اسلام آباد (صباح نیوز‘ آئی این پی‘ مانیٹرنگ ڈیسک) وفاقی وزیر اطلاعات فواد چوہدری نے کہا ہے کہ نہ اٹھارہویں ترمیم کو چھیڑا جائے گا نہ سندھ میں گورنر راج لگے گا۔ نجی ٹی وی کے پروگرام میں وفاقی وزیر اطلاعات فواد چوہدری نے پیپلز پارٹی کو سندھ میں گورنر راج نہ لگانے کی یقین دہانی کرائی ہے۔ فواد چوہدری نے کہا کہ نہ 18 ویں ترمیم کو چھیڑا جائے گا نہ ہی سندھ میں گورنر راج لگے گا بس بدلے میں سندھ حکومت یہ کرے کہ آصف زرداری کے کیس میں شفاف ٹرائل ہونے دے۔ انہوں نے کہا کہ مراد علی شاہ مرکزی ملزم ہیں استعفیٰ سے ہٹ کر کوئی بات نہیں ہو گی۔ وفاقی وزیر اطلاعات فواد چودھری وزیراعظم عمران خان کی ہدایت پر (آج)پیر کو کراچی پہنچیں گے جہاں پر وہ اہم سیاسی شخصیات کو موجودہ سیاسی صورتحال پر اعتماد میں لیں گے۔ فواد چودھری جعلی اکا ﺅ نٹس سے متعلق جے آئی ٹی رپورٹ پر حکومتی نکتہ نظر بیان کریں گے اور تحریک انصاف کے علاوہ جی ڈی اے اور ایم کیو ایم کے رہنماوں سے بھی ملاقاتیں کریں گے۔وزیر اطلاعات فواد چودھری کراچی میں قیام کے دوران گورنر سندھ عمران اسماعیل، غوث بخش مہر، امیر بخش بھٹو، ایاز لطیف پلیجو اور دیگر رہنما ﺅ ں سے بھی ملیں گے۔وزیر اطلاعات فواد چودھری بدھ کے روز کراچی سے واپس اسلام آباد پہنچیں گے۔فاقی وزیر اطلاعات فواد چوہدری نے کہا کہ وہ کراچی، بدین، سکھر اور لاڑکانہ کا دورہ کریں گے جس کے دوران پیر پگاڑا، لیاقت جتوئی، ذوالفقار مرزا ، فہمیدہ مرزا، ایاز پلیجو اور دیگر رہنماں سے ملاقاتیں کریں گے۔فواد چوہدری کا کہنا تھا کہ دورہ سندھ میں اتحادیوں کے ساتھ مشاورت میں سندھ کے معاملات پر اتفاق رائے پیدا کروں گا، پیپلز پارٹی کسی اور کو وزیر اعلی بنالے تو کوئی اعتراض نہیں ہوگا، وزیراعلی سندھ مراد علی شاہ جعلی اکا ﺅ نٹس کیس اور منی لانڈرنگ کی تحقیقات کرنے والی جے آئی ٹی میں مرکزی ملزم ہیں اس لیے وہ مستعفی ہوجائیں۔دریں اثنا مشیروزیراعظم زلفی بخاری نے وزیراعلی سندھ سے فوری استعفی دینے کامطالبہ کر دیا۔ انھوں نے سوشل میڈیا پر اپنے پیغام میں کہا کہ بے نظربھٹو نے آصف زرداری کی کرپشن سے خود کو الگ کرلیا تھا۔ وزیر اعظم کے مشیر زلفی بخاری وزیراعلیٰ سندھ پر برہم ہو گئے، ان کا کہنا تھا کہ قبضہ مافیا اور چور، آصف علی زرداری کے بچاﺅ کیلئے میدان میں آگئے ہیں، مراد علی شاہ کا ذاتی ملازم کی طرح وفاداری دکھانا قابل شرم ہے۔انھوں نے کہا کہ بے نظربھٹو نے آصف زرداری کی کرپشن سے خود کو الگ کیاتھا، وزیراعلی سندھ فوری مستعفی ہوں،اس سے کم کچھ قبول نہیں۔

کراچی(این این آئی)کراچی میں پولیس نے سال نو کے آغاز پر شہرقائد میں دہشت گردی کا بڑا منصوبہ ناکام بنا تے ہوئے دو دستی بم اور بارود سے بھری موٹرسائیکل برآمد کرلی پانچ مشکوک افراد بھی گرفتارکرلئے گئے ۔تفصیلات کے مطابق کراچی پولیس نے پی آئی بی کالونی سے دو دستی بم اور بارود سے بھری موٹرسائیکل برآمد کرلی جبکہ پانچ مشکوک افراد بھی گرفتار ہوئے۔پولیس حکام کا کہنا ہے کہ کارروائی کے دوران پولیس پر منشیات فروشوں نے دستی بم سے حملہ بھی کیا تاہم کوئی جانی نقصان نہیں ہوا، پانچ مشکوک افراد حراست میں لے لیے گئے۔