپے جبکہ گوشت کی قیمت 220 سے 250 روپے سے بڑھ کر 380 سے 420 روپے تک پہنچ گئی۔علاوہ ازیں تیل اور گھی کی قیمتوں میں بھی اضافہ ہوا اور کمپنیوں نے کم از کم 10 روپے فی لیٹر قیمتیں بڑھا دیں۔