ممبئی(شوبز ڈیسک)بالی وڈ اداکارہ پریانکا چوپڑا نے کہا ہے کہ خواتین کو معاشرے میں ہمیشہ دوسرے درجے کا شہری سمجھا جاتا ہے اور وہ بچیوں کو حقارت کی نظر سے دیکھنے والوں کی سوچ میں تبدیلی ضرور لانا چاہیںگی۔ بھارتی ذرائع ابلاغ کے مطابق اداکارہ پریانکا چوپڑا نے کہا ہے کہ ہم انتہائی پدرسری معاشرے میں رہ رہے ہیں جہاں خواتین کو ہمیشہ دوسرے درجے کا شہری سمجھا جاتا ہے اور یہ نہ صرف بھارت میں بلکہ پوری دنیا میں رائج ہے، ہمیں اپنے لئے آگے بڑھنے اور لیڈر بننے کے مواقع حاصل کرنے ہوں گے اور ایک چیز میں نے دیکھی ہے کہ اب خواتین آگے بڑھنا چاہتی ہیں جو ۔ انہوں نے کہا کہ ہمیں بچیوں کو آگے بڑھنے اور خود کو ثابت کرنے کے لئے موقع دینے چاہیئں اور انہیں حقارت کی نظر سے دیکھنا ایک ایسی چیز ہے جس میں تبدیلی دیکھنا چاہتی ہوں۔

ممبئی(شوبزڈیسک)بالی وڈ اداکارہ کترینہ کیف نے فلم ”زیرو“ کے سیٹ سے دلہن کے حلیے میں لی گئی تصویر انسٹاگرام پر شیئر کر دی ہیں۔جمعرات کو سماجی رابطے کی ویب سائٹ انسٹا گرام پر نامور اداکارہ کترینہ کیف نے ہدایتکار آنند ایل رائے کی فلم ”زیرو“ کے سیٹ سے دلہن کے حلیے میں لی گئی تصویر جاری کرتے ہوئے آج کےلئے زیرو لکھا ہے،تصویر میں اداکارہ کترینہ کیف ساڑھی،زیورات اور روایتی میک اپ میں بہت خوبصورت دکھائی دے رہی ہیں۔فلم میں اداکار شاہ رخ خان،انوشکا شرما اور کترینہ کیف مرکزی کردار ادا کر رہے ہیں، فلم رواں سال 21 دسمبر کو ریلیز کی جائےگی۔

لاہور(شوبزڈیسک ) اداکارہ وماڈل عینی جعفری نے کہا کہ میں کوشش کرتی ہوں کہ جب کوئی پروجیکٹ سائن کروں تو اس میں اپنے کردار پرمحنت کروں ۔ جہاں تک بات وسائل کی ہے توپھر وسائل کے ساتھ اسکرپٹ،میوزک اور کاسٹنگ سمیت ہر شعبہ کا مضبوط پیپر ورک ہونا ضروری ہے، ان میں سے کہیں بھی ذرا سی کوتاہی کا خمیازہ پوری ٹیم کو بھگتنا پڑتا ہے جب کہ وقت کے ساتھ فلم میکنگ میں بہتری آتی جارہی ہے، ہر کوئی ایک دوسرے سے منفرد نظر آنے کے لیے محنت کر رہا ہے۔ایک سوال کے جواب میں عینی جعفری نے کہا کہ پاکستانی فنکاروں میں ٹیلنٹ کی کوئی کمی نہیں ہے۔ بس اسکرپٹ اورکہانی جاندارہونے کی ضرورت ہے۔ جہاں تک بات فلم اور ڈرامے کے مزاج میں فرق کی ہے تواس کیلیے وقت درکارہے۔ یہ سب کچھ راتوں رات تبدیل نہیں ہوگا۔اداکارہ نے کہا کہ اس وقت ہماری فلم انڈسٹری ایک طرح سے ابتدائی دورمیں ہے اورکچھ عرصہ بعد یہی لوگ ایسی فلمیں پروڈیوس کرنے لگیں گے کہ پھردنیا بھر کے فنکار اور فلم میکر یہاں کام کرنے کی خواہش رکھنے کے ساتھ ساتھ کوپروڈکشن کیلئے بھی پیچھے پیچھے ہوں گے۔

ممبئی (شوبزڈیسک) بالی وڈ اداکارہ کرینہ کپور خان نے کہا ہے کہ وہ ہمیشہ سے اداکاری کے شعبے کو اپنانا چاہتی تھیں اور اسے چھوڑنے یا اس کے بغیر زندگی کا تصور بھی نہیں کر سکتی۔ بھارتی ذرائع ابلاغ کے مطابق اداکارہ کرینہ کپور خان نے کہا ہے کہ وہ ہمیشہ سے اداکاری کے شعبے کو اپنانا چاہتی تھیںلہٰذا 18 سال اداکاری کرنے کے بعد وہ سب کچھ سوچ سکتی ہیں لیکن اداکاری کو چھوڑنے یا اس کے بغیر زندگی کو تصور نہیں کر سکتیں۔ اداکارہ کرینہ کپور خان ہدایتکار ششانکا گھوش کی فلم ”ویر دی ویڈنگ“ میں دکھائی دیں گی جس میں ان کے ساتھ اداکارہ سونم کپور، سوارا بھاسکر، شیکھا تلسانیا بھی شامل ہیں۔فلم رواں سال یکم جون کو ریلیز کی جائے گی۔

لاہور(شوبزڈیسک ) اداکارہ سوہائے علی ابڑو کی نئی فلم ” موٹر سائیکل گرل“کا پہلا گانا ”اڑ چلے “ریلیز کردیا گیا۔عدنان سرور کی ہدایتکاری میں بنائی جانے والے اس فلم میں سوہائے علی ابڑو کے ساتھ علی کاظمی مرکزی کردار نبھارہے ہیں جبکہ فلم کی دیگر کاسٹ میں سرمد کھوسٹ، ثمینہ پیر زادہ، شمیم ہلالی شامل ہیں، فلم کی کہانی خود عدنان سرور نے تحریر کی ہے۔فلم کے پہلے گانے اڑ چلے کو جامی اورلوگوز فلمز نے ریلیز کیا ہے۔اڑچلے کی موسیقی باصلاحیت موسیقار زلفی نے تیار کی ہے جب کہ اسے ترتیب شیری خٹک نے دیا ہے۔اس فلم میں سوہائے علی کو ایک ایسی لڑکی کے طور پر پیش کیا گیا ہے جو کہ اپنے والد کی خواہش کو پورا کرنے کے لیے پورے ملک کا سفر موٹر سائیکل پر بیٹھ کر طے کررہی ہے، فلم 20اپریل 2018کو بڑے پردے کی زینت بنے گی۔

کراچی (شوبزڈیسک) مارننگ شو کی ہوسٹ صنم بلوچ کی انگوٹھی چوری ہوگئی۔ صنم بلوچ نے اپنی ماسی کے گھر پولیس کا چھاپا پڑوا دیا۔ ذرائع کے مطابق صنم بلوچ پولیس کی بھاری نفری لے کر نیلم کالونی میں رہائش پذیر ماسی کے گھر پہنچ گئیں۔ اور گھر میں توڑ پھوڑ کی۔ ماسی قسمیں کھاتی رہ گئی۔ تاہم انگوٹھی کا پھر بھی کچھ پتہ نہ چل سکا۔