واہ کینٹ، ٹیکسلا (نمائندہ گان خبریں) سابق وفاقی وزیر داخلہ چوہدری نثار علی خان نے کہا ہے کہ میں پارٹی میں گونگا بہرہ بن کر نہیں بیٹھتا۔پارٹی میں بھی اور نواز شریف کے سامنے بھی حق سچ کی بات کرتا ہوں۔ ہمیشہ اصولوں کی سیاست کی۔ پارٹی کے اندر رہتے ہوئے غلط فیصلوں کی نشاندہی کی ،اب بھی اپنے اصولی موقف پر قائم ہوں، 32سال سے سیاست میں ہوں میرے دامن پر اللہ تعالیٰ کے فضل و کرم سے کوئی داغ نہیں نہ ہی کرپشن کی اور نہ ہی قبضہ مافیا سے تعلق ہے، نہ کسی کے خلاف انتقامی سیاست کی اور نہ ہی ظالموں کا ساتھی ہوں، میراساتھ ہمیشہ مظلوموں کے ساتھ ہوتا ہے،اگر ظالم کے پاس ہزاروں ووٹ ہوں مگر مظلوم کے پاس ایک بھی ووٹ ہوا تو میں اس مظلوم کے ساتھ کھڑا ہوں گا، نہ کوئی جعلی سازی کی اور نہ ہی پارٹی بدلی،بلکہ آج سے بتیس سال پہلے والی جگہ پر ہی کھڑا ہوں میرے مخالفین کل کیا تھے اور آج کہاں پہنچ چکے ہیں۔ان خیا لات کا اظہار انھوں نے ٹیکسلا میں فراہمی گیس کے منصوبے کے افتتاح کے بعد احاطہ ٹیکسلا میں حاجی دلدار مرحوم کے ڈیرہ پر ایک بہت بڑے عوامی جلسہ سے خطاب کرتے ہوئے کیا۔جلسہ سے سابق امیدوار برائے صوبائی اسمبلی سفیر خان،حاجی ابرار دلدار خان اور چیئر مین یونین کونسل گڑھی سکندر حاجی عرفان خان ایڈووکیٹ نے بھی خطاب کیا۔ چوہدری نثار علی خان نے کہا۔کہ بلکہ آج کا عظیم الشان عوامی اجتماع نے الیکشن کا ماحول بنا دیا ہے۔یہ یہان کے عوام کی حاجی دلدار سے محبت کا اظہار ہے۔حاجی دلدار خان کا نام ذندہ رہے گا۔انھوں نے کہا۔کہ میں نے اپنی ساری سیاسی ذندگی میں صرف عوام کی خدمت کی ہے۔اور دوست بنائے ہیں۔میں دھڑے باز شخص ہوں۔میں نے ساری ذندگی عوامی خدمت کی ہے۔مجھے پاکستان کے کسی بھی گاﺅں میں سب سے پہلے گیس پہنچانے کا اعزاز بھی حاسل ہے۔اور میں نے سب سے پہلے واہ گاﺅں میں گیس پہنچائی۔اور دیگر ترقیاتی کام بھی کرائے۔اس خطے کا سب سے بڑا ہسپتال بھی اسی حلقہ میں بنایا۔جس کا عنقریب افتتاح ہو گا۔جبکہ میرے مخالفین نے اقتدار میں رہنے کے باوجود اس علاقہ کی کوئی خدمت نہین کی۔اور اس علاقہ کو کوئی میگا پراجیکٹ نہیں دیا۔انھون نے صرف اپنے سی ا ین جی سٹیشن اور پٹرول پمپ لگائے۔اور انھوں نے صرف پارٹیان بدلنے کا ٹھیکہ لے رکھا ہے۔ چوہدری نثار علی خان نے کہا کہ میں جب بھی کوئی بات اصولوں کے برعکس دیکھی تو اسکا برملا اظہار کیا پارٹی کے اندر بھی ہمیشہ اپنے اصولی موقف پر قائم رہا اور قائم ہوں، انھوں نے کہا نہ کبھی کرپشن کی اور نہ ہی قبضہ گروپ کا ساتھ دیا ،جبکہ میرے مخالفین نے نہ صرف اپنے اثاثے بڑھائے بلکہ کل کیا تھے اور آج کیا ہیں ۔انھوں نے مشرف کا بھائی کہا۔اور اس کا ساتھ چھوڑ دیا۔بے نظیر کے ساتھ رہے۔لیکن اس کی وفات پر انھوں نے فاتحہ خوانی تک نہیں کی۔اور اب یہ عمران خان کو سہانے خواب دیکھا رہے ہیں۔انھوں نے کہا۔کہ آج کے گیس اسٹیشن کے افتتاح کے بعد یہاں کے گیارہ دیہات میں گیس کے پریشر کی کمی کا مسئلہ حل ہو جائے گا۔
