ممبئی (ویب ڈیسک) بالی وڈ کامیڈین کپل شرما ’ڈپریشن‘ کے علاج کے لیے مرکز بحالی دماغی صحت ( ری ہیبیلیٹیشن سینٹر) میں داخل ہو گئے۔کپل شرما کے ستارے گزشتہ کئی ماہ سے گردش میں ہیں اور کامیڈی شو ’دی کپل شرما شو‘ کی بندش کے بعد نئے شو کی ناکامی نے انہیں مزید پریشان کر دیا ہے۔کامیڈین کا نیا شو ’فیملی ٹائم ود کپل شرما‘ بھی طبیعت کی ناسازی کے باعث چند ہی اقساط کے بعد بند کر دیا گیا جب کہ شو کی ناکامی کی خبر لگانے پر کپل شرما صحافی سے بھی الجھ پڑے تھے اور نازیبا ٹوئٹس بھی کردی تھیں۔بھارتی کامیڈین کپل شرما کا نیا شو بھی بندکپل شرما اپنی منگیتر کے ساتھ سیرو سیاحت کے لیے نکلے ہوئے ہیں لیکن اب ان کے اسپتال میں علاج کی خبریں زیر گردش ہیں۔بھارتی میڈیا میں زیر گردش خبروں کے مطابق کپل شرما ممبئی سے باہر ’ڈپریشن‘ کے علاج کے لیے مرکز بحالی دماغی صحت میں داخل ہوگئے ہیں جہاں ان کا علاج جاری ہے۔

ممبئی ویب ڈیسک بالی وڈ کی خوبرو اداکارہ اور انیل کپور کی صاحبزادی سونم کپور کی ممبئی میں رہائشگاہ برقی قمقموں اور لائٹوں سے سجادیا گیا جس کے بعد اداکارہ کی شادی کی چہ مگوئیاں ہونے لگی ہیں۔ سونم کپور کا گھر خوبصورت برقی قمقموں، لیمپ اور لائٹس سے سجا دیا گیا ہے جہاں سونم کپور کی شادی کے چرچے بھی ہو رہے ہیں۔اداکارہ سونم کپور اور نہ ہی ان کی فیملی کی جانب سے شادی کی تصدیق کی گئی ہے تاہم ممبئی میں رہائشگاہ پر ہونے والی سرگرمیوں کے بعد مقامی میڈیا میں خبریں زیرگردش ہیں کہ آئندہ ماہ سونم کپور رشتہ ازدواج سے منسلک ہوجائیں گی۔ سونم کپور اور ان کے قریبی دوست و فیشن ڈیزائنر آنند آہوجا کی شادی 7 یا 8 مئی کو ہوگی اور اسی سلسلے میں سونم کپور کے گھر کو سجادیا گیا ہے۔

لاہور (ویب ڈیسک)سینئر صحافی طاہر سرور میر کا کہنا ہے کہ ’میرے برادر کی دلہن ‘ فلم میں ہدایتکار یش چوپڑا نے علی ظفر کو کترینہ کیف کے ساتھ کچھ بولڈ سین کرنے کیلئے کہا تو انہوں نے ایسا کرنے سے انکار کردیا۔ علی ظفر اور میشا شفیع کے جنسی ہراسگی کے معاملے پر اظہار خیال کرتے ہوئے طاہر سرور میر نے کہا کہ وہ اور کامیڈین سہیل احمد (عزیزی) بھارت گئے اور یش چوپڑا سے ملاقات کی۔ انہوں نے بتایا کہ یش چوپڑا لاہور کے تھے اور جب بھی ہماری ان سے ملاقات ہوتی تو وہ ہمارے ساتھ پنجابی میں گفتگو کرتے تھے، جس وقت ہم ان سے ملے تو ان دنوں ’ میرے برادر کی دلہن‘ فلم کی شوٹنگ جاری تھی جس میں علی ظفر، کترینہ کیف اور عمران خان مرکزی کردار ادا کر رہے تھے۔طاہر سرور میر نے بتایا کہ یش چوپڑا نے ان سے شکوہ کیا کہ ’لاہور سے یہ کیسا لڑکا (علی ظفر)آپ لوگوں نے بھیجا ہے، اسے میں نے کچھ بولڈ سین کرنے کیلئے کہا تو اس نے انکار کردیا‘۔سینئر صحافی نے کہا کہ علی ظفر کا ان دنوں بالی ووڈ میں اتنا بڑا نام نہیں تھا اور وہ وہاں پر اپنا نام بنانے کی تگ ود و کر رہے تھے لیکن ایسے میں انہوں نے بولڈ سین کے خلاف سٹینڈ لیا ، یہ بات ان کے حق میں جاتی ہے۔طاہر سرور میر کا علی ظفر اور میشا شفیع کے جنسی ہراسگی کے معاملے پر کہنا تھا کہ پاکستان میں جنسی ہراسگی کے حوالے سے قوانین میں بہت سے سقم موجود ہیں، فریقین نے عدالت جانے کا اعلان تو کردیا ہے لیکن اس کو ثابت کرپانا میشا شفیع کیلئے انتہائی مشکل ہوگا ، بظاہر یہی لگ رہا ہے کہ اس کیس میں کوئی این آر او ہوجائے گا۔