Yearly Archives: 2018

شوبز

”ماہیا “سے مشہور ہونیوالی گلوکارہ عینی کے گوجرانوالہ میں کنسرٹ کا ڈراپ سین

گجرانوالہ (ویب ڈیسک)گجرانوالہ میں نجی کالج کے ایک کانسرٹ کے دوران اسٹیج گر گیا جس کے نتیجے میں گلوکارہ عینی خالد سمیت 10 طالبات زخمی ہوگئیں۔گجرانوالہ کے جناح اسٹیڈیم میں نجی کالج کے زیر اہتمام ایک میوزیکل کانسرٹ کا انعقاد کیا گیا ھا، جہاں عینی خالد پرفارم کر رہی تھیں، اسی دوران گلوکارہ کے ساتھ سیلفی لینے کے لیے کچھ طالبات بھی اسٹیج پر چڑھ گئیں۔تاہم اسٹیج زیادہ افراد کا وزن برداشت نہ کرسکا اور دھڑام سے نیچے آن گرا، جس کے نتیجے میں گلوکارہ عینی خالد اور 10 طالبات زخمی گئیں۔واقعے میں زخمی ہونے والوں کو فوری طور پر طبی امداد فراہم کردی گئی۔نجی کالج کے پرنسپل پروفیسر سلیم کے مطابق گلوکارہ عینی خالد کو کندھے پر چوٹ آئی اور وہ پرفارمنس چھوڑ کر لاہور چلی گئیں۔عینی خالد کے مشہور گانوں میں ‘ماہیا’ اور ‘تو میرا دل’ شامل ہیں۔

انٹر نیشنل

2018 ءکا پہلا سورج گرہن آج , کیا پاکستان میں دیکھا جا سکے گا ؟

آسٹریلیا (ویب ڈیسک)آسٹریلیا، انٹارکٹیکا، کینیڈا، شمال مشرقی ایشیا، شمالی یورپ، گرین لینڈ اور روس کے شمالی علاقوں میں آج رواں برس کا پہلا سورج گرہن دیکھا جا سکے گا۔سورج گرہن کا آغاز رات 11 بج کر 52 منٹ پر ہوگا جب کہ ممکنہ طور پر مکمل سورج گرہن رات ایک بج کر 55 منٹ پر ہوگا جو رات 3 بج کر 42 منٹ پر ختم ہوجائے گا۔واضح رہے کے سال کا پہلا سورج گرہن پاکستان اور بھارت میں نہیں دیکھا جاسکے گا۔رواں برس 2018 میں ایک دفعہ بھی مکمل سورج گرہن نہیں ہوگا جب کہ 2 جولائی 2019 کو مکمل سورج گرہن کا مشاہدہ کیا جا سکے گا۔خیال رہے کہ سورج گرہن اس وقت لگتا ہے جب چاند، سورج اور زمین کے درمیان آجاتا ہے، جس کی وجہ سے سورج کا مکمل یا کچھ حصہ دکھائی دینا بند ہو جاتا ہے اور اس صورت میں چاند کا سایہ زمین پر پڑتا ہے۔اس سے قبل گذشتہ ماہ کے آخر میں پاکستان سمیت دنیا کے مختلف ممالک میں 150 سال بعد ’سپر بلیو بلڈ مون‘ یعنی سرخی مائل نارنجی چاند کا نظارہ کیا گیا تھا۔

اہم خبریں, پاکستان

نواز شریف اور مریم کو جانے دیں مجھے روک لیں ضامن کے طور پر کس نے پیش ہونیکی حامی بھر لی دیکھئے خبر

اسلام آباد(ویب ڈیسک )احتساب عدالت نے نوازشریف اور مریم نواز کی حاضری سے استثنیٰ کی درخواستیں مسترد کر دیں اور آئندہ سماعت پر حاضری یقینی بنانے کی ہدایت کردی۔تفصیلات کے مطابق احتساب عدالت میں شریف فیملی کیخلاف نیب ریفرنسزکی سماعت ہوئی، احتساب عدالت کے جج محمد بشیر نے ریفرنسز کی سماعت ہوئی۔دوران سماعت عدالت کے رو برو کیپٹن (ر)صفدر نے کہاکہ نوازشریف اورمریم نوازکوجانے دیں،مجھے روک لیں،میں نوازشریف اورمریم نواز کے ضامن کے طورپرپیش ہوتارہوں گا۔سابق وزیراعظم کے وکیل نے کلثوم نوازکی میڈیکل رپورٹ عدالت میں پیش کی۔اس پر نیب پراسیکیوٹر نے نوازشریف اورمریم نوازکی حاضری سے استثنیٰ کی درخواست کی مخالفت کردی۔عدالت نے فریقین کے وکلا کے دلائل سننے کے بعد محفوظ فیصلہ سناتے ہوئے نوازشریف اور مریم نواز کی حاضری سے استثنیٰ کی درخواستیں مسترد کردیں۔

اہم خبریں, پاکستان

نیب ریفرنسز ، ٹرائل مکمل ہونے کے قریب پہنچ گیا ، عدالت نے نواز ، مریم ، صفدر بارے اہم فیصلہ سنا دیا

اسلام آباد(ویب ڈیسک )احتساب عدالت نے سابق وزیراعظم نواز شریف، ان کی صاحبزادی مریم نواز اور داماد کیپٹن (ر) صفدر کی جانب سے نیب ریفرنسز میں حاضری سے استثنیٰ کی دائر درخواستیں خارج کردیں۔ اسلام آباد کی احتساب عدالت کے جج محمد بشیر نے نیب کی جانب سے دائر ریفرنسز کی سماعت کی۔اس موقع پر نواز شریف کے وکیل کی جانب سے کلثوم نواز کی میڈیکل رپورٹ عدالت میں پیش کی گئی، جب کہ اس سے قبل ریفرنس میں نامزد تینوں ملزمان نے حاضری سے استثنیٰ کی درخواست دائر کی تھی۔سابق وزیراعظم کے وکیل نے عدالت سے استدعا کی کہ نواز شریف، مریم نواز اور کیپٹن ریٹائرڈ صفدر کو حاضری سے استثنیٰ دیا جائے جس پر ڈپٹی پراسیکیوٹر جنرل نیب نے شدید مخالفت کی۔نیب پراسیکیوٹر سردار مظفر عباسی نے کہا کہ ٹرائل اب مکمل ہونے کے مرحلے میں ہے اس لئے ملزمان کو حاضری سے استثنیٰ نہیں دیا جاسکتا۔ڈپٹی پراسیکیوٹر نیب نے کہا کہ دو ملزمان پہلے ہی عدالت سے اشتہاری ہیں اور دونوں بیٹےکلثوم نواز کی دیکھ بھال کے لیے لندن میں موجود ہیں۔عدالت نے فریقین کے دلائل کے بعد حاضری سے استثنیٰ کی درخواست پر فیصلہ محفوظ کیا جسے بعدازاں سناتے ہوئے ملزمان کی جانب سے دائر درخواستیں خارج کردیں جب کہ عدالت نے نیب ریفرنسز کی سماعت 22 فروری تک کے لئے ملتوی کردی۔

اہم خبریں, پاکستان

”اسے فوری گرفتار کر لیا جائے “ چیف جسٹس کے حکم پر ایف آئی اے اہلکاروں نے اہم ترین شخصیت بارے چونکا دینے والا کام کر دیا

اسلام آباد (ویب ڈیسک) چیف جسٹس آف پاکستان جسٹس میاں ثاقب نثار کے حکم پر سابق چیئرمین متروکہ وقف املاک بورڈ آصف ہاشمی کو کمرہ عدالت سے گرفتار کرلیا گیا ہے۔ متروکہ وقف املاک بورڈ کے پلاٹوں میں خورد برد سے متعلق کیس کی سماعت کے دوران سابق چیئرمین متروکہ وقف املاک بورڈ اور پیپلز پارٹی کے رہنما آصف ہاشمی عدالت میں پیش ہوئے۔ چیف جسٹس نے حکم دیا کہ آصف ہاشمی کو عدالت میں ہی گرفتار کرلیا جائے جس پر ایف آئی اے اہلکاروں نے فوری طور پر انہیں گرفتار کرلیا۔ ملزم کے وکیل نے بتایا کہ آصف ہاشمی نے کئی کیسز میں عبوری ضمانت حاصل کر رکھی ہے۔ اس موقع پر ایڈیشنل اٹارنی جنرل رانا وقار نے عدالت کو بتایا کہ آصف ہاشمی کے خلاف کئی کیسز اب بھی ایسے ہیں جن میں انہوں نے ضمانت نہیں کرائی، ان کے خلاف کچھ کیسز کا لاہور میں بھی ٹرائل جاری ہے جبکہ کچھ مقدمات نیب میں بھی زیر سماعت ہیں۔چیف جسٹس نے حکم دیا کہ آصف ہاشمی کی جن کیسز میں ضمانت نہیں ہوئی ان میں گرفتار کرلیا جائے۔ چیف جسٹس کے استفسار پر بتایا گیا کہ لاہور کے سپیشل جج محمد رفیق نے آصف ہاشمی کو ضمانت دی۔ چیف جسٹس نے حکم دیا کہ آصف ہاشمی کا باقاعدہ ٹرائل شروع کیا جائے اور جہاں جہاں ان کے خلاف کیسز چل رہے ہیں ان کا ٹرائل مکمل کیا جائے۔

پاکستان

چئیرمین ایگزیکٹ کی عدم حاضری پر عدالت برہم ، وکیل کو کھری کھری سنا دیں

کراچی(ویب ڈیسک )منی لانڈرنگ کیس میں چیئرمین ایگزیکٹ اور دیگر کی بریت کے خلاف فیڈرل انویسٹی گیشن ایجنسی (ایف آئی اے) کی اپیل پر سماعت کے دوران سندھ ہائی کورٹ نے شعیب شیخ کی عدم پیشی پر برہمی کا اظہار کیا۔واضح رہے کہ کراچی کی ضلعی عدالت نے اگست 2016 میں منی لانڈرنگ کیس میں شعیب شیخ اور دیگر ملزمان کو بری کردیا تھا، جس کے خلاف ایف آئی اے نے سندھ ہائی کورٹ سے رجوع کیا تھا۔سندھ ہائی کورٹ کے جسٹس نعمت اللہ پھلپوٹو کی سربراہی میں دو رکنی بینچ نے شعیب شیخ اور دیگر کی بریت کے خلاف ایف آئی اے کی اپیل پر سماعت کی۔سماعت کے دوران جسٹس نعمت اللہ پھلپوٹو نے استفسار کیا کہ ملزم شعیب شیخ پیش کیوں نہیں ہوئے؟ایگزیکٹ کے وکیل امداد ایڈووکیٹ نے بتایا کہ شعیب شیخ بیمار ہیں اس لیے پیش نہیں ہوسکے۔جس پر عدالت نے برہمی کا اظہار کرتے ہوئے شعیب شیخ کا میڈیکل سرٹیفکیٹ طلب کرلیا۔عدالت عالیہ نے آئندہ سماعت پر شعیب شیخ کو پیش ہونے کا حکم دیتے ہوئے کیس کی سماعت 21 فروری تک ملتوی کردی۔

اہم خبریں, پاکستان

ٹرائل مکمل۔۔۔زینب قتل کیس کاتہلکہ خیز فیصلہ۔۔۔ قاتل کو عبرتناک سزابارے اہم تر ین خبر

لاہور (ویب ڈیسک ) کمسن بچی کو بد فعلی کا نشانہ بنانے کے بعد قتل کرنے والے ملزم عمران کے خلاف کیس کا فیصلہ محفوظ کر لیا گیا۔میڈ یا رپورٹس کے مطابق انسداد دہشت گردی کی عدالت نے زینب قتل کیس کا فیصلہ محفوظ کر لیا ہے جو 17فروری کو سنا یا جائے گا۔گزشتہ روز کوٹ لکھپت جیل میں انسداد دہشت گردی عدالت نمبر1 جج سجاد احمد نے کیس کی سماعت کی تھی۔اس دوران زینب قتل کیس کے ملزم عمران کے وکیل نے اپنا وکالت نامہ واپس لے لیاتھا جس پر ملزم کو سرکاری وکیل مہیا کیا گیاتھا۔قبل ازیں 16 گواہوں کے بیانات قلمبند کیے گئے تھے،عدالت میں36 گواہوں کے بیانات قلمبند کیے گئے۔واضح رہے کہ رواں سال کے آغاز میں قصور کی کمسن بچی کو ملزم عمران نے بدفعلی کے بعد تشدد کا نشانہ بنا یا تھا ،بچی کے والدین عمرے کی ادائیگی کے لیے گئے ہو ئے تھے کہ پیچھے سے محلہ دار عمران نے انتہائی شرمناک واردات کی۔اس سفاکیت پر پورا پاکستان سراپا احتجاج تھا اور قاتل کو عبرتناک سزا دینے کا مطالبہ کر رہا تھا۔

اہم خبریں, پاکستان

بون میرو کیس ، 24 متاثرہ خواتین کے میڈیکل ٹیسٹوں میں ایسی بات نظر آ گئی کہ ملزمان بچ نہیں پائیں گے

حافظ آباد(ویب ڈیسک)صوبہ پنجاب کے شہر حافظ آباد میں خواتین کی ریڑھ کی ہڈی سے پانی نکالنے کے ملزمان کے خلاف مزید 3 مقدمات درج کرلیے گئے، جن میں دہشت گردی اور اقدام قتل سمیت دیگر دفعات شامل ہیں۔حافظ آباد کے محلہ بہاولپورہ میں خواتین کی ریڑھ کی ہڈی سے پانی نکالنے کے واقعے کی تفتیش جاری ہے اور 5 گرفتار ملزمان کے خلاف مزید 3 مقدمات درج کرلیے گئے ہیں، جس کے بعد درج مقدمات کی تعداد 6 ہوگئی ہے۔24 متاثرہ خواتین کے میڈیکل ٹیسٹ بھی کرائے گئے، جن کی ریڑھ کی ہڈیوں پر سرنج کے نشانات پائے گئے۔ڈسٹرکٹ پولیس افسر (ڈی پی او) نے بتایا کہ 2 ملزمان کے پولی گراف ٹیسٹ کی رپورٹ بھی آج موصول ہوجائے گی جس کے بعد تحقیقات میں مدد ملے گی۔واقعے کی خبریں میڈیا پر آنے کے بعد سے اب تک 24 متاثرہ خواتین سامنے آچکی ہیں، جنہیں جہیز اور نقد رقم کا لالچ دے کر غیر قانونی طور پر ان کی ریڑھ کی ہڈی سے پانی نکالا گیا۔

انٹر نیشنل

فلوریڈا میں فائرنگ سے مرنیوالوں کی تعداد 17 ہو گئی ،ملزم سکول سے کیوں نکالا گیا ، تہلکہ خیز انکشافات

پارک لینڈ(ویب ڈیسک) امریکی ریاست فلوریڈا کی کاو¿نٹی پارک لینڈ میں واقع ایک ہائی اسکول میں سابق طالب علم کی فائرنگ کے نتیجے میں 17 افراد ہلاک اور متعدد زخمی ہوگئے۔برووارڈ شیرف اسکاٹ اسرائیل نے واقعے میں 17 افراد کی ہلاکت کی تصدیق کی۔پولیس حکام کا کہنا ہے کہ 14 افراد اسکول میں فائرنگ سے مارے گئے، ایک راہگیر بھی اپنی جان سے گیا جبکہ 2 افراد زخموں کی تاب نہ لاتے ہوئے چل بسے۔پولیس نے 19 سالہ حملہ آور کو گرفتار کر لیا، جو مارجوری اسٹون مین ڈوگلاس ہائی اسکول کا سابق طالب علم ہے اور جسے نظم و ضبط کی خلاف ورزی پر اسکول سے نکال دیا گیا تھا۔واقعے کے وقت مذکورہ اسکول میں گریڈ 9 سے 12 تک کے تین ہزار سے زائد طلبا موجود تھے۔رپورٹس کے مطابق پہلی گولی چلنے سے ملزم کی گرفتاری تک 2 گھنٹے کا وقت لگا۔کچھ زخمی طلبا کو وہیں طبی امداد دے دی گئی، جبکہ باقی زخمیوں کو اسپتال منتقل کردیا گیا۔خطرناک صورتحال سے نمٹنے کے لیے پولیس، انسداد دہشت گردی اسکواڈ اور امدادی کارکنوں کی بڑی تعداد موقع پر پہنچ گئی اور قطار بناکر طلبا اور اساتذہ کو کلاس رومز سے محفوظ مقام پر لایا گیا۔دوسری جانب واقعے کے بعد اسکول کو 2 دن کے لیے بند کردیا گیا۔

اہم خبریں, پاکستان

کرپشن ریفرنس : شرجیل میمن سمیت 12 ملزمان کیخلاف فرد جرم عائد

کراچی(ویب ڈیسک) محکمہ اطلاعات میں پونے 6 ارب روپے کرپشن ریفرنس میں پیپلز پارٹی کے رہنما شرجیل میمن سمیت 12 ملزمان پر فرد جرم عائد کردی گئی۔کراچی کی احتساب عدالت میں محکمہ اطلاعات میں پونے 6 ارب روپے کرپشن کے ریفرنس کی سماعت ہوئی۔ پولیس نے سابق وزیر اطلاعات شرجیل انعام میمن اور دیگر ملزمان کو عدالت میں پیش کیا۔ جج نے کمرہ عدالت میں موجود ملزمان کو فرد جرم پڑھ کر سنائی تاہم ملزمان نے صحت جرم سے انکار کردیا۔ جج نے ملزمان پر فرد جرم عائد کردی۔