اسلام آباد (شوبزڈےسک) پاکستان کے معروف گلوکار سجاد علی کے نئے گانے ’لگایا دل‘ نے پاکستان سمیت بھارت میں بھی دھوم مچادی ۔میڈیا رپورٹ کے مطابق مقبول بھارتی گلوکار یو یو ہنی سنگھ کو بھی اس گانے کی دھن اور لیرکس نے اپنا اسیر کرلیا اور انہوں نے اپنے جذبات کا اظہار ٹوئٹر پر کیا۔انہوں نے اپنی ٹوئیٹ میں لکھا کہ سجاد علی کا ایک اور زبردست گانا، اس گانے کی شاعری سادہ تاہم اپنے اندر بہت گہرائی رکھتی ہے اور ساتھ میں آواز تو شاندار ہے ہی۔یو یو ہنی سنگھ نے گانے میں سے اپنی پسندیدہ لائن ’زندگی میں پھر ہنسا نہیں بھی لکھی اور اپنے مداحوں سے کہا کہ اس گانے کو سنیں اور شیئر کریں۔جس پر سجاد علی نے بھی یو یو سے محبت کا اظہار کرتے ہوئے بتایا کہ یہ لائن ان کی بھی پسندیدہ ہے۔پاکستان اور بھارت کے درمیان حکومتی سطح پر تناو¿ کے باوجود دونوں ممالک کے فنکار ایک دوسرے کے کام کو سراہتے ہیں ۔ور محبت بھرے پیغامات کا تبادلہ کرتے رہتے ہیں۔واضح رہے کہ سجاد علی کے اس گانے کی ویڈیو کی ہدایات ان کی صاحبزادی زو علی نے دی ہیں۔ویڈیو میں نوعمری میں پروان چڑھنے والے جذبات کو دکھایا گیا جہاں ایک فریق دوسرے کی دوستی اور ہر بات شیئر کرنے کے انداز کو محبت سمجھ بیٹھتا ہے اور پھر اسے دل ٹوٹنے کا صدمہ سہنا پڑتا ہے۔

ممبئی(شوبزڈےسک) بالی وڈ اداکارہ مادھوری ڈکشٹ نے فلم کلنک کی عکسبندی شروع کر دی۔ بھارتی ذرائع ابلاغ کے مطابق اداکارہ عالیہ بھٹ اور عالیہ بھٹ کے بعد اداکارہ مادھوری ڈکشٹ نے بھی فلمساز کرن جوہر کی فلم کلنک کی عکسبندی شروع کر دی ہے، اداکارہ مادھوری نے ورون دھون اور عالیہ بھٹ کیساتھ سوشل میڈیا پر سیلفی شیئر کرتے ہوئے کہا کہ فلم کلنک کی شوٹنگ کا انتظار انہیں کئی روز سے تھا، اب یہ انتظار ختم ہو گیا اور فلم بکٹ لسٹ کے بعد فلمساز کرن جوہر کے ساتھ ان کی یہ دوسری فلم ہے۔لم میں اداکار سنجے دت اور مادھوری ڈکشٹ برسوں بعد اکھٹے دکھائی دیں گے۔ فلم کی کاسٹ میں ورون دھون، عالیہ بھٹ، ادیتیا رائے کپور، سوناکشی سنہا اور دیگر بھی شامل ہیں

ممبئی (شوبزڈےسک)نامور بولی وڈ اداکار شکتی کپور نے انکشاف کیا ہے کہ ان کی بیٹی 31 سالہ اداکارہ شردہا کپور اپنی پسند کے لڑکے سے ہی شادی کریں گی۔ایک ایونٹ کے دوران جب صحافی نے شکتی کپور سے شردہا کپور کی شادی کے حوالے سے سوال کیا تو انہوں نے بتایا کہ ہر باپ چاہتا ہے کہ اس کی بیٹی کی شادی ایک اچھے اور عزت دار گھرانے میں ہو، میری دعا ہے کہ شردہا اپنی پروفیشنل اور ذاتی زندگی دونوں میں کامیاب کے ساتھ آگے بڑھے لیکن ایک والد ہونے کی حیثیت سے میرا موقف ہے کہ ہمیں اپنے بچوں کو آزادی دینی چاہیے کیوں کہ اب وہ دور ختم ہوچکا ہے جب والدین اپنی پسند سے بچوں کی شادی کرتے تھے۔شکتی کپور نے کہا کہ اب ہمیں اپنے بچوں سے پوچھنا چاہیے کہ وہ اپنی زندگی میں کیا چاہتے ہیں اور کس سے شادی کریں گے، شردہا اس وقت اپنے کیریئر میں کافی مصروف ہے تاہم وہ جب بھی ہمیں شادی کے حوالے سے اپنے منصوبے بتائےگی تو ہم اس کی پسند کے ساتھ ہوں گے ¾ہمیں اس کی مرضی سے شادی کرنے پر کوئی اختلاف نہیں ہے۔

لاہور (شوبزڈےسک)اداکارہ صنم سعید بھی میشا شفیع اور علی ظفر کے تنازع میں بول پڑیں۔صنم سعید نے ٹوئٹر پر پوسٹ میں کہا کہ انہوں نے خاموشی توڑ دی جو ان کےلئے اچھا ہے، یہ ہر اس شخص کےلئے اچھا ہے جو آواز اٹھاتا ہے لیکن وہ لوگ جو تنقید کررہے ہیں وہ یہ کیوں نہیں سوچ رہے کہ ہراساں کوئی بھی کرسکتا ہے، ضروری نہیں وہ کوئی دشمن یا بد کردار شخص ہو، وہ آپ کا دوست، چاہنے والا یا فیملی کا کوئی فرد بھی ہوسکتا ہے۔صنم سعید نے کہاکہ اب بہت ہوگیا، اب سب بدلنے کی ضرورت ہے اور ہراساں کرنے والوں کو سامنے لانا ہوگا۔اداکارہ نے کہاکہ جو افراد کسی کی سچائی پر سوال کررہے ہیں۔
وہ یہ جان لیں کہ جنسی ہراساں کا صرف یہی مطلب نہیں کہ کوئی جسمانی نقصان پہنچا ہو بلکہ جو شخص غیر اخلاقی بات کرے یا کوئی منفی جملہ کسے وہ بھی ہراساں کرنے میں آتا ہے جسے نظر انداز نہیں کرنا چاہیے۔انہوں نے کہا کہ نظر انداز کرنے سے ایسے لوگوں کو شے ملتی ہے اور پھر وہ کوئی دوسرا شکار تلاش کرتے ہیں۔انہوںنے کہاکہ ان حالات میں کبھی خاموش رہیں اور نہ ڈریں ¾جو کوئی بھی ہراسمنٹ کے خلاف آواز اٹھاتا ہے ہم اس کی حمایت کریں گے۔ادکارہ نے لکھا کہ نا انصافی اور زیادتی کے خلاف ہمیشہ آواز اٹھائیں، کمزور نہ بنیں اب یہ طریقہ مزید نہیں چل سکتا۔

ممبئی (شوبزڈےسک) بالی ووڈ کے سلطان سلمان خان کی نئی ایکشن سے بھرپور فلم ’ریس تھری‘ کا نیا پوسٹر جاری کردیا۔میڈیا رپورٹ کے مطابق بالی ووڈ کے دبنگ سلمان خان کے فلموں کا مداحوں کے بے صبری سے انتظار رہتا ہے جبکہ ہر سال کی طرح اس عید پر بھی سلو میاں نے قبضہ کررکھا ہے اور خاص کر ان کی نئی فلم ’ریس تھری‘ نے مداحوں کی بے چینی بڑھادی ہے جو 15 جون 2018 کو ریلیز ہوگی جبکہ فلم کا ایک اور پوسٹر جاری کردیا گیا ہے۔اس سے قبل بالی ووڈ سپر اسٹار سلمان خان نے سماجی رابطے کی ویب سائٹ ٹوئٹر پر تھرل اور ایکشن سے بھرپور فلم ’ریس تھری‘ کا پوسٹر جاری کیا تھا ۔جس میں وہ چشمہ لگائے، کاندھے پر کورٹ اور ہاتھ میں پسٹل لیے کھڑے ہیں۔ تاہم اس بار پوسٹر میں ان کے ہمراہ فلم میں لیڈنگ رول کرنے والی اداکارہ جیکولین فرنینڈس بھی موجود ہیں۔سلمان خان ریس تھری کی پوری ٹیم کے ہمراہ اس وقت کشمیر میں موجود ہیں جہاں وہ ایک گیت کو عکس بند کروارہے ہیں جبکہ معروف کوریوگرافر ریمو ڈی سوزا کی ہدایت کاری میں بننے والی فلم ’ریس تھری‘ میں جیکولین کے علاوہ انیل کپور، بوبی دیول اور ثاقب سلیم بھی دکھائی دیں گے۔