لاہور(شوبزڈیسک) پروڈیوسر سعدیہ جبار کی نئی پروڈکشن ”دلِ بے رحم“ 8 جنوری سے نجی ٹی وی پر نشر کیا جا رہا ہے۔اس ڈرامہ کی ہدایت کاری کے فرائض بشر مومن، خدا اور محبت سے شہرت پانے والے سید علی رضا اسامہ نے دئیے جبکہ تحریر منصور سعید کی ہیں۔ دل ِ بے رحم کی کہانی محبت میں رقابت اور اس کے نتیجے میں پیدا ہونے والے اتار چڑھاﺅ پر مشتمل ہے۔ یہ ایک سنجیدہ کہانی ہے جس میںایک شخص کی محبت کو دشمنی اور بدلے کی آگ میں جھونکتے اور دوسروں کی زندگیوں کو اسکی غلطیوں کی وجہ سے بربا د ہو تے دکھا یا گیا ہے۔ دلِ بے رحم میں بہترین اداکاروں نے اپنے جوہر دکھائے جن میں سمینہ احمد، اسرا غزل، بہروز سبزواری، حنا بیات، فراز فاروقی، نجم کفایت، کرن بٹ، مریم نفیس کے ساتھ امر خان اور وہاج علی کی مرکزی جوڑی بھی پہلی دفعہ اسکرین پر اپنی صلاحیتوں کو پیش کریں گے۔ سعدیہ جبار اپنے بہترین اور یادگار پروجیکٹس کی وجہ سے ملک کی سرفہرت پروڈیوسرز میں شمار ہوتی ہیں، انہوں نے ہر موضوع پر ڈرامائی تشکیل دی جس میں مشہور رومانوی ‘فلم بالو ماہی اور عوام میں نہایت مقبول ‘میرے بے وفاشامل ہیں۔ حال ہی میں انہوں نے بی وی سی میڈیا کے اشتراک سے پہلی ویب سیریل ‘شیملیس پروپوزل کا بھی اعلان کیا۔ اور اب دلِ بےرحم سے معروف پرو ڈیوسرکامیابی کی نئی بلندیوں کو چھونے کیلئے تیار ہیں۔