ڈی آئی جی عامر فاروقی کے مطابق بم ڈسپوزل اسکواڈ نے بم ناکارہ بنا دیا اور بارود سے بھری موٹرسائیکل کو کلیئر کر دیا گیا ہے، اطلاع تھی بارود سے بھری گاڑی تیارکی گئی ہے، گاڑی کو نیوایئر پر کہیں استعمال کیا جانا تھا، پولیس نے آپریشن کرکے موٹر سائیکل برآمد کرلی۔ڈی آئی جی کا کہنا تھا کہ بارود کے ساتھ کیلیں بھی استعمال کی گئیں ہیں، موٹر سائیکل کی ٹنکی میں بم تیار کیا گیا تھا، موٹر سائیکل چوری کی ہے، 8 سے 10 کلو گرام بارودی مواد استعمال کیا گیا تھا۔

لاہور (اے این این) رہنما پیپلزپارٹی خورشید شاہ نے کہا ہے کہ پاکستان میں سویلین مارشل لاءلگانے کی کوشش جارہی ہے، بلاول بھٹو کی گرفتاری خطرناک کھیل ہوگا، اسٹیبلشمنٹ سوچے ملک کے ساتھ کیا ہو رہا ہے، آئین کو چھیڑا گیا تو پاکستان کی سالمیت کو خطرہ لاحق ہوگا، ملک میں افراتفری پھیلے گی، اس کھیل کے اثرات کے ذمہ دار بھی یہی لوگ ہوں گے،سندھ میں گورنر راج کا نفاذ بہتر نہیں ہو گا۔لاہور میں میڈیا سے گفتگو میں رہنما پیپلز پارٹی خورشید شاہ کا کہنا تھا کہ بلاول بھٹو کی گرفتاری کے لیے دل اور گردہ چاہیے، بلاول بھٹو کی گرفتاری خطرناک کھیل ہوگا، اس سے ملک افرا تفری کا شکار ہو گا، بلاول کو گرفتار کرنا ممکن نہیں لیکن ان سے کچھ بعید بھی نہیں۔خورشید شاہ نے کہا کہ سندھ میں گورنر راج لگانا ممکن نہیں، آئین اور قانون میں کوئی گنجائش نہیں، مارشل لا کے ذریعے آئین ختم کر کے گورنر راج لگایا جا سکتا ہے، آئین ختم کرنے کی کوشش کامیاب نہیں ہوگی اور گورنر راج کا نفاذ ملک کے لیے بہتر نہیں ہوگا۔ انہوںنے کہاکہ البتہ مارشل لا کے ذریعے آئین ختم کر کے گورنر راج لگایا جا سکتا ہے جب کہ آئین ختم کرنے کی کوشش کامیاب نہیں ہو گی۔ان کا کہنا تھا کہ آئین کو چھیڑا گیا تو پاکستان کی سالمیت کو خطرہ لاحق ہوگا، وفاق کو چھیڑنا خطرناک کھیل ہوگا ۔خورشید شاہ نے کہا کہ سندھ میں ان ہاﺅس تبدیلی کی ضرورت نہیں، مفروضوں پر کیسز بنائے گئے۔رہنما پیپلزپارٹی کا کہنا تھا کہمفروضوں پر مقدمات بنائے گئے ہیں جب کہ ملک میں ون پارٹی سسٹم بنانے کی کوشش کی جا رہی ہے۔ نظر آتا ہے جیسے سویلین مارشل لا لگانے کی کوشش کی جارہی ہے، اس قسم کی سیاست سے ایک پارٹی کو مضبوط اور باقیوں کو کمزور کیا جا رہا ہے، سیاسی جماعتوں کو ایسے ختم کرنے میں کامیاب نہیں ہوں گے، اس کھیل کے اثرات کے ذمہ دار یہ لوگ ہوں گے، ایسے غیر قانونی اقدام سے یہ آئین اور قانون کے کٹہرے میں کھڑے ہوں گے۔ انہوں نے کہا کہ عمران خان عوامی مینڈیٹ کے ذریعے اقتدار میں نہیں آئے، انہیں لایا گیا، عمران خان کو جیسے لایا گیا سب جانتے ہیں، عمران خان اپنی ناکامی چھپانے کے لیے اوچھے ہتھکنڈوں سے بیلنس کرنے کی کوشش کر رہے ہیں جب کہ ملک میں بحران اور غیر یقینی صورتحال پیدا کر رہے ہیں۔خورشید شاہ کا کہنا تھا کہ عمران خان نے سیاستدانوں کی گرفتاری کے علاوہ کچھ نہیں کیا، سیاستدانوں سے جیلیں بھرنا پاکستان کے لیے اچھا نہیں ہے، عمران خان سے وہ کام کرائے جا رہے جو کوئی سیاستدان نہ کرتا۔

