لاہور (ویب ڈیسک )نواز شریف کو احتساب عدالت کی جانب سے سزا سنا دی گئی ہے اور انہیں لاہور کی کوٹ لکھپت جیل میں بھی منتقل کر دیا گیاہے تاہم انہوں نے اپنی پہلی رات اڈیالہ جیل میں گزاری۔تفصیلات کے مطابق لاہور کی کوٹ لکھپت جیل میں نوازشریف کو بیرک نمبر تین دی گئی ہے جو کہ شہباز شریف کی بیرک کے بالکل عقب میں ہے تاہم انہیں محکمہ داخلہ کی جانب سے بہتر کلاس بھی فراہم کی گئی ہے۔جیل ذرائع کا کہناہے کہ نوازشریف جو جس وقت جیل لایا گیا تو سب سے پہلے ان کی تصویر اتاری گئی اور حاضری رجسٹر پر نوازشریف کے دستخط لیے گئے اور پھر میڈیکل کروایا گیا جس میں انہیں صحت مند قرار دیدیا گیا ہے۔نوازشریف کو جیل میں جو بیرک دی گئی ہے اس کا سائز بیس بائے بیس ہے جبکہ انہیں بیرک میں گھر کے برتن استعمال کرنے کی بھی اجازت ہو گی جبکہ انہیں سونے کیلئے بستر بھی اچھا فراہم کیا جائے گا۔نوازشریف کا جس وقت جیل کے رجسٹر میں اندراج کیا جارہا تھا تو لکھا گیا کہ ” نوازشریف قیدی بامشقت نہیںہیں ، وہ علم حاصل کریں گے یا پڑھائیں گے۔نوازشریف کے کمرے سے ملحقہ ایک کنال کا لان بھی ہے جہاں نوازشریف کو مخصوص اوقا ت میں چہل قدمی کی بھی اجازت ہو گی۔جبکہ نوازشریف جس وقت جیل پہنچے تو ان کی تصویر بھی اتاری گئی
