اسلام آباد (ویب ڈیسک )چیئرمین تحریک انصاف عمران خان کا کہنا ہےکہ خواجہ آصف نے خود ووٹ کے تقدس کو پامال کیا۔چیئرمین پی ٹی آئی عمران خان سے بنی گالہ میں پارٹی رہنما عثمان ڈار نے ملاقات کی جس میں خواجہ آصف نا اہلی کیس کے ممکنہ فیصلے پر مشاورت کی گئی۔عمران خان نے کیس کو جارحانہ انداز میں لڑنے پر عثمان ڈار کو شاباش دی اور فیصلے کے بعد پھر ملاقات کی بھی ہدایت کی۔اس موقع پر گفتگو کرتے ہوئے عمران خان کا کہنا تھاکہ یہ کیس کسی کی ذات کا نہیں، پاکستان کے مستقبل کا تھا، خواجہ آصف نے ووٹ کے تقدس کو خود پامال کیا۔

اسلام آباد(ویب ڈیسک ) چیف جسٹس پاکستان نے قرضہ معافی کے کیس میں ریمارکس دیئے کہ جنہوں نے قرض معاف کرائے ان سے وصول کریں گے اور رقم نہیں تو اثاثے فروخت کرکے رقم وصول کریں گے۔سپریم کورٹ میں چیف جسٹس پاکستان کی سربراہی میں 3 رکنی بینچ نے قرضہ معافی سے متعلق ازخودنوٹس کیس کی سماعت کی جس سلسلے میں نیشنل بینک اور نجی بینک کے وکیل بھی عدالت میں پیش ہوئے۔نیشنل بینک کے وکیل نے عدالت کو بتایا کہ اس کیس میں مین پارٹی اسٹیٹ بینک ہے جب کہ نجی بینک کےوکیل نے دلائل میں کہا کہ اسٹیٹ بینک ریگولیٹری اتھارٹی ہے اور بینکوں نے قرضے معاف کیے۔نجی بینک کے وکیل نے اپنے دلائل میں کہا کہ نیشنل بینک کمیشن کا کہنا ہےکہ قصہ ماضی ہے، لیکن بینک اس پیسے کی واپسی میں گہری دلچسپی رکھتے ہیں۔چیف جسٹس نے استفسار کیا کہ کمیشن کی رپورٹ کہاں ہے؟ اس پر نیشنل بینک کے وکیل نے جواب دیا کہ مجھے بھی رپورٹ دیکھنے کا موقع نہیں ملا۔جسٹس ثاقب نثار نے سوال کیا کہ کوئی اندازہ ہے کتنے ارب معاف ہوئے؟ نجی بینک کے وکیل نے بتایا کہ 54 ارب روپے معاف ہوئے۔

راولپنڈی (ویب ڈیسک)آرمی چیف جنرل قمر جاوید باجوہ نے پشتون تحفظ موومنٹ (پی ٹی ایم ) کی سرگرمیوں کا جائزہ لینے کیلئے فوج اور سول اداروں میں اعلیٰ عہدوں پر فائز رہنے والے ریٹائرڈ سینئر پشتون افسران سے ملاقات کی جس میں پی ٹی ایم اور خطے کے حوالے سے مشاورت کی گئی۔ ملاقات کے شرکا کا کہنا ہے کہ پی ٹی ایم کے سخت گیر رویے اور بالخصوص پاک فوج کے خلاف نعرے بازی کے باوجود آرمی چیف جنرل قمر جاوید باجوہ کا تحریک کے حوالے سے رویہ انتہائی مثبت رہا۔برطانوی خبر رساں ادارے بی بی سی کے مطابق جنرل قمر جاوید باجوہ نے قبائلی نوجوانوں کی تنظیم پشتون تحفظ تحریک (پی ٹی ایم) کی سرگرمیوں اور فاٹا کی موجودہ صورتحال پر مشاورت کے لیے فوج اور سول اداروں میں اہم عہدوں پر فائض رہنے والے سابق سنئیر پشتون افسران سے ملاقات کی۔ملاقات ہیڈکوارٹر جی ایچ کیو میں ہوئی جس میں فوج کے سابق سنئیر پشتون افسران جنرل احسان، جنرل علی قلی خان، جنرل حامد خان، جنرل عالم خٹک، میجر جنرل تاج الحق، بریگیڈیر ریٹائرڈ سعد محمد، محمود شاہ، سابق چیف سیکرٹری جاوید اقبال اور سابق پولیس سربراہ عباس خان نے شرکت کی۔

سرگودھا(ویب ڈیسک)تہرے قتل کے 2 مجرموں کی پھانسی آخری لمحات میں روک دی گئی۔سرگودھا کی جیل میں آج صبح تہرے قتل کے 2 مجرموں خضر اور امجد کی پھانسی آخری لمحات میں روک دی گئی۔ مجسٹریٹ نے دونوں مجرموں کی پھانسی صلح کی کوششوں کی درخواست پر چند روز کےلئے موخر کر دی۔ پھانسی کے دونوں مجرموں خضر اور امجد نے زمین کے تنازعہ پر بھیرہ میں 3 قتل کیے تھے جنہیں آج صبح پھانسی پر لٹکایا جانا تھا۔

لاہور (ویب ڈیسک ) پنجاب ڈرگ ایکٹ 2017 کےخلاف صوبے کے مختلف شہروں کے میڈیکل اسٹورز مالکان کی ہڑتال جاری ہے۔پنجاب ڈرگ ایکٹ 2017 کے خلاف ملتان، حافظ آباد، کمالیہ، ٹوبہ ٹیک سنگھ، راجن پور، جہانیاں، بھکر اور گوجرانوالہ میں میڈیکل اسٹورز بند ہیں۔میڈیکل اسٹورز مالکان کی جانب سے کی جانے والی ہڑتال کے باعث مریضوں کو ادویات کے حصول میں شدید مشکلات کا سامنا ہے۔یاد رہے کہ ڈرگ ایکٹ 2017 کے تحت میڈیکل اسٹور میں ہر وقت ایک ماہر فارماسسٹ کی موجود گی لازمی قرار دی گئی ہے اور میڈیکل اسٹور میں گندگی پر بھی سزا ہو گی۔نئے ایکٹ کے تحت جعلی ادویات بنانے والوں کے خلاف سزاو¿ں میں اضافہ کیا گیا ہے اور بغیر لائسنس ادویات بنانے یا فروخت کرنے والوں کو 3 سے 10 سال تک قید کی سزا ہوگی جب کہ 5 کروڑ روپے تک جرمانہ عائد کیا جاسکے گا۔