لاہور (مانیٹرنگ ڈیسک) مسلم لیگ ن نے پنجاب اسمبلی میں قائد ایوان کی تبدیلی کے لیے کوششیں شروع کر دیں۔ نمبر گیم پوری کرنے کیلئے پیپلز پارٹی، آزاد اور حکمران اتحاد کے ناراض ارکین سے رابطوں کا فیصلہ کر لیا گیا۔ ن لیگ پارٹی کی اعلیٰ قیادت سے گرین سگنل ملنے پر تحریک لائی جائے گی۔ قائد ایوان کی تبدیلی کے لیے پارلیمانی پارٹی کے رہنماﺅں کو ٹاسک دیا گیا، تبدیلی کے لیے آزاد اور حکران اتحاد کے ناراض اراکین ٹارگٹ ہیں۔ ذرائع نے کا ہے کہ کئی ناراض اراکین مسلم لیگ ن کی قیادت سے مسلسل رابطوں میں ہیں۔ پنجاب اسمبلی میں حکومت اور اپوزیشن کے درمیان 21ارکان کا فرق ہے، پنجاب اسمبلی کے ایوان میں حکمران اتحاد کے 190ارکان، مسلم لیگ ن 167 ،پیپلز پارٹی 7، آزاد 4اورایک رکن راہ حق پارٹی کے معاویہ اعظم بھی حکمران اتحاد کا حصہ ہیں یوں حکمران اتحاد کی 191نشستیں بنتی ہیں۔مسلم لیگ ن اور پیپلز پارٹی کی 174نشستیں بنتی ہیں۔ اگر آزاد اراکین نے اپوزیشن کی حمایت کرتے ہیں تو حکومت اور اپوزیشن کے درمیان 17ارکان کا فرق رہ جائے گا۔ض

اسلام آباد (مانیٹرنگ ڈیسک) 35 ارب روپے کے 29 جعلی اکاو¿نٹس کھولے گئے، جعلی اکاو¿نٹس کی اصل رسیدیں سامنے لے آیا، سارے کھاتے اومنی گروپ کے اسلم مسعود اور عارف کے کہنے پر اوپن کئے گئے۔ موصول ہونے والی رپورٹ کے مطابق سمٹ بینک میں 16، سندھ بینک میں 8 اور یو بی ایل میں 5 جعلی کھاتے چلتے رہے۔ اومنی گروپ نے اکاو¿نٹس کھولنے کیلئے 11 جعلی کمپنیاں بنائیں۔رپورٹ کے مطابق جعلی اکاو¿نٹس کیلئے پارک لین کمپنی کا پتہ درج کرایا گیا، یہ کمپنی سابق صدر آصف علی زرداری اور پاکستان پیپلز پارٹی کے چیئرمین بلاول بھٹو کی ملکیت ہے۔رپورٹ میں درج حقائق کے مطابق آصف زرداری کے دست راست مشتاق احمد کے اکاو¿نٹس میں 8 ارب روپے کی ٹرانزیکشن ہوئی۔ مشتاق احمد نےآصف زرداری کے ساتھ 80 ممالک کے دورے کئے اور اب بیرون ملک فرار ہے۔ سابق صدر آصف زرداری نے مشتاق کو اپنا فزیو تھراپسٹ ظاہر کیا۔جے آئی ٹی رپورٹ میں انکشاف کیا گیا ہے کہ ماڈل ایان علی نے 80 سے زائد بیرون ملک دورے کئے جس دوران کروڑوں روپے باہر منتقل کئے گئے۔آصف زرداری نے متوفی ادریس کے اکاو¿نٹس سے 14 کروڑ کی ڈیوٹی ادا کی جبکہ ادریس کا جعلی اکاو¿نٹ اس کے انتقال کے بعد بھی چلتا رہا۔رپورٹ میں مزید بتایا گیا ہے کہ اومنی گروپ کے ملازم اشرف کے نام پر پانچ بینک کھاتے کھولے گئے۔ لکی انٹرنیشنل کا اکاو¿نٹ عدنان کمپیوٹر ہارڈوئیر کے نام پر کھلا۔ رائل ٹریڈرز اکاو¿نٹ احمد انوش رضائی والے کے نام پر کھولا گیا جبکہ ڈریم ٹریڈنگ کا اکاو¿نٹ رشید رکشے والے کے نام پر کھلا۔جے آئی ٹی کے مطابق اقبال آرائیں کے نام پر 4 جعلی اکاو¿نٹس کھولے گئے۔ اقبال آرائیں کا 9 مئی 2014ئ کو انتقال ہو چکا ہے۔ اومنی گروپ کے ملازم عمیر کے نام پر 10 ارب روپے کے 9 اکاو¿نٹس کھولے گئے جبکہ حیرت انگیز طور پر اومنی گروپ ہی عمیر ایسوسی ایٹس کا بے نامی دار تھا۔رپورٹ میں حقائق سے پردہ اٹھاتے ہوئے کہا گیا ہے کہ زرداری گروپ اومنی گروپ کے ہیلی کاپٹر استعمال کرتا رہا۔ زرداری گروپ سے تعلق رکھنے والے افراد نے 60 سے زائد بار ہیلی کاپٹر پر سفر کیا۔ مجید فیملی نے 46 بار ہیلی کاپٹر کا استعمال کیا جس کے لئے رقم جعلی اکاو¿نٹس سے ادا کی گئی۔