گوجرخان(بیورو رپورٹ) مقامی صحافیوں کے ایک وفد نے نئی تعینات ہونے والی اسسٹنٹ کمشنر گوجرخان سیدہ زینب حسین سے ملاقات کی۔
ملاقات کے دوران گوجرخان شہر اور تحصیل کو درپیش مختلف عوامی مسائل، شہریوں کو بنیادی سہولیات کی فراہمی، انتظامی امور اور دیگر اہم معاملات پر تفصیلی تبادلہ خیال کیا گیا۔صحافیوں کے وفد نے اسسٹنٹ کمشنر سیدہ زینب حسین کو گوجرخان کے مختلف علاقوں میں شہریوں کو درپیش مسائل سے آگاہ کیا اور عوامی نوعیت کے اہم معاملات کی نشاندہی کی۔ اس موقع پر شہر میں صفائی ستھرائی، پانی کی فراہمی، تجاوزات، پرائس کنٹرول اور دیگر شہری مسائل کے حوالے سے بھی گفتگو ہوئی۔اسسٹنٹ کمشنر سیدہ زینب حسین نے صحافیوں کے وفد کو یقین دہانی کرائی کہ شہریوں کے مسائل کے حل اور عوام کو بہتر سہولیات کی فراہمی کے لیے تمام دستیاب وسائل بروئے کار لائے جائیں گے۔ انہوں نے کہا کہ انتظامیہ عوامی مسائل کے حل کے لیے سنجیدہ اقدامات کر رہی ہے اور شہریوں کی شکایات کے ازالے کو ترجیح دی جائے گی۔ملاقات کے دوران صحافیوں اور انتظامیہ کے درمیان عوامی مسائل کی بروقت نشاندہی اور ان کے حل کے لیے مثر رابطہ برقرار رکھنے پر بھی اتفاق کیا گیا۔ملاقات کرنے والے صحافیوں کے وفد میں ملک عامر وزیر، شہزادہ ارباب اعجاز، ملک نصیر، عامر نصیر قریشی، ثاقب منہاس، کاشف نوشاہی، عمر آزاد بٹ اور عاصم خان شامل تھے۔
