اسلام آباد(ویب ڈیسک) پاکستان تحریک انصاف کے چیئرمین عمران خان کا کہنا ہے کہ نواز شریف نظریہ نہیں بلکہ مافیا کا نام ہے اور قوم سپریم کورٹ کے فیصلوں سے بہت خوش ہے۔اسلام آباد میں میڈیا سے بات کرتے ہوئے عمران خان نے کہا کہ سینیٹ الیکشن کے دوران بےقاعدگیوں سے متعلق وکلا سے مشاورت کررہے ہیں۔ ہم سینیٹ الیکشن کے دوران ووٹ بیچنے والے ارکان کو نکال دیں گے، ہمیں ایسے لوگوں کی کوئی ضرورت نہیں۔ انہوں نے کہا کہ جسے انتخابی ٹکٹ نہیں ملتا وہ الزام لگاتا ہے کہ پارٹی نظریاتی نہیں رہی، الیکشن لڑنا بھی ایک سائنس ہے، ہم کرکٹ کا میچ ہاکی کی ٹیم سے نہیں کھیلیں گے۔ وفادار، نظریاتی اور الیکشن لڑنا جاننے والے کو ہی الیکشن میں آگے کروں گا۔چیئر مین پی ٹی آئی کا کہنا تھا کہ فاٹا میں بہت بڑا خلا ہے، قبائلی عوام کو قومی دھارے میں لانا بہت ضروری ہے، دشمن اس خلا کو اپنے لیے استعمال کرسکتا ہے، ہم فاٹا کے حقوق کے لیے جدوجہد کررہے ہیں، قبائلی علاقے کے لوگوں کی شکایات جائز ہیں، محمود اچکزئی اور فضل الرحمان کی وجہ سے فاٹا کا انصمام نہیں ہوسکا، نواز شریف نظریہ نہیں بلکہ مافیا کا نام ہے، خواجہ آصف کی ہائی کورٹ میں 16 لاکھ روپے ماہانہ تنخواہ وصولی ثابت ہوئی ہے، خواجہ آصف کے وہ بینک اکاو¿نٹس ثابت ہوئے جس میں کئی پیسے منتقل ہوئے۔ قوم سپریم کورٹ کے فیصلوں سے بہت خوش ہے۔عمران خان نے کہا کہ اوورسیز پاکستانی ملک کا سب سے قیمتی اثاثہ ہیں، اگر وہ زر مبادلہ پاکستان نہ بھیجیں تو حکومتیں بحران کا شکار ہوجائیں، ہم سمندر پار مقیم پاکستانیوں سے متعلق فضل الرحمان کے بیان کی مذمت کرتے ہیں، چیف جسٹس اوورسیز پاکستانیوں کو ووٹنگ کا حق دینے والے ہیں۔چیئرمین تحریک انصاف کا کہنا تھا کہ ماضی میں غیرجماعتی الیکشن کروا کر نظریاتی سیاست دفن کی گئی لیکن اب پاکستان میں نظریاتی سیاست ہونی چاہیے، اچھا بلدیاتی نظام آجاتا تو نئے صوبے کی آوازیں نہ اٹھتیں، جنوبی پنجاب کے پسماندہ عوام کو حقوق ملنے چاہییں، جنوبی پنجاب میں علیحدہ صوبہ ضرور بننا چاہیے۔آئندہ نگراں حکومت کے حوالے سے عمران خان نے کہا کہ نگراں حکومت کا کام صاف اورشفاف الیکشن کرانا ہے، پچھلی نگراں حکومت صاف اور شفاف الیکشن کرانے میں ناکام رہی، چارٹر آف ڈیموکریسی کے تحت مک مکا کرکے اپنے اپنے امپائر کھڑے کیے گئے، 22 جماعتوں نے 2013 کے الیکشن کو متنازع قرار دیا، یورپ اوربرطانیہ میں نگراں حکومت نہیں لائی جاتی۔ یہاں دھاندلی اور بے ایمانی کے خطرے کے باعث نگراں حکومت لانی پڑتی ہے۔ سابق تجربات کی روشنی میں نگراں حکومت کے لیے مشاورت ضروری ہے۔ انہوں نے کہا کہ حکومت جانے میں 45 دن رہے گئے ہیں اور اگلےسال کا بجٹ پیش کیا جارہا ہے، خیبرپختونخوا میں پرویز خٹک بجٹ پیش نہیں کریں گے۔اڈیالہ جیل کی صفائی سے متعلق خبروں پر عمران خان نے کہا کہ اڈیالہ جیل کی صفائی ہورہی ہے، جلد ملک کے مجرم وہاں جائیں گے، ہمارا المیہ یہ ہے کہ طاقتور کے لیے الگ اور کمزور کے لیے الگ قانون ہے، اڈیالہ جیل کی صفائی کیوں ہورہی ہے، کیا سائیکل چوری کے مجرم کو گندی جگہ اور 300 ارب روپے چوری کرنے والے کو صاف جگہ ملے گی۔اس سے قبل تحریک انصاف کے مرکزی مجلس عاملہ کے اجلاس میں 4 قراردادیں منظور کی گئیں ، یہ قراردادیں فاٹا کو فوری خیبرپختونخوا میں ضم کرنے، اوورسیزپاکستانیوں کو ووٹ کا حق دینے اور غیر جانبدار لوگوں پر مشتمل نگران حکومت بنانے سے متعلق تھیں۔

پشاور (ویب ڈیسک)خیبرپختونخوا میں صحت کے اگلے مالی سال کے لئے 9 ارب 25 کروڑ روپے پر مشتمل ترقیاتی منصوبوں کا خاکہ تیارکرلیا گیا ہے جس کے تحت کوئی نیا بڑا منصوبہ شروع نہیں کیا گیا جبکہ صحت انصاف کارڈ کے منصوبے کو مستقل طورپرجاری بجٹ کا حصہ بنانے کی تجویزدی گئی ہے۔دوسری جانب متعدد ایسےمنصوبے ایک بارپھربجٹ کا حصہ ہوں گے جوگزشتہ سالوں میں بھی بجٹ کا حصہ رہے لیکن مکمل نہ کئے جاسکے۔محکمہ صحت کی جانب سے محکمہ ترقی ومنصوبہ بندی کو بھیجے گئے اگلے سال کے لئےمنصوبوں کے اس خاکے کے تحت سال 19-2018 کے ترقیاتی بجٹ کے لئے 9 ارب 25 کروڑ روپے درکار ہوں گے۔اگلے مالی سال کے ترقیاتی بجٹ میں نیا منصوبہ شامل نہیں کیا جارہا بلکہ جاری منصوبوں کے لئے ہی رقوم مختص کی جارہی ہیں۔حکومتی ذرائع کا کہنا ہے کہ صوبائی حکومت نے اس حوالے سے پالیسی مرتب کی ہے کہ جو بھی بڑا منصوبہ شروع کرنا ہو وہ ا?نے والی حکومت کرے۔نئے بجٹ میں جن منصوبوں کے لئے رقوم مختص کی جارہی ہیں ان کی تعداد 67 ہے جن پر 8 ارب 3 کروڑ روپے خرچ ہوں گے۔جھلسے ہوئے مریضوں کے لئے برن اینڈ ٹراما سینٹر کا قیام اوردماغی ونفسیاتی مریضوں کے لئے حیات ا?باد میں فاو?نٹین ہاو?س کا قیام بھی منصوبوں میں شامل ہے۔نئے بجٹ میں 14 بنیادی مراکز صحت کو دیہی مراکز صحت کے طورپراپ گریڈ کرنے کا منصوبہ بھی شامل ہے جبکہ 39 لیڈی ہیلتھ ورکرز اورکمیونٹی ہیلتھ ورکرز کو بھرتی کرنا بھی بجٹ میں شامل ہوگا۔

راولپنڈی (ویب ڈیسک)سابق آرمی چیف جنرل(ر)راحیل شریف اپنی ریٹائرمنٹ کے بعد بھی پاکستانی عوام کے دلوں میں اپنا گھر کئے ہوئے ہیں۔ ان کی سعودی عرب اور پاکستان میں عوامی رنگ میں ویڈیوز اور تصاویر سوشل میڈیا پر وائرل ہوتی رہی ہیں تاہم اب ان کی اپنے بیٹے کی شادی کے موقع پر مہندی کی تقریب میں ڈانس کی ویڈیو سوشل میڈیا پر وائرل ہو گئی ہے جس میں دیکھا جا سکتا ہے کہ سابق آرمی چیف بیٹے کی شادی کی خوشی میں مہندی کی تقریب میں دیگر مہمانوں کے ہمراہ ڈانس کر رہےہیں۔ راحیل شریف کے بیٹے عمر کی بارات کی تصاویر بھی سوشل میڈیا پر آچکی ہیں جن میں دیکھا جا سکتا ہے کہ راحیل شریف نے اپنی بہو کا لہنگا ا±ٹھا رکھا ہے، بہو کا لہنگا اٹھانے کی تصاویر سوشل میڈیا پر وائرل ہوتے ہی سوشل میڈیا صارفین نے راحیل شریف کے عجز و انکساری کے جذبے کو سراہا ہے۔ صارفین کا کہنا تھا کہ سابق آرمی چیف کا رخصتی کے موقع پر اپنی بہو کا لہنگا اٹھا کر انہیں چلنے پر مدد دینا اور اس میں کوئی عار محسوس نہ کرنا دراصل اعلیٰ ظرفی اور عجزو انکساری کی نشانی ہے اور نئی بہو کیلئے رخصتی کے موقع پرپدرانہ شفقت کے جذبوں کا اظہار یقیناََ قابل ستائش جذبہ ہے۔ یہاں قارئین کی اطلاع کیلئے کہ سابق آرمی چیف اور پاکستانی عوام کے ہیرو جنرل(ر)راحیل شریف کے بیٹے عمر کی شادی معروف کار ساز کمپنی ہنڈا اٹلس کے چیئرمین یوسف شیرازی کے قریبی رشتہ دار فاروق طور کی صاحبزادی مہک طور سے سر انجام پائی ہے۔واضح رہے کہ اس سے قبل سعودی عرب میں شاہی خاندان کی ایک شادی کی تقریب کے دوران سابق آرمی چیف جنرل(ر)راحیل شریف کا تلواروں کے ہمراہ رقص کی ویڈیو بھی سوشل میڈیا پر وائرل ہو چکی ہے اس کے علاوہ راحیل شریف اپنے آبائی علاقے میں ایک ہسپتال بھی بنا رہے ہیں جس کی تعمیر میں وہ ذاتی دلچسپی لے رہے ہیں اور ہسپتال کی زیر تعمیر عمارت میں ایک عام سے کرسی پر بیٹھ کر تمباکو نوشی کرتے ہوئے راحیل شریف کی تصویر بھی سوشل میڈیا کی زینت بن چکی ہے

اسلام آباد(ویب ڈیسک)پاکستان کے مایہ ناز آل راﺅنڈر کرکٹر صاحبزادہ شاہد خان آفریدی نے سندھ کے اندر پیپلزپارٹی کے ساتھ کھڑا ہونے کا اعلان کر دیا، عوامی فلاح کے کاموں میں ہاتھ بٹانے کی پیش کش کر دی۔ تفصیلات کے مطابق پاکستان کے مایہ ناز آل راﺅنڈر کرکٹر صاحبزادہ شاہد خان آفریدی نے ایک تقریب میں خطاب کرتے ہوئے پیپلزپارٹی کو اپنی جماعت قرار دیتے ہوئےکہا ہے کہ سندھ میرا اپنا صوبہ ہے اور جب کچھ ٹھیک نہیں ہو رہا ہوتا تو میں پیپلزپارٹی پر تنقید بھی کرتا ہوں اور درحقیقت پیپلزپارٹی میری اپنی پارٹی ہے اور میں سندھ میں پیپلزپارٹی کے ساتھ مل کر کام کرنا چاہتا ہوں۔ تقریب میں بلاول بھٹو زرداری بھی موجود تھے۔ شاہد آفریدی نے سندھ میں عوامی فلاح کے کاموں میں ہاتھ بٹانے کی پیش کش کرتے ہوئے مزید کہا کہ بلاول بھٹو زرداری سے میری دو تین ملاقاتیں پہلے بھی ہو چکی ہیںلیکن حالیہ دنوں میں ان سے ملاقات نہیں ہو سکی۔ اور اب جب بھی ملاقات ہوئی تو میں بلاول سے یہ بات ضرور کروں گا کہ بلاول اس ماں کا بیٹا ہے جس نے اس ملک کیلئے جان دی ہے جو اس ملک کیلئے شہید ہوئی ہے۔ اس موقع پر شاہد خان آفریدی نے حاضرین محفل کو شریک قرار دیتے ہوئے کہا کہ مجھ سمیت یہاں موجود سبھی لوگ بلاول بھٹو زرداری سے بہت زیادہ امیدیں وابستہ کر چکے ہیں کہ جس طرح ان کی والدہ نے ہم لوگوں کیلئے کام کیا اور سوچا وہ قابل ستائش ہے اور بلاول بھی اسی طرح چلیں گے۔ شاہد آفریدی نے بینظیر بھٹو شہید کو خراج تحسین پیش کرتے ہوئے کہا کہ وہ ایک نہایت دلیر اور بہادر خاتون تھیں میں نے اپنی زندگی میں اتنی دلیر اور بہادر خاتون نہیں دیکھیں۔ بینظیر بھٹو شہید بلاشبہ ہمارے لئے ایک رول ماڈل تھیں۔ شاہد آفریدی نے اپنے سامنے براجمان بلاول بھٹو زرداری کو مخاطب کرتے ہوئے کہا کہ اب ہمیں کراچی کے کچرےسے باہر نکل آنا چاہئے اوربڑے کاموں کی جانب اپنی توجہ مبذول کرنا ہو گی۔ کراچی نے بہت قتل و غارت دیکھ لی اب اسے حقیقی معنوں میں بڑے شہر کے مطابق درجہ دیتے ہوئے اس کی ترقی کیلئے کام کرنا ہو گا۔ میں اس موقع پر آپ سے کہوں گا آپ کراچی کے حوالے سے اپنی ایک ٹیم تشکیل دیں جس میں پروفیشنل لوگ موجود ہوں جو کہ آپ کو صحیح راستہ دکھاسکیں تاکہ کراچی وہاں پہنچ سکے جہاں اسے ہونا چاہئے تھا۔