اسلام آباد(ویب ڈیسک )تحریک انصاف نے عمران خان کی تیسری شادی کی تردید کرتے ہوئے کہا کہ ہے ابھی شادی نہیں کی بلکہ بشریٰ مانیکا کو شادی کی پیشکش کی ہے۔تحریک انصاف کی جانب سے عمران خان کی تیسری شادی سے متعلق خبروں کی تردید کی ہے۔پی ٹی آئی نے وضاحتی بیان میں کہا ہے کہ عمران خان نے بشریٰ مانیکا کو شادی کی پیشکش کی تاہم ابھی شادی نہیں کی جب کہ بشریٰ مانیکا نے کوئی قدم اٹھانے سے پہلے خاندان سے مشورے کے لئے وقت مانگا ہے۔تحریک انصاف کے بیان میں مزید کہا گیا ہے کہ بشریٰ مانیکا کی جانب سے عمران خان کی پیشکش قبول کرنے کی صورت میں چیئرمین پی ٹی ا?ئی خود عوام کے سامنے شادی کا اعلان کریں گے۔ اس سے قبل خبریں سرگرم تھیں کہ چیئرمین تحریک انصاف عمران خان نے یکم جنوری کی شب لاہور میں خاتون سے شادی کرکے سال نو کا ا?غاز کیا اور وہاں سے اگلے روز سیدھے اسلام آباد میں انسداد دہشت گردی کی عدالت پہنچے جہاں سے انہیں ضمانت مل گئی۔

لاہور (کورٹ رپورٹر) چیف جسٹس آف پاکستان جسٹس میاں ثاقب نثار نے حمید لطیف ہسپتال کی عمارت اڑانے کا حکم دے دیا۔ تفصیلات کے مطابق سپریم کورٹ رجسٹری لاہور میں حمید لطیف ہسپتال سے متعلق کیس کی سماعت ہوئی۔ دوران سماعت حمید لطیف ہسپتال سے متعلق رپورٹ عدالت میں پیش کی گئی، ڈی جی ایل ڈی اے نے عدالت کو بتایا کہ حمید لطیف ہسپتال کی تعمیر غیرقانونی ہے جس پر چیف جسٹس نے ڈی جی ایل ڈی اے کو حکم دیا کہ اگر حمید لطیف ہسپتال غیر قانونی ہے تو اڑا دیں چیف جسٹس نے حمید لطیف ہسپتال کی انتظامیہ کو مخاطب کرکے کہا کہ آپ کے ہسپتال نے اٹارنی جنرل کے بھائی کی لاش دینے سے انکار کردیا تھا، 50 لاکھ روپے گلاب دیوی ہسپتال کو امداد دیں پھر دیکھیں گے کہ کیا کرنا ہے۔

لاہور (خصوصی رپورٹ) اسرائیلی کمپنی کو ٹھیکے دینے کا معاملہ‘ مقامی اخبار نے اسرائیلی مشینوں کی تنصیب کے ثبوت حاصل کر لئے۔ نوازشریف سوشل سکیورٹی ہسپتال میں اسرائیلی مشینری لگانے کا انکشاف ہوا ہے۔ آلات صاف کرنے والے یونٹ رحمتہ العالمین انسٹیٹیوٹ آف کارڈیالوجی نوازشریف سوشل سکیورٹی ٹیچنگ ہسپتال ملتان روڈ میں کئی سال قبل اسرائیلی مصنوعات خریدی گئیں۔ طبی آلات کی صفائی کی مشینیں اسرائیلی کمپنی ”ٹیٹناور“ سے خریدی گئیں۔ ذرائع کے مطابق ٹینڈر کی منظوری کے دوران نشاندہی کے باوجود اسرائیلی کمپنی سے خریداری کی گئی۔ محکمہ اور پرچیزنگ افسروں کو مذکورہ کمپنی کے اسرائیلی ہونے کا علم تھا۔

