اسلام آباد(ویب ڈیسک)مسلم لیگ (ن) نے دیگر اپوزیشن جماعتوں کے ساتھ مل کر ان ہاو¿س تبدیلی کے لیے جدوجہد کرنے کا اعلان کیا ہے۔رہنما (ن) لیگ احسن اقبال، مشاہد حسین سید، سینیٹر مشاہد اللہ، محمد زبیر، مریم اورنگزیب اور رانا ثنائ اللہ نے مشترکہ پریس کانفرنس کے دوران کہا کہ ایک ایسی حکومت ہم پر مسلط ہے جو وینٹی لیٹر پر چل رہی ہے۔اس موقع پر رانا ثناء اللہ نے کہا کہ ہم بہت جلد ان ہاو¿س تبدیلی کے لیے دیگر جماعتوں کے ساتھ مل کر پارلیمنٹ کے اندر اور باہر جدوجہد کریں گے اور عوام کو جلد پارلیمنٹ کے اندر اور باہر سے خوشخبری ملے گی۔احسن اقبال نے کہا کہ ہم سویلین بالادستی سے پیچھے نہیں ہٹیں گے، مسلم لیگ ن کے نمایندوں کو گرفتار کیا جارہا ہے، مسلم لیگ ن کے رہنماوں کو انکوائری کے دوران گرفتار کیا جاتا ہے اور تحریک انصاف کے رہنماو¿ں پر انکوائریز چل رہی ہیں لیکن گرفتار نہیں کیا جارہا۔احسن اقبال نے کہا کیا عمران خان، جہانگیر ترین اور علیمہ خان کی آف شور کمپنیاں نہیں ہیں، لوگوں کے گھر گرائے گئے لیکن کیا عمران خان کا 300 کنال کا غیر قانونی گھر گرایا، اکبر ایس بابر نے اکیلے ٹھگز آف پاکستان کی لسٹ دی ہے۔ان کا مزید کہنا تھا کہ علیمہ خان نے جب جائیداد بنائی اس دور میں وہ شوکت خانم اور نمل میں بھی تھیں، عمران خان کو خود ان کا مقدمہ نیب کو بھیجنا چاہیے تھا۔احسن اقبال نے کہا کل احتساب عدالت کا فیصلہ آیا، ایک فیصلے میں نوازشریف کو بری اور دوسرے میں سزا دی گئی لیکن نوازشریف کے خلاف کرپشن کا ثبوت نہیں ملا، جس کیس میں انہیں سزا ہوئی اس کیس میں نواز شریف جلاوطن تھے۔رہنما (ن) لیگ محمد زبیر نے کہا کہ علیم خان ہوں، علیمہ خان یا جہانگیر ترین سب سے پوچھیں پیسے ملک سے باہر کیسے بھیجے، علیمہ خان کا معاملہ اگر جرمانے سے ختم ہوتا ہے تو اس کا مطلب ہے کہ غلط کام ہوا تو جرمانہ لگا، کیا غلط کام کے لئے صرف جرمانہ ادا کیا جائے گا۔

راولپنڈی (ویب ڈیسک)آرمی چیف جنرل قمر جاوید باجوہ نے کرائسٹ چرچ راولپنڈی میں کرسمس کی تقریب میں شرکت کی، اس موقع پر آرمی چیف کی اہلیہ بھی ہمراہ تھیں،آرمی چیف نے مسیحی برداری کو کرسمس کی مبارکباد دی اور کرسمس کا کیک بھی کاٹا۔پاک فوج کے تعلقات عامہ کے شعبہ آئی ایس پی آر کے مطابق آرمی چیف جنرل قمر جاوید باجوہ نے کرائسٹ چرچ راولپنڈی میں کرسمس کی تقریب میں شرکت ،آرمی چیف کی اہلیہ بھی ہمراہ تھیں،پاک فوج کے سپہ سالار نے مسیحی برداری کو کرسمس کی مبارکباد دی.آئی ایس پی آر کے مطابق مسیحی برادری نے آرمی چیف سے اظہارتشکرکیا، آرمی چیف نے ملکی ترقی میں مسیحی برادری کے کردارکوسراہا،تقریب سے خطاب کرتے ہوئے آرمی چیف نے کہا کہ تعلیم،صحت،سماجی بہبودکے شعبہ میں مسیحی برادری کی کاوشیں قابل تعریف ہیں،مادر وطن کے دفاع کےلئے بھی مسیحی برادری کا کردار قابل تحسین ہے۔

لاہور(ویب ڈیسک): سپریم کورٹ نے پنجاب ہیلتھ کیئر کمیشن کا نیا بورڈ تحلیل کرتے ہوئے وزیر صحت ڈاکٹر یاسمین راشد کو توہین عدالت کا نوٹس جاری کردیا۔چیف جسٹس پاکستان میاں ثاقب نثار کی سربراہی میں 2 رکنی بینچ نے سپریم کورٹ لاہور رجسٹری میں پنجاب ہیلتھ کیئر کمیشن کے قیام سے متعلق کیس کی سماعت کی۔عدالت نے نیا تشکیل دیا جانے والا پنجاب ہیلتھ کیئر کمیشن کا بورڈ بھی تحلیل کرتے ہوئے ریمارکس دیئے کہ بورڈ ممبران کی تقرری سپریم کورٹ سے منظوری کے بغیر کی گئی.سپریم کورٹ نے مجوزہ نام سپریم کورٹ کے سامنے پیش کرنے کا حکم دے رکھا تھا۔ سپریم کورٹ کی منظوری کے بغیر ہی نوٹیفیکیشن جاری کر دیا گیا۔عدالت نے صوبائی وزیر صحت ڈاکٹر یاسمین راشد، چیف سیکریٹری پنجاب اور سیکریٹری صحت سمیت اسپیشل سیکریٹری ہیلتھ کو عدالتی حکم کی خلاف ورزی پر توہین عدالت کا نوٹس جاری کردیا۔ عدالت نے 2 دن میں توہین عدالت نوٹس کا جواب دینے کا حکم دیا ہے۔

اسلام آباد(ویب ڈیسک )وزیراعظم عمران خان کا کہنا ہے کہ پاناما اور جعلی اکاو¿نٹس جے آئی ٹی رپورٹس بتاتی ہیں کہ ریاستیں کیسے ناکام ہوتی ہیں،سماجی رابطے کی ویب سائیٹ ٹوئٹر پر وزیراعظم عمران خان کا کہنا تھا کہ پاناما اور جعلی اکاو¿نٹس جے آئی ٹی رپورٹس بتاتی ہیں ریاست کیسے ناکام ہوئی، رپورٹس سے پتہ چلتا ہے ملک کیسے غربت اور قرضے میں ڈوبا۔وزیراعظم عمران خان نے ٹوئٹ میں کہا کہ قومی خزانے کی لوٹ مار کے طریقے حیران کن ہیں جب کہ ان رپورٹس کے باوجود بھی لٹیروں کا دفاع کرنے والوں کوسمجھنا میرے لیے مضحکہ خیز حد تک باعث تعجب ہے۔

اسلام آباد(ویب ڈیسک)بانی پاکستان قائداعظم محمد علی جناح کے یوم پیدائش پر وزیراعظم عمران خان نے پیغام میں کہا ہے کہ نیا پاکستان قائداعظم کا پاکستان ہے، ہم یقینی بنائیں گے کہ بھارت کے برعکس پاکستان میں ہماری اقلیتوں کو برابری کی سطح پر مقام ملے۔سماجی رابطہ ویب سائٹ پر پیغام جاری کرتے ہوئے وزیراعظم عمران خان نے کہا ہے کہ قائداعظم اقلیتوں کو برابر کا شہری بنانا چاہتے تھے،انہوں نے ایسے پاکستان کا تصور کیا جو رحم، جمہوریت اور انصاف پر مبنی ہو۔انہوں نے پاکستان میں اقلیتوں کو برابر کا شہری بنانے کے عزم کا اظہار کرتے ہوئے کہا کہ جنابِ قائد کا تصورِ پاکستان ایک جمہوری، عادل اور شفیق مملکت کا تصور تھا۔ سب سے بڑھ کر یہ کہ قائد اعظم اقلیتوں کو برابر کا شہری بنانا چاہتے تھے۔ ہمیں ہمیشہ یاد رکھنا چاہئیے کہ سیاست کے ابتدائی زمانے میں دنیا ہمارے قائد کو “ہندو مسلم اتحاد” کے سفیر کے طور پر پہچانتی تھے۔انہوں نے مزید کہا کہ قائد اعظم نے مسلمانوں کیلئے الگ مملکت کی جدوجہد کا آغاز اس وقت کیا جب انہیں یقین ہوچلا کہ ہندو اکثریت مسلمانوں سے برابری کا برتاونہیں کرے گی۔