لاہور (ویب ڈیسک ) پاکستان کے نو منتخب وزیرِ خزانہ جناب مفتاح اسماعیل نے 2018 کا بجٹ پیش کرتے ہوئے حسب روایت دعویٰ کیا ہے کہ یہ عوام دوست اور ٹیکس فری بجٹ ہوگا ،حکومت کی مدت اپنے اختتامی دنوں کی طرف بڑھ رہی ہے۔اپوزیشن کا اصرار تھا کہ حکومت کو تین مہینے کا بجٹ پیش کرنا چاہیے اور بعد کے معاملات نئی آنے والی حکومت پر چھوڑ دینے چاہئیں۔مگر حکومت وقت نے تمام اعتراضات کو نظر انداز کر کے بجٹ پیش کر دیا ہے جسے جلد ہی کابینہ سے منظور کروا لیا جائے گامسلم لیگ ن کی حکومت نے اپنا ا?خری اور چھٹا بجٹ پیش کر دیا ہے جس میں سرکاری ملازمین کی تنخواہوں اور پنشن میں 10? فیصد اضافے کا اعلان کیا گیا ہے۔ مالی سال 2018-19ئ کے بجٹ میں کھاد ، الیکٹرک گاڑیاں ، پولٹری ، ڈیری مصنوعات ، ایل ای ڈی لائٹس ، لائیو اسٹاک ، زراعت ، زرعی اور صنعتی مشینری ، ایل این جی، لیپ ٹاپ ، کمپیوٹر ، اسکی اسمبلنگ ، ٹائر ، اسٹیشنری ، نظر کے چشمے ، الیکٹریکل اسٹیل شیٹس ، استعمال شدہ کپڑے اور جوتے سستے ہوگئےجبکہ موبائل ، سیمنٹ ، سگریٹ ، چھالیہ مہنگے ہوگئے ،وفاقی بجٹ کا کل حجم 5ہزار 932ارب 50کروڑ روپے تجویز کیا گیا ہے، معاشی شرح نمو کا ہدف 6.2فیصد رکھا گیا ہے جبکہ اخراجات کا تخمینہ 5ہزار 246ارب روپے لگایا گیا ہے، ا?ئندہ مالی سال بجٹ خسارہ 4.9فیصد رکھنے کی تجویز ہے،بجٹ تقریر کے ساتھ ہی ایک خبر بھی چلتی رہی کہ اوگرا نے فیول پرائس میں مزید اضافے کا فیصلہ کر لیا ہے جو کہ یکم مئی 2018 سے نافذالعمل ہوگا۔بجٹ میں پیش کیئے گئے اعدادوشمار کے گورکھ دھندے عام افراد کی سمجھ سے بالاتر ہیں وہ یہ سوال کرنے میں حق بجانب ہے کہ جہاں بجلی۔ گیس پانی کی بنیادی سہولیات 70 سال گزرنے کے باوجود ابھی تک لوگوں کو مکمّل طور پر میسر نہ ہو سکی ایک عرصہ سے ایندھن کے قیمتوں میں ردوبدل کر کے ہر مہینے منی بجٹ غریب عوام کے منہ پر مارا جاتا ہے۔

اسلام آباد (ویب ڈیسک ) پولیس نے ایک فارم ہاوس میں جاری پارٹی پر چھاپہ مار کر 15 لڑکیوں اور 20 لڑکوں کو گرفتار کرلیا۔ بہارہ کہو پولیس کی جانب سے کی جانے والی کارروائی کے بعد تھانے میں سفارشی فون کالز کا تانتا بندھ گیا ہے۔اسلام آباد میں بہارہ کہو پولیس نے ایک فارم ہاو¿س پر چھاپہ مار کر 35 افراد کو گرفتار کرلیا۔ گرفتار افراد میں 15 لڑکیاں اور 20 لڑکے شامل ہیں۔ پولیس کی جانب سے لڑکیوں کو بہارہ کہو تھانے میں ہی رکھا گیا ہے۔ ذرائع کے مطابق فارم ہاوس میں ایک پارٹی جاری تھی جس میں منشیات کا استعمال کیا جارہا تھا اور غیر اخلاقی حرکات کا سلسلہ جاری تھا، لڑکیوں کو چھڑوانے کیلئے تھانے میں فون کالز کا تانتا بندھ گیا ہے۔ اسلام آباد ہائی کورٹ کے جج جسٹس شوکت عزیز صدیقی نے گزشتہ دنوں ایک کیس کی سماعت کے دوران اپنے ریمارکس میں کہا تھا کہ اسلام آباد جرائم، منشیات، جسم فروشی اور عیاشی کا گڑھ بن گیا ہے ، آئی جی اور ایس ایس پی بتائیں کہ قحبہ خانوں اور شراب فروشی کے اڈوں کے خلاف کیا کارروائی کی۔

اسلام آباد(ویب ڈیسک) سابق صدر اور پاکستان پیپلز پارٹی (پی پی پی) کے شریک چیئرمین آصف علی زرداری کا کہنا ہے کہ گذشتہ روز مسلم لیگ (ن) حکومت کی جانب سے پیش کیے گئے مالی سال 19-2018 کے بجٹ پر تبصرہ کرنا بے معنی ہے کیونکہ اس بجٹ کی کوئی قانونی، اخلاقی اور سیاسی حیثیت نہیں۔آصف علی زرداری کا کہنا تھا کہ ‘اس بجٹ کا محرک صرف لالچ اور سیاسی عزائم ہیں جبکہ اخلاقی اور قانونی عنصر کو مدنظر رکھتے ہوئے سندھ کی حکومت 3 مہینے کا بجٹ پیش کرے گی’۔بجٹ پر تبصرہ کرتے ہوئے آصف علی زرداری نے کہا کہ ‘آخر وفاقی حکومت سارے سال کا بجٹ کیوں پیش کر رہی ہے جبکہ اس کی حکومت کے تقریباً2 ماہ رہ گئے ہیں؟ ‘ان کا مزید کہنا تھا کہ ‘اس سے قبل کسی بھی وفاقی حکومت نے صوبوں کے خدشات کے بارے میں اتنی بے حسی کا مظاہرہ نہیں کیا’۔بجٹ 19-2018 اور اپوزیشن کا احتجاج اور تنقید گذشتہ روز وفاقی وزیر خزانہ مفتاح اسماعیل کی جانب سے مالی سال 19-2018 کے لیے 5 ہزار 932 ارب 50کروڑ روپے حجم کا بجٹ پیش کیے جانے کے موقع پر اپوزیشن نے احتجاج کرتے ہوئے اجلاس سے واک آو¿ٹ کا اعلان کیا تھا۔مالی سال 19-2018 کیلئے 52 کھرب 93 ارب 50 کروڑ روپے کا بجٹ پیش قومی اسمبلی میں اپوزیشن لیڈر اور پیپلز پارٹی رہنما سید خورشید شاہ کا کہنا تھا کہ ‘حکومت یہ بجٹ پیش کرکے اگلی اسمبلی کا حق چھین رہی ہے، حکومت کو کوئی حق نہیں کہ وہ ایک سال کا بجٹ پیش کرے’۔

لاہور (ویب ڈیسک) چیف جسٹس آف پاکستان نے پنجاب انسٹیٹیوٹ آف مینٹل ہیلتھ لاہور میں بھارتی خاتون کی موجودگی کا نوٹس لے لیا۔پنجاب انسٹیٹیوٹ آف مینٹل ہیلتھ لاہور کے دورے کے دوران چیف جسٹس نے مختلف وارڈز کے دورے کے دوران مریضوں کی عیادت کی اور ہسپتال میں فراہم کی جانے والی سہولیات کا جائزہ لیا۔ اس موقع پر چیف جسٹس نے مینٹل ہسپتال میں بھارتی خاتون کی موجودگی کا نوٹس لے لیا، چیف جسٹس نے کہا ”یہ خاتون یہاں کیا کررہی ہے؟ بھارتی ایمبیسی سے رابطہ کرکے اسے واپس بھجوائیں“۔خیال رہے کہ مذکورہ بھارتی خاتون مینٹل ہسپتال میں گزشتہ کافی عرصے سے زیر علاج ہے۔

مردان (ویب ڈیسک)پاکستان مسلم لیگ ن آج مردان میں سیاسی طاقت کا مظاہرہ کرے گی، وزیراعلیٰ شہبازشریف جلسے سے خطاب کریں گے۔مسلم لیگ ن آج مردان میں عوامی طاقت کا مظاہرہ کرےگی،جلسے کیلئے انتظامات کو حتمی شکل دی جا رہی ہے،پنڈال کو پارٹی پرچموں اور پارٹی قیادت کے بینرزسے سجا دیا گیا،اس موقع پر سکیورٹی کے سخت انتظامات کئے گئے ہیں، پارٹی کی قیادت جلسے سے خطاب کریگی۔