لاہور (آن لائن) چیف جسٹس آف پاکستان نے پنجاب حکومت کی جانب سے اشتہارات کی بندر بانٹ پر از خود نوٹس لے لیا۔ حکومت پنجاب کی تشہیر کے لیے کیے گئے اخراجات کا ریکارڈ طلب کر لیا۔ کسی پر دباﺅ ڈالنا نہیں آپکو سپورٹ کر رہے ہیں۔ ہمیں پتہ چل جائے گا کہ پنجاب حکومت اس معاملے پر مخلص ہے تو ہمیں مداخلت کی ضرورت نہیں۔ فاضل چیف جسٹس نے کہا کہ صحت شہریوں کا بنیادی حق ہے۔ مفت ادویات مل نہیں رہیں اور پیسہ تشہیر پر خرچ کیا جاریا ہے۔ فاضل چیف جسٹس نے حکومت پنجاب کی تشہیر کے لیے کیے گئے اخراجات کا ریکارڈ 10 دن تک طلب کر لیا۔

لاہور (پ ر) وزےراعلیٰ پنجاب محمد شہبازشرےف نے کہا ہے کہ علماءکرام اور مشائخ عظام پر قوم کی تقدیر کو سنوارنے اور اصلاح معاشرہ کی بہت بڑی ذمہ داری عائد ہوتی ہے- علماءکرام کی اکثریت حق اور سچ کی بات کرتی ہے اور اللہ تعالی نے علماءکرام کو بے شمار صلاحیتوں سے نوازا ہے- علماءکرام ایسی عظیم ہستیاں ہیں جو ایک استاد، خطیب، مفتی اور عالم کی حیثیت سے قوم کی تقدیر بدلنے میں اپنا کردار ادا کرسکتی ہیں- قوم کے اندر ہیجانی کیفیت کے تدارک اور فروعی اختلافات کو ختم کرنے کے لئے علماءکرام کا کلیدی کردار ہے اور مذہبی منافرت کے خاتمے کے لئے بھی ان کے کردار کو نظر انداز نہیں کیا جاسکتا – پاکستان کے اندر انتشار او رہیجانی کیفیت میں کمی لانے کے لئے علماءحق کو آگے بڑھ کر ا پنا بھرپور کردار ا دا کرنا ہے- ہر مسلمان ناموس رسالت پر کٹ مرنے کے لئے تیار ہے، جس نبی کی ناموس کے لئے ہم کٹ مرنے کے لئے تیار ہیں، ان کی زندگی کا پیغام دکھی انسانیت، یتیموں اور بیواﺅں کی خدمت ہے- نبی پاک نے معافی اور درگزر کا پیغام دیاہے- آپ کا پیغام دولت کی تقسیم کو منصفانہ بناناہے- علماءکرام نبی پاک کے اس پیغام کو فروغ دیں تو پاکستان محبت، ایثار اور دولت کی منصفانہ تقسیم کا نمونہ بن جائے گا- وزیراعلی محمد شہبازشریف نے ان خیالات کا اظہار آج ایوان وزیراعلی میں تمام مکاتب فکر سے تعلق رکھنے والے جید علماءکرام کے کنونشن سے خطاب کرتے ہوئے کیا- وزیراعلی نے کہا کہ گزشتہ چند دہائیوں سے مذہبی منافرت سے ملک میں جو تشویش پیدا ہوئی ہے اس کو علماءکرام اور مشائخ عظام ہی موثر طریقے سے سلجھا سکتے ہیں- نبی کریم نے غیر مسلموں کو امن اور تحفظ دینے کے لئے میثاق مدینہ کا معاہدہ کیا اور نبی کریم کا میثاق مدینہ کا معاہدہ ہمارے لئے بہت بڑی مثال ہے، اسی طرح حضور پاکنے صلح حدیبہ کے ذریعے سے پیغام دیا کہ چیلنجز او رمشکلات سے کس طرح نمٹنا ہے -صلح حدیبہ کا پیغام یہ ہے کہ مسلمانو ں کو ا پنے معاملات مشاورت ،تدبر ، حکمت اور سمجھداری سے حل کرنے ہیں اور صلح حدیبیہ اس حوالے سے ایک درخشاں مثال ہے- انہوں نے کہا کہ پاکستان کے اندر انتشار اور ہیجانی کیفیت میں کمی لانے کے لئے علماءحق کو آگے بڑھ کر اپنابھرپور کردار ادا کرنا ہے-قائدؒ او راقبالؒ نے بھی اپنی تعلیمات میں یہی پیغام دیاہے- بد قسمتی سے غریب او رامیر میں فرق بڑھتا جا رہاہے-چھینا جھپٹی او روسائل کی لوٹ مار سے غریب غریب تر ہوگیا ہے اور دکھی انسانیت بد ترین دور سے گزر رہی ہے -علماءکرام قرآن و سنت کی روشنی میں ان چیلنجز سے نمٹنے کےلئے منبر رسول کے ذرےعے اپنا کردار ادا کر سکتے ہیں-انہوں نے کہاکہ آج کے اس روح پرور اجتماع سے پورے پاکستان اور دنیا میں اتحاد او ریکجہتی کا پیغام جائے گا اور مذہبی ہم آہنگی اور رواداری کو فروغ ملے گا-وزیراعلی نے کہاکہ اس وقت قومی اتحاد کو منظم نا پاک سازش کے تحت پارہ پارہ کرنے کی کوشش کی جا رہی ہے اور اس میں بعض خارجی طاقتوں کا بہت کردار ہے -انہوں نے کہاکہ امریکہ کے صدر نے اپنے ٹویٹ کے ذرےعے پاکستان کے 21کروڑ عوام پر طعنہ زنی کی ہے اورامریکی صدر نے پاکستان کو بے وفا اور سازشی کہہ کر ہمارے قومی وقار کی توہین کی ہے – ملک کے عوام نے نہ صرف پاکستان بلکہ دنیا کے امن کے لئے لازوال قربانیاں دی ہیں-امریکی صدر نے ہماری ان قربانیوں کی توہین کی ہے -پاکستان کی فوج ، پولیس اور زندگی کے ہر طبقے کے فرد نے دہشت گردی کے خلاف جنگ میں قربانیوں کی تاریخ رقم کی ہے- امریکی صدر کا چھبتا ہوا بیان ہماری قربانیوں کی ڈالروں اور پاﺅنڈوں میں قیمت لگانے کی ناپاک سازش ہے- انہوں نے کہا کہ ہزاروں قربانیوں کو ڈالروں میں تولنے والے جان لیں، پوری قوم اغیار کے ان ناپاک عزائم کو اتحاد کی قوت سے خاک میں ملا دے گی- ایک طرف اغیار ہماری تضحیک کررہا ہے جبکہ دوسری جانب ملک میں 2012 سے شروع ہونے وا لی دھرنوں کی منفی سیاست کے ذرےعے اس قبیح فعل کو تقویت دینے کی کوشش کی جا رہی ہے- ہم نے قربانیاں ڈالروں کے لئے نہیں بلکہ پاکستان اور دنیا کے امن کے لئے دی ہیں- ہمیں بے وفائی کا طعنہ دیا جا رہا ہے جو ہم سب کے لئے لمحہ فکریہ ہے- سیاسی، عدالتی، عسکری قیادت کو مل بیٹھ کر فیصلہ کرنا ہے کہ ہمیں عزت سے رہنا ہے یا ذلت کی زندگی گزارنی ہے- ہمیں ملکر پاکستان کو فلاحی مملکت بنانا ہے اور قائدؒ و اقبالؒ کے تصورات کے مطابق ڈھالنا ہے- اگر ہم نے آج بھی مل بیٹھ کر ملک کی تقدیر بدلنے کا فیصلہ نہ کیا تو ہم پر یونہی قیامت تک طعنہ زنی ہوتی رہے گی- انہوں نے کہا کہ شہداءہمارے ہیرو ہیں اور ان کے خاندانوں کے حوصلے بلند ہےں- میں گزشتہ روز شہید سیکنڈ لیفٹیننٹ عبدالمعید کے گھر گیا اور ان کے والدین او ربہن بھائیوں سے ملا ہوں- انہوں نے کہا کہ رانا ثناءاللہ نے ختم نبوت کے حوالے سے بڑی صراحت کے ساتھ اپنا موقف بیان کیا ہے – انہوں نے واضح الفاظ میں کہا ہے کہ ختم نبوت ان کے ایمان کا حصہ ہے- رانا ثناءاللہ نے قادیانیوں کے حوالے سے بھی واضح موقف اپنایا ہے، اب اس پر مزید بحث کی گنجائش نہیں رہتی- انہوں نے کہاکہ آج کی محفل میں بھی ناموس رسالت کے حوالے سے سیر حاصل گفتگو ہوئی ہے اور آپ نے خود کہا ہے کہ وفاقی حکومت کے اقدامات سے قانون مزید مضبوط ہوگیا ہے -اب ہمیں اسے سیاسی رنگ دینے کی بجائے ملک کی تعمیر و ترقی کےلئے ملکر آگے بڑھنا ہے-قوم میں تفریق پیدا کرنے کی بجائے اسے اس طرح متحد کرنا کہ یہ اغیار کے سا منے سیسہ پلائی ہوئی دیوار بن جائیں-انہوںنے کہاکہ امریکی صدر جن 33ارب ڈالر دینے کی بات کرتے ہیں اس کا تو حساب ہوجائے گاتاہم یہ بھی واضح ہوجانا چاہےے کہ اغیار جس کا طعنہ دیتے ہیں وہ کولیشن سپورٹ فنڈ ہے جو دہشت گردی کے خاتمہ کے لئے مشترکہ پلان پر عملدرآمد کے لئے ہے-صوبائی وزیر قانون رانا ثناءا للہ نے کنونشن سے خطاب کرتے ہوئے کہاکہ ختم نبوت میرے ایمان کا بنیادی جزو ہے- ختم نبوت پر ایمان نہ رکھنے والا دائرہ اسلام سے خارج ہے- انہوں نے کہاکہ قادیانی کافر اور غیر مسلم ہےں اور دین کے اندر فتنے کا سبب ہیں-علماءکرا م نے پنجاب کی ترقی کے حوالے سے وزیراعلی شہبازشریف کے اقدامات کو زبردست انداز میں خراج تحسین پیش کرتے ہوئے کہاکہ علماءکے کنونشن کا انعقاد خوش آئند امر ہے -حکومت نے عقیدہ ختم نبوت کے پیدا ہونے والے مسئلے کو بروقت حل کیا ہے جو قابل تحسین ہے- وزیراعلیٰ پنجاب نے اندرون شہر میں گھر کی چھت گرنے کے باعث بچوں کے جاں بحق ہونے کے واقعہ پر افسوس کا اظہار کیا ہے وزیراعلیٰ نے جاں بحق بچوں کے لواحقین سے تعزیت کا اظہار کیا ہے۔ وزیراعلیٰ نے انتظامیہ کو ہدایت کی ہے کہ ملبے میں دبے افراد کو نکالنے کیلئے امدادی سرگرمیاں تیز کی جائیں۔

لاہور (این این آئی) پاکستان پیپلز پارٹی کے چیئرمین بلاول بھٹو زرداری نے کہا ہے کہ اگر حکومت مدت پوری نہ کر سکی تو یہ ناکامی مسلم لیگ (ن) کی ہو گی ،بلوچستان میں (ن) لیگ کے خلاف جو سیاسی بغاوت شروع ہوئی ہے وہ قومی سطح پر جاتی دکھائی دے رہی ہے، عمران خان کی شادی ان کا ذاتی ایشو ہے ۔ یہاں ایک تقریب میں شرکت کے موقع پر میڈیا سے گفتگو کرتے ہوئے بلاول بھٹو زرداری نے کہا کہ پیپلزپارٹی کی سندھ حکومت کی کارکردگی بہت اچھی ہے اور ہم عوام کے مسائل کے حل کی طرف توجہ مرکوزکئے ہوئے ہیں۔ میاں صاحب صرف میٹرو میٹرو نہ دکھائیں اور بھی کچھ کرےں۔ انہوں نے کہا کہ نیب مخالفین کو سیاسی انتقام کا نشانہ بنا رہا ہے۔انتقامی سیاست مسلم لیگ (ن) کا وطیرہ ہے ، ہم نے پہلے بھی ان کے سیاسی انتقام کا سامنا کیا، مشرف اور ضیاءکے انتقام کا سامناکیا ،ہم (ن) لیگ کے جھوٹے مقدمات سے ڈرنے والے نہیں ۔ انہوںنے بلوچستان کی صورتحال کے حوالے سے کہا کہ بلوچستان میں سیاسی صورتحال خراب ہے،موجودہ حالات پر نظر ہے او رایک دو روز میں دیکھیں گے ۔ بلوچستان میں جو سیاسی بغاوت مسلم لیگ (ن) کے خلاف شروع ہوئی ہے وہ قومی سطح پر جاتی دکھائی دے رہی ہے۔ انہوںنے اس صورتحال میں پیپلزپارٹی کے کردار کے حوالے سے سوال کے جواب میں کہا کہ ہمارا بلوچستان میں ایک بھی ایم پی اے نہیں ہمارا وہاں کیا منفی سیاسی کردار ہو سکتا ہے۔ اگر حکومت مدت پوری نہ کر سکی تو یہ ناکامی مسلم لیگ (ن) کی ہو گی۔انہوںنے عمران خان کی شادی کے حوالے سے سوال کے جواب میں کہا کہ یہ ان کا ذاتی معاملہ ہے ،اگر یہ خبر درست ہے تو مبارکباد ہو اوراگر عمران خان کی شادی نہیں ہوئی تو ایسی خبریں چلانا غیر ذمہ دارانہ رویہ ہے۔

پاکپتن(نمائندہ خبرےں)جمعےت مشائخ پاکستان کے زےر اہتمام ختم نبوت مشاورت مےں حمےد الدےن سےالوی نے لاہور داتا دربار سے اسمبلی ہال تک مارچ 9جنوری کی بجائے 13 جنوری کو کرنے کا اعلان کر دےا جبکہ تحرےک لبےک ےا رسول اللہ مولانا اشرف جلالی نے15جنوری سے لاہور سے جےل بھرو تحرےک شروع کرنے کے اعلان کر دےا ، سجاد گان اور مشائخ و عظام نے ٹرمپ کے پاکستان کے خلاف بےانات اور امرےکی اقدامات کو مسترد کر دےا امرےکہ کسی بھول مےں نہ رہے قوم متحد ہے ، تفصےلات کےمطابق جمعےت مشائخ پاکستان کے چےئرمےن دےوان احمد مسعود چشتی کی طرف سے ختم نبوت کے حوالے سے مشاورت منعقدہ کانفرنس مےں بہت بڑی تعداد مےں درگاہوں کے سجادہ نشےنوں اور مشائخ و عظام نے شرکت کی اس مشاورت سے خطاب کرتے ہوئے حمےد الدےن سےالوی نے کہا کہ وزےر اعلی پنجاب مےاں محمد شہباز شرےف نے ذاتی طور پر ان سے بات کرتے ہوئے وعدہ کےا تھا کہ وہ رانا ثنا ءاللہ کو لے کر اُن کے پاس آئےں گے ، اور استعفیٰ بھی ساتھ ہو گا، مگر شہباز شرےف نے وعدہ خلافی کی نہ تو رانا ثناءاللہ خان کو لائے اور نہ ہی استعفیٰ دےا ، انہوں نے کہا کہ ختم نبوت ہمارے اےمان کا حصہ ہے ، اور اس پر لاکھوں جانےں قربان ،اس موقع پر اعلان کےا کہ تمام سجادگان اور مشائخ کی مشاورت سے اعلان کرتا ہوں کہ داتا دربار سے اسمبلی ہال تک مارچ 13جنوری کو ہو گا ، انہوں نے کہا کہ ہم کسی بھی قربانی سے درےغ نہےں کرےں گے ، مشاورتی کانفرنس سے تحرےک لبےک ےا رسول اللہ کے مولانہ اشرف جلالی نے خطا ب کرتے ہوئے کہا کہ فےض آباد دھرنا اور لاہور دھرنے کے شرکا سے وعدہ کےا گےا تھا کہ ختم نبوت قانون ختم کرنے والوں کے نام سامنے لائےں جائےں لےکن حکومت نے اےسا نہےں کےا اور اپنے قول کی نفی کی ہے ، انہوں نے کہا کہ 15جنوری کو لاہور سے جےل بھرو تحرےک کا اغاز کر دےا جائے گا ، انہوں نے مزےد کہا کہ عمران خان ، آصف زرداری ، اور نواز شرےف کھوٹے سکے کے اےک ہی رخ ہےں انہوں نے کہا کہ ختم نبوت کا تحفظ سےاست کرنا نہےں ، مشاورتی کانفرس سے جمعےت علماءپاکستان نورانی گروپ کے صدر ڈاکٹر عبدالغےر آزاد نے خطاب کرتے ہوئے کہا کہ رانا ثناءاللہ نے13جنوری تک استعفیٰ نہ دےا تو کراچی سے خےبر تک ملک بند کر دےں گے، سجادہ نشےن گولڑہ شرےف نظام الدےن جامی گےلانی نے کہا کہ اب اتحاد و اتفاق کا وقت آ گےا ، آئندہ جو بھی فےصلے ہوں وہ سجادگان اور مشائخ و عظام کی مشاورت سے فےصلے کےے جائےں ، مشاورتی کانفرنس سے تحرےک فےضان اولےاءپاکستان کے چئےرمےن دےوان عظمت سےد محمد چشتی ، کراچی سے ڈاکٹر عبدالغےر آزادصدر جمعےت علما ءپاکستان نورانی گروپ، صاحبزادہ حامد رضا فےصل آباد، خواجہ معےن الدےن گورےجہ کوٹ مٹھن شرےف، سےد افضال حسےن زنجانی سجادہ نشےن دربار مےراں حسےن زنجانی لاہوراور دےگر نے خطاب کےا ، ختم نبوت مشاورتی کانفرنس مےں سجاد گان اور مشائخ و عظام نے شرکت کی ، اس موقع پر انتظامےہ کی طرف سے سےکورٹی کے فول پروف انتظامات تھے۔ سرگودھا کے سجادہ نشین پیر خواجہ حمیدالدین سیالوی نے کہا ہے کہ تمام لوگ عہد کریں کہ تحفظ ختم نبوت تحریک میں ساتھ دیں گے۔انہوں نے ہدایت کی احباب قافلوں کی شکل میں داتادربارپہنچیں گے اورحاضری دیتے ہوئے دا ب کو محلوظ خاطررکھیں۔خواجہ حمیدالدین سیالوی کا کہنا ہے کہ رانا ثناءاللہ کے استعفے تک داتادربارقیام کریں گے۔انہوں نے کہا کہ ختم نبوت فارم میں تبدیلی کرنے والوں کوبھی کیفرکردارتک پہنچناہوگا۔ہم پاکستان میں آقاکی ناموس کی جنگ لڑرہے ہیں۔سیال شریف میں خواجہ حمیدالدین سیالوی کا مریدین سے خطاب کیا اور کہا کہ ہمارا موقف دوٹوک ہے جس میں کسی لچک کی گنجائش نہیں حکمران جان لیں کہ ہم تحفظ ختم نبوت کے لئے کسی بڑی سے بڑی قربانی سے دریغ نہیں کریں گے۔ پیرآف سواگ شریف خواجہ احمد حسن نے (ن) لیگ سے علیحد گی کا اعلان کرتے ہوئے کہا ہے کہ اپنے صاحبزادے محبوب الحسن کوآئندہ الیکشن کے میدان میں اتارنے کا فیصلہ کرلیا۔ سنی اتحاد کونسل کے میڈیا سیل کے مطابق خواجہ احمد حسن نے ن لیگ سے علیحدگی کا اعلان کرتے ہوئے مطالبہ کیا ہے کہ ختم نبوت کے قانون میں تبدیلی کرنے والوں کو کیفر کردار تک پہنچا یا جائے۔ ہمیشہ ن لیگ کی حمایت کرتے آئے ہیں لیکن اب ایسا نہیں کریں گے۔ خواجہ حمید الدین سیالوی کے مطالبات کی حمایت کرتے ہیں۔ نواز شریف اور شہباز شریف نے لاکھوں عاشقان رسول اور امت مسلمہ کے مجرموں کو اپنی گود میں بٹھا رکھا ہے۔ راناثناءسے استعفیٰ نہ لیا گیا تو حالات خراب ہو ں گے۔ حکومت وقت ہماری امن پسندی کو کمزوری نہ سمجھے۔ختم نبوت کے معاملے پر شدید تکلیف سے دوچار ہیں۔ مسلم لیگ ن جب تک ملزمان کو کیفر کردار تک نہیں پہنچائے گی ہم چین سے نہیں بیٹھیں گی۔ راجہ ظفر الحق کمیٹی کی رپورٹ منظر عام پر لائی جائے۔ن لیگ میں موجود علماءو مشائخ ن لیگ کو چھوڑ کر عوام اہلسنّت کے پاس آجائیں بصورت دیگر ایسے علماءو مشائخ کے بائیکاٹ کا فیصلہ کرنے میں کسی مصلحت کا شکار نہیں ہوں گے۔ اہلسنّت پر امن ہیں اور پر امن رہتے ہوئے ملکی سلامتی اور بقاءکے لیے اپنا کردار ادا کرتے رہیں گے۔