جکارتہ:(ویب ڈیسک)لاپتہ ہونے والے 150 افراد کی تلاش جاری، ڈیزاسٹر ایجنسی نے ساحلی پٹی پر سونامی کی مزید لہروں کا خدشہ ظاہر کیا ہے۔ انڈونیشیا میں سونامی کی تباہ کاریوں کے باعث ہلاک افراد کی تعداد 429 تک جاپہنچی جب کہ لاپتہ ہونے والے افراد کی تلاش کا سلسلہ بھی جاری ہے۔ انڈونیشیا کے جزیرے سماٹرا اور جاوا میں ہفتے کی رات آتش فشاں پھٹنے سے سونامی آیا جس نے قریبی بستیوں کو ملیا میٹ کر کے رکھ دیا۔سونامی کے باعث املاک کو نقصان پہنچنے کے علاوہ ہلاک افراد کی تعداد 429 ہوگئی اور تقریباً ڈیڑھ ہزار افراد زخمی ہیں۔
