نئی دہلی: (ویب ڈیسک) بھارت کی 26 سالہ معروف ماڈل سان ریچل گاندھی نے خودکشی کرلی۔
رپورٹس کے مطابق ماڈل گرل میس بیسٹ ایٹیٹیوڈ 2019، مس ڈارک کوئین تامل ناڈو 2019 اور 2022 کوئین آف مدراس رہیں، ماڈل گرل نے 2023 میں مس افریقا کے مقابلہ حسن میں بھی بھارت کی نمائندگی کی تھی، سان ریچل معاشی بدحالی کا شکار تھیں اور گزشتہ دنوں ہی کیرئیر میں آگے بڑھنے کیلئے اپنے زیورات بھی بیچے تھے۔
رپورٹ میں کہا گیا ہے کہ ماڈل نے پانڈیچیری میں اپنے گھر میں خواب آور گولیاں کھا کر زندگی کا خاتمہ کیا، خودکشی سے قبل انہوں نے ایک خط بھی چھوڑا ہے جس میں کہا کہ میری خودکشی کا ذمہ دار کسی کو نہ ٹھہرایا جائے۔
رپورٹس کے مطابق ماڈل گرل نے خودکشی سے قبل والد سے بھی مالی مدد مانگی تھی تاہم والد نے بیٹے کی بھی ذمہ داری کا بول کر انکار کردیا تھا، ماڈل گرل شادی شدہ تھیں اور پولیس نے بھی مختلف زاویوں سے تحقیقات شروع کر دی ہیں۔
