لاہور(ویبڈیسک)وزیر ریلوے شیخ رشید نے دعویٰ کیا ہے کہ ن لیگ کے 37صوبائی ارکان تیارلیکن قومی کے اتنے نہیں مل رہے، پنجاب اسمبلی میں فارورڈبلاک کیلئے 7 ارکان کم ہیں،ان کا کہناتھا کہ میری اگلی پریس کانفرنس سے قبل اسحاق ڈار کو وطن واپس لایا جا سکتا ہے۔میڈیا رپورٹس کے مطابق لاہور ریلوے ہیڈکوارٹر میں پریس کانفرنس کرتے ہوئے وزیر ریلوے شیخ رشید نے کہا کہ ملکی سیاست میں 90 روزبہت اہم ہیں،ٹی وی پرجوزیادہ چیخ رہاہے اس کی باری آنےوالی ہے،انہوں نے کہا کہ جمہوریت کوخطرات چورسیاستدانوں سے ہیں،چورسیاستدانوں نے ہتھیارنہ ڈالے توجمہوریت کونقصان ہوگا،وزیر ریلوے نے کہا کہ پاکستانی سیاستدانوں کوجیل میں ہرطرح کی سہولتیں میسرہیں،میں نے خودساڑھے 3 سال جیل میں گزارے، میرے جیسے سیاستدانوں کے آپریشن جیل میں ہی ہوجاتے ہیں،مجھ سمیت سیاستدانوں کی بیماریاں ایسی ہیں جوجیل جاکرجاگ جاتی ہیں،شیخ رشید نے کہا کہ میری اگلی نیوزکانفرنس سے پہلے اسحاق ڈارکووطن واپس لایاجاسکتاہے،ان کا کہناتھا کہ مریم نوازکوپتہ ہے انکی سیاست ختم ہوگئی،جلسہ جلسہ کرتی ہیں،جلسہ کرناپنگالینے والی بات ہے،شیخ رشید نے کہا کہ ن لیگ کی حکومت کو 100 فیصدمریم نوازنے مروایا،مریم نوازکی خواہش ہے نوازشریف مرسی بن جائیں،ان کاکہناتھا کہ شہبازشریف کوسازش کرکے اپوزیشن لیڈربنایاگیا،شہبازشریف مریم اورحمزہ کے درمیان پھنس گئے ہیں،عمران خان کوکہاانہیں لندن جانےدیں،انہوں نے کہا کہ ملک کی ہرپارٹی میں آٹے،چینی کامافیاہے،عثمان بزدارکی کارکردگی ہم سے اچھی ہے،چیئرمین سینیٹ کے رہنے نہ رہنے سے کوئی فرق نہیں پڑےگا۔
