ممبئی(شوبز ڈیسک) بالی وڈ اداکارہ جیکولین فرنینڈس فلم ”ریس 3 “ میں پول ڈانس کریں گی۔ بھارتی میڈیا کے مطابق اداکارہ جیکولین فرنینڈس بلاک بسٹر فلم ”جڑواں 2 “ کے بعد فلم ”ریس 3 “ میں اداکار سلمان خان کے ساتھ مرکزی کردار ادا کریں گی اور فلم ”اے جینٹلمین“ میں پول ڈانس سے متاثر ہونے کے بعد فلم ساز اب فلم ”ریس 3 “ میں بھی جیکولین کا پول ڈانس شامل کریں گے جس کے لئے انہیں ٹریننگ دی جارہی ہے۔ ہدایتکار ریمو ڈی سوزا کی فلم میں اداکار سلمان خان ، انیل کپور ،بوبی دیول ، جیکولین فرنینڈس ، ڈیزی شاہ ،ثاقب سلیم اور پوجا ہیج شامل ہیں۔ فلم رواں سال ریلیز کی جائے گی۔

لاہور(شوبز ڈیسک)بالی ووڈ گلوکارہ پلک موچھال کا کہنا ہے کہ ایک فنکار ہونے کی حیثیت سے پاکستان اور بھارت کے درمیان موجود فاصلوں کو نہیں مانتی، تفصیلات کے مطابق ان کا کہنا ہے کہ جب بھی پاکستانی فنکاروں کے ساتھ ملتی ہوں تو بہت خوشی ہوتی ہے۔انہوں نے بتایا کہ پاکستانی فلم ”زہر عشق“کے گیت بھی ریکارڈ کروائے ہیں جو بہت جلد سلورسکرین کی زینت بنے گی۔پلک موچھال کا کہنا ہے کہ بطور فنکار پاکستان اور بھارت کے درمیان موجود فاصلوں کو نہیں مانتی۔انہوں نے کہا کہ میوزک ملکوں کو قریب لانے میں بہت اہم کردار ادا کرتا ہے۔

ممبئی (شوبز ڈیسک) بالی وڈ اداکارہ پریتی زنتا نے زندگی کی 43بہاریں دیکھ لیں، انہوں نے اپنی پہلی ہی فلم کےلئے فلم فیئر ایوارڈ حاصل کیا۔بھارتی میڈیا رپورٹ کے مطا بق ہماچل پردیش کے پہاڑی علاقے شملہ میں 31جنوری1975ءکو پیدا ہوئی ،پریتی زنٹا نے 1998ءمیں بالی ووڈ میں قدم رکھا۔ ان کے ٹیلنٹ نے پہلی ہی فلم دل سے سے ناقدوں اور فلم بینوں کو اپنا گرویدہ بنا لیا۔اسی برس ریلیز ہوئی فلم سولجر نے انہیں شہرت کی بلندیوں پر پہنچا دیا۔ کل ہو نہ ہو، کوئی مل گیا، ویر زارا، دل چاہتا ہے، سلام نمستے ، کبھی الوداع نہ کہنا ان کی بہترین فلموں میں شامل ہیں۔ 29 فروری2016ءکو پریتی نے امریکا کے جین گوڈینو سے شادی کر کے فلموں سے کنارہ کشی اختیار کر لی۔

لاہور (شوبزڈیسک )عاطف اسلم کی نیکر پہن کر ماہرہ خان کے ساتھ تصویر نے نیا تنازعہ کھڑا کر دیا‘ پاکستانیوں نے انہیں کسی اور وجہ سے نہیں بلکہ لباس کے باعث تنقید کا نشانہ بنا ڈالا۔سوشل میڈیا ویب سائٹ انسٹاگرام پر ماہرہ خان کیساتھ عاطف اسلم کی ایک تصویر گردش کر رہی ہے جس میں وہ ”شارٹس” یعنی نیکر پہنے ماہرہ خان کیساتھ بیٹھے ہیں اور کچھ دیکھنے میں مصروف ہیں۔ جب یہ تصویر منظرعام پر آئی تو پاکستانیوں کو یہ بات قابل اعتراض لگی کہ وہ مسلمان مرد ہیں اس لئے نیکر پہن کر ماہرہ خان کیساتھ کیوں بیٹھے ہیں۔

لاہور (شوبز ڈیسک) سینئر اداکار سہیل احمد نے کہا ہے کہ بچوں پر جنسی تشدد معاشرے میں بے راہ روی کی وجہ سے ہے اور اسکو روکنے کے لئے والدین کے ساتھ معاشرے کے دیگر افراد کو بھی کام کرنا ہو گا ۔ انہوں نے ایک انٹرویو کے دوران کہا کہ ٹی وی اور انٹرنیٹ پر فحش مواد اور اسٹیج ڈراموںمیں بیہودہ رقص بھی معاشرے میں بہت ساری خرابیاں پیدا کررہے ہیں اور ان کے تدارک کے لئے کوئی عملی اقدامات نہیں اٹھائے جا رہے ۔ انہوں نے کہا کہ میں خود تھیٹر سے وابستہ رہا ہوں اور میں نے ہمیشہ فیملیز ڈرامے پیش کرنے کی کوشش کی مگر آج بیہودہ رقص نے ڈرامہ کا حلیہ ہی بیگاڑ دیا ہے ، پہلے اسٹیج ڈرامہ کو آرٹ کونسل مانیٹرنگ کرتا تھا اور اب تین ادارے ملکر بھی ڈرامے میں ہونیوالی فحاشی کو روکنے میں ناکام ہو چکے ہیں ۔ انہوں نے کہا کہ تھیٹر میں جرائم پیشہ لوگوں کی آمدو رفت اور بعض پولیس افسران کے اداکاراﺅں سے تعلقات معمول بن چکے ہیں ۔

لاہور(شوبز ڈیسک) اداکارہ و ماڈل رےچل خان کوکراچی کے متعدد پروڈےوسروں نے اپنی فلموں مےں کام کرنے کی پےشکش کردی جبکہ اداکارہ ریچل خان کا کہنا ہے کہ سکرپٹ پڑھنے کے بعد کسی فلم مےں کام کا فےصلہ کروں گی ۔ذرائع کے مطابق اداکارہ وماڈل رےچل خان کو کراچی سے تعلق رکھنے والے فلم پروڈےوسروں نے اپنی نئی شروع ہونے والی فلموں مےں کاسٹ کرنے کی آفر زکی ہیں تاہم رےچل خان کاکہنا ہے کہ مےں پہلے فلم مےں اپنا کردار اور سکرپٹ دےکھنے کے بعد کوئی حتمی فےصلہ کروں گی ،مجھے فلموں مےں اداکاری کرنے کی پہلے بھی پےشکش ہوچکی ہےں مگر مےں صر ف مضبوط اورجاندار کردار کرنے کی خواہشمند ہوں ۔بلاوجہ فلموں مےں کام کر کے اپنی صلاحےتوں کا ضائع نہےں کرنا چاہتی ۔

لاہور(شوبز ڈیسک) اسٹیج اداکارہ خوشبو نے کہا ہے کہ فحاشی اور عریانی سے نہیں معیاری کام سے ہی اسٹیج ڈراموں کے شائقین کی تعداد میں اضافی کیا جا سکتا ہے، جب تمام فنکار اس بات کا فیصلہ کرلیں گے کہ ہم نے معیاری کام کرنا ہے تو پھرڈراموں میں فحاشی اور عریانی کا تصوربھی نہیں رہے گا۔اےک تقر ےب کے موقعہ پر مےڈےا سے گفتگو مےں خوشبو نے کہا کہ جب سے شوبز کی دنیا میں آئی ہوں میں پیسے کی بجائے شہرت کی تلاش میں ہوںاور کبھی بھی کوئی ایسی حرکت نہیں کی جس سے اسٹیج کا معیار متاثر ہوبلکہ ہمیشہ وہی کیا جو شائقین پسند کرتے ہیں۔