راولپنڈی(ویب ڈیسک)موٹروے پولیس کے دو اہلکاروں کوسابق چیئرمین نیشنل ہائی وے اتھارٹی کے چیئرمین کا دو دفعہ چالان کرنے پر نوکری سے نکال دیا گیا لیکن اب سابق ایئرکموڈور ضیائ الرحمان کی گاڑی کا چالان کرنے کی کوشش کرنیوالے ٹریفک وارڈنز کے بارے میں خبرآگئی۔ ”راولپنڈی کے مال روڈ پر ایک واقعہ پیش آیا جہاں دو ٹریفک وارڈنز نے ریٹائرڈ ایئرکموڈور ضیائ الرحمان کی گاڑی کی غلط پارکنگ دیکھی تو اٹھانے اور قانون پر عمل درآمد کی کوشش کی تو ایئرفورس کے باوردی جوان آٹو میٹک اسلحہ سمیت موقع پر پہنچ گئے اور گالم گلوچ کیا، اب ایئرچیف بتائیں کہ انہوں نے کس طرح ایک ریٹائرڈ افسر کے کہنے پر بندوق تانی، گالیاں نکالیں اور وارڈن کے یونیفارم کے بٹن توڑے “۔” مسلح افواج بھی دیگر اداروں کی طرح عوام کے ادا کردہ ٹیکس سے تنخواہ لیتے ہیں، کیا کونسا قانون ہے کہ باوردی جوان ایک ریٹائرڈ افسر کے کہنے پر قانون کی پیروی کرنیوالے وارڈنز کو برا بھلا کہیں اور پولیس پر دباﺅ ڈالیں ، بعد میں کہیں کہ صلح ہوگئی۔ آفیشل ورڑن لیں، جب سرکاری طورپر موقف لینے کی کوشش کی گئی تو پتہ چلا کہ ایئرکموڈور علی فرانس میں ہیں جبکہ گروپ کیپٹن ندیم نے موقف اپنایاکہ شاید کوئی خاتون تھی جو غصے میں آگئی، اس دلیرانہ کارروائی پر ٹریفک وارڈنز کو انعام دینا چاہیے ، فضائیہ کے اہلکاروں کیخلاف تاحال نہ تو کوئی کارروائی کی گئی اور نہ ہی کسی نے کچھ پوچھ گچھ کی ، یہ صرف ٹریفک وارڈنز کیساتھ نہیں بلکہ موٹروے پولیس اہلکاروں کیساتھ بھی کیاگیا، جنہوں نے سابق چیئرمین این ایچ اے کا چالان کیا تو انہیں نوکری سے نکال دیاگیا“۔

اسلام آباد (ویب ڈیسک) سابق وزیر داخلہ کے ترجمان نے واضح کیا ہے کہ چوہدری نثا رعلی خان تحریک انصاف میں شامل نہیں ہورہے۔تفصیلات کے مطابق منگل کو عمران خان نے بیان دیا تھا کہ ایک بڑی وکٹ گرنے والی ہے جس کے بعد سابق وزیر داخلہ چوہدری نثار کی پی ٹی آئی میں شمولیت کی خبریں گردش کررہی تھیں تاہم مقامی نیوز ویب پورٹل کے مطابق چوہدری نثار کے ترجمان نے وضاحتی بیان جاری کیا ہے جس میں کہا گیا ہے کہ چوہدری نثار پی ٹی آئی میں شمولیت اختیار نہیں کررہے اور چوہدری نثار کی پی ٹی آئی میں شمولیت سے متعلق گردش کرنے والی تمام خبریں بے بنیاد ہیں۔

اسلام آباد(ویب ڈیسک) مسلم لیگ (ن) کے رہنما خواجہ آصف نے نااہلی کیس کا فیصلہ سپریم کورٹ میں چیلنج کرنے کا اعلان کردیا۔اسلام آباد ہائیکورٹ نے تحریک انصاف کےرہنما عثمان ڈار کی درخواست پر فیصلہ سناتے ہوئے خواجہ آصف کو نااہل قرار دیا ہے۔ خواجہ آصف نے کہا کہ وہ اس فیصلے کو سپریم کورٹ میں چیلنج کریں گے۔ خواجہ آصف نے کہا کہ اس میں کسی نے کوئی کمال نہیں کیا، یا تو انہوں نے اقاما چھپایا تھا، اگر چھپائی ہوئی چیز باہر آتی تو کمال ہوتا۔حامد میر کے مطابق مسلم لیگ (ن) کےرہنما کا کہنا تھاکہ وہ جب سے سیاست میں ا?ئے انہوں نے تب سے اپنے اکاو¿نٹس اور اقاما ظاہر کیا ہوا تھا جو انہوں نے الیکشن کمیشن میں بھی ڈکلیئرڈ کیا، جس اقامے کی تصویر دکھائی جارہی ہے وہ خود الیکشن کمیشن کو دیا ہے